Yugoslavia

Yugoslavia esis lando jacinta an sudal Europa, weste de Balkani, an la rivo di Adriatiko, qua existis de 1918 til 1991. La vorto yug signifikas en Slava lingui 'sudo', do Yugoslavia signifikas exakte "lando di sudala Slavi".

Rejio di Serbiani, Kroatiani e Sloveniani en 1918, l'origino di Yugoslavia.

Yugoslavia konsistis ek nuna Serbia, Montenegro, Norda Macedonia, Bosnia e Herzegovina, Kroatia, Slovenia e Kosovo. La maxim multa habitanti parolis ula Slava linguo. La maxim multa habitanti esis Serbo-kroati (Serbi e Kroati), qui parolas preske la sama linguo, tamen Serbi uzas kirilika literi ed esas Greka-ortodoxi, kontre ke Kroati uzas la Latina literi ed esas Romana-katoliki.

Rejio di Yugoslavia

Yugoslavia fondesis en 1918 pos l'unesma mondomilito, kande Austria-Hungaria krulis. La Rejio di Serbia kombatis dum milito ensemble la Triopla Interkonsento. Pos la milito, parti de Austria-Hungaria, i.e. Voivodina, Kroatia, Bosnia-Hercegovina e Slovenia anexesis a Serbia. Anke Montenegro unionesis a Serbia. Do, la nomo di la nova stato komence esis Rejio di Serbi, Kroati e Sloveni, de 1918 til 1929. Tamen, relati inter lua diferanta populi esis tensa, e la lando divenis diktatoreso. En 1941, nacional-socialista Germania ed Italia invadis la lando.

Reji di Yugoslavia

1. Petar la 1ma di Yugoslavia de 1ma di decembro 1918 til 16ma di agosto 1921. Dum lua tempo kom viceregnanto esis princo Aleksandar.
2. Alexandar la 1ma de 16ma di agosto 1921 til 9ma di oktobro 1934. Ilu mortigesis en Marseille, Francia.
3. Viceregno, kom chefo esis princo Pavle de 9ma di oktobro 1934 til 27ma di marto 1941.
4. Petar la 2ma di Yugoslavia de la 27ma di oktobro 1941 til la 29ma di novembro 1945 (en exilo de la 14ma di mayo 1941).

Socialista Federuro di Yugoslavia

Precipua artiklo: Republiko Socialista Federala di Yugoslavia

Federuro di Yugoslavia

Lasta Yugoslavia konsistis de Serbia e Montenegro. Komence ol adoptis l'oficala nomo di Federuro di Yugoslavia, ma depos 2003 la nomo dil stato esis Serbia e Montenegro. Ye la 3ma di junio 2006 Montenegro nedependanteskis de Serbia e la nomo "Yugoslavia" desaparis.