Olimpiala Ludi en Paris, 2024

L'Olimpiala Ludi en Paris, 2024, od oficale la 33ma Olimpiala Ludi, esis internaciona plursporta konkurso qua eventos de la 26ma di julio til la 11ma di agosto 2024 en Paris, Francia. Lor la Somerala Olimpiala Ludi eventos triesmafoye en Paris, dum la cent-yara aniversario dil Olimpiala Ludi di 1924.[1] La konkursi eventos en Paris ed en altra 16 urbi en kontinentala Francia, ed ank en 1 urbo di Tahiti, insulo qua apartenas a Franca Polinezia.

Logotipo* dil Olimpiala Ludi en Paris, 2024.

La Ludi esos la debuto di la brek-danso kom Olimpial evento.

Selekto dil urbo redaktar

Paris, Hamburg, Budapest, Roma e Los Angeles esis kandidati por gastigar la Ludi di 2024. La selekto-proceso lenteskis pro politikala necertesi e senkurajiganta kusti. Hamburg abandonis lua postulo ye la 29ma di novembro 2015, pos plebicito. Roma abandonis lua postulo ye la 21ma di septembro 2016 e mencionis fiskala problemi. Ye la 22ma di februaro, Budapest abandonis lua postulo, pos ke peticiono kontre la postulo recevis plusa signaturi kam la bezonita por ula plebicito.

Ye la 9ma di junio 2017, l'Internaciona Olimpiala Komitato kunsidis en Lausanne, Suisia, e decidis diskutar en la sama renkontro quo gastigus la Ludi di 2024 e 2028, e se esus posibla selektar la urbi por la du en la sama renkontro. Pos decidar favorebla pri la posibleso di selektar la du sideyi, ye la 13ma di septembro 2017, decidesis unanime ke Paris esus eventeyo, ed anke ke Los Angeles esos eventeyo por l'Olimpiala Ludi di 2028.

Referi redaktar