Apertar la precipua menuo
Serbia
Република Србија
Republika Srbija
Flag of Serbia.svg Coat of arms of Serbia.svg
Standardo di Serbia Blazono di Serbia
Nacionala himno:
Bože pravde
Location of Serbia in Europe, without Kosovo 2.png
Urbi:
Chefurbo: Belgrade
· Habitanti: 1 670 000[1] (2007)
Precipua urbo: Belgrade
Lingui:
Oficala lingui: Serbiana
Guvernerio:
Tipo: Republiko
· Prezidanto: Aleksandar Vučić
· Chefministro: Ana Brnabić
Surfaco: (113ma granda)
· Totala: 88 361 km²
Habitanti: (104ma granda)
· Totala: 7 001 444[2] (2017)
· Denseso di habitantaro: 91,1 hab./km²
Plusa informi:
Valuto: dinaro di Serbia
Veho-latero: dextre
ISO: RS
SRB
688
Reto-domeno: .rs*, .срб*
Precipua religio: kristanismo
Oficala retosituo: http://www.srbija.gov.rs/


Serbia esas lando en sudal Europa. Lu havas kom vicini Hungaria norde, Rumania e Bulgaria este, Kosovo e Macedonia sude, Montenegro, Bosnia e Herzegovina e Kroatia weste.

Bazala fakti pri Serbia.

HistorioRedaktar

 Precipua artiklo: Historio di Serbia

Romani konquestis la regiono dum l'1ma yarcento aK e la regiono divenis parto di kelka Romana provinci. Ne min-multa kam 17 Roman imperiestri naskis en la regiono di nuna Serbia[3]. Dum la 11ma yarcento la regiono divenis parto di Bizancana e Bulgariana imperii. En 1217 lando adoptis la maxim anciena konstituco di la historio.

En 1386 Otomani vinkis Serbi che la Batalio di Plocknik. Parto di la regiono okupesis dal Otomani e pose da Austriani.

Serbia divenis nedependanta de Otoman imperio ye la 13ma di julio 1878. De 1918 til 1945 ol divenis parto di Rejio di Yugoslavia, e de 1945 til 1991 ol divenis parto di Yugoslavia.

 Precipua artiklo: Yugoslavia

Kande interna militi desintegrigis Yugoslavia de 1991 til 1992, Serbia restis unionita a Montenegro en lando qua prezervis la nomo Yugoslavia til 2003, kande ol chanjis lua nomo a Serbia e Montenegro.

 Precipua artiklo: Serbia e Montenegro

Kun la nedependantesko di Montenegro en 2006, Serbia divenis sola stato. En februaro 2008 Kosovo deklaris lua nedependo, ma ne esas agnoskata da Serbia e da plu kam 100 landi.

 Precipua artiklo: Kosovo

Ye la 22ma di decembro 2009 Serbia oficale prizentis lua kandidateso por membreskar l'Europana Uniono[4].

PolitikoRedaktar

Serbia esas parlamentala republiko. La chefo di stato esas la prezidanto, elektita dal populo por kin-yara periodo. La chefministro esas la chefo di guvernerio, qua elektesas dal prezidanto inter la membri del parlamento.

La parlamento (Narodna Skupština) havas unika chambro kun 250 sideyi. La nuna konstituco aprobesis per plebicito ye la 28ma e 29ma di oktobro 2006, e havas un introdukto e 206 artikli. En lua introdukto ol konsideras Kosovo parto di Serbia. La konstituco de 2006 remplasis la de 1990.

GeografioRedaktar

 
Serbia.
 
Danubio en Đerdap.

Serbia jacas inter 41º e 47º N. Lua tereni esas basa en nordo (Voivodina) ed alta en sudo (sudala Karpati). Danubio esas la precipua fluvio di Serbia. Altra importanta fluvii esas Granda Morava (493 km, tote en Serba teritorio) Sava, kun 945 km (di qui 206 km en Serbia), e Tisza o Tisa, kun 1358 km di extenso (di qui 168 en Serbia). La maxim alta monto di la lando esas Monto Midzhur, kun 2 169 metri di altitudo, an la frontiero kun Bulgaria.

Lua klimato subisas influi de Mediteraneo e de Eurazia. La mezavalora temperaturi esas 0°C dum vintro e 22°C dum somero. Pluvo esas bone distributata dum omna yaro.

Cirkume 31% di Serba teritorio kovresas da foresti[5]. Nacionala parki kovras cirkum 10% dil teritorio[6].

EkonomioRedaktar

 Precipua artiklo: Ekonomio di Serbia

Dum recenta yari, granda entraprezi, exemple US Steel, Philip Morris, Microsoft, FIAT, Coca-Cola ed altre kolokis en Serbia[7].

DemografioRedaktar

 
Etniala mapo di Serbia en 2011.
 
Katedralo di Santa Sava, en Belgrade, un ek la maxim granda Ortodoxa katedrali de la mondo.

Segun statistiki de The World Factbook por julio 2018, Serbia havis 7 078 110 habitanti. Segun la demografiala kontado di 2011, la maxim multa (83,3%) esas Serbi. Hungari esas 3,5%, Cigani esas 2,1%, Bosniani esis 2%, e 5,7% apartenis ad altra etnii e 3,4% ne deklaris l'etnio.[8]

L'oficala linguo di la lando esas Serbiana, parolata da 88,1% de la habitantaro. Hungara parolesas da 3,4%, 1,9% parolas Bosniana, Romani parolesas da 1,4%, 3,4% parolis altra lingui, e 1,8% ne informis pri la linguo.

Segun la demografiala kontado di 2011, la religio kun maxima nombro di adepti esas Ortodoxa kristanismo (84,6% de la habitantaro). Katoliki esas 5%, Mohamedani esas 3,1%, Protestanti esas 1%, atei esas 1,1%, 0,8% praktikis altra religii, e 4,5% ne informis pri religio.

La maxim granda urbo esas Belgrade. Altra importanta urbo esas Novi Sad e Niš.

KulturoRedaktar

La lando havas multa monumenti de l'epoki Romana e Bizancana, note en Sirmium, Gamzigrad, e Justiniana Prima. Lua monumenti de la Mezepoko esas precipue kirki e monakeyi. Dum Turka okupeso, Serbiana arto preske desaparis, ecepte por Serbian artisti qua vivis en regioni sub Habsburga dominacajo. Dum la fino di la 18ma yarcento Serbian arto montris kelka influi de baroko, e dum la 19ma yarcento ol subisis influi de romantikismo e realismo. Dum la 20ma yarcento la maxim importanta piktisti esis Paja Jovanović, Milan Konjović, Marko Čelebonović, Petar Lubarda, Uroš Predić, Milo Milunović, Vladimir Veličković, Mića Popović, Sava Šumanović e Milena Pavlović-Barili.

Pri literaturo dum la 20ma yarcento la maxim importanta skriptisti di prozo esis Isidora Sekulić, Miloš Crnjanski, Ivo Andrić, Branko Ćopić, Meša Selimović, Borislav Pekić, Dobrica Ćosić, Danilo Kiš, Aleksandar Tišma e Milorad Pavić.

Sporti en Serbia jiras precipue cirkum kolektiva sporti, exemple futbalo e basketbalo. Recente, teniso anke divenis populara. Ye la 6ma di oktobro 2008 Serbiana tenisistino Jelena Janković rangizesis l'unesma del mondo.

ReferiRedaktar

Nuna stati qui formacis l'anciena Yugoslavia  
Bosnia e Herzegovina | Kosovo | Kroatia | Norda-Macedonia | Montenegro | (Serbia e Montenegro) | Serbia | Slovenia
 
Europana Uniono
 
Membrostati: AustriaBelgiaBulgariaChekiaChiproDaniaEstoniaFinlandoFranciaGermaniaGrekiaHispaniaHungariaIrlandoItaliaKroatia - LatviaLituaniaLuxemburgiaMaltaNederlandoPoloniaPortugalRumaniaSlovakiaSloveniaSuediaUnionita Rejio
Negocianta stati: Islando - MontenegroNorda-MacedoniaSerbiaTurkia
Peticionanta stati: Albania
Potenciala kandidati: Bosnia e Herzegovina - Kosovo