Eventi +/-
en historio
dum januaro
50, 100 e 150 yari ante nun …
31 di januaro 1971. Apollo 14 lansesis: Alan Shepard, Stuart Roosa ed Edgar Mitchell komencis voyajo a la luno. Roosa restis en orbito cirkum la luno, prenante fotografuri inkluzante la loko por Apollo 16; Shepard e Mitchell atingis la surfaco ye 5 di februaro, sur la geologiale interesiva formacuro Fra Mauro (la intencita loko por Apollo 13). Dum du exkursi, li kolektis 42 kg de roki, por analizado da geologi. Shepard anke frapis du golfo-buli per provizora bastono.
21 di januaro 1921. La filmo The Kid, da Charlie Chaplin, unesmafoye videsis. Ol esis ilua unesma filmo di plena longeso (68 minuti). La filmo esis sucesoza, e nuntempe esas egardata kom un ek la maxim notinda de la ero di muta cinemo. The Kid kombinas dramato e komedio; Chaplin pleas vaganto, ja vidita en ilua antea filmi, qua adoptas yunulo, pleata da Jackie Coogan, lor evante sis yari. Coogan pose divenis notinda puero-aktoro en filmi.
18 di januaro 1871. En la spegul-galerio di la Palaco di Versailles, la unigo di Germania esis proklamata. Princi di la Germana stati, ecepte Austria-Hungaria, asemblis e proklamis ke Wilhelm la 1ma di Germania esas imperiestro di nova stato, qua remplasis la Germana Federuro, kreita da la Kongreso di Wien en 1815. La unigo di 1871 sequis la dissolvo di la Santa Romana Imperio en 1806, e kreskanta Germana nacionalismo dum la 19ma yarcento.
|
|
|
Kunlaborez! +/-
 Acqua alta (alta mareo) en Venezia.
Informatik-apuntilo esas aparato manovrita da homo ofte per manuo e tra operaco sistemo di komputero por imperar da preciza loko o direkto.
Savano es tropikala herblando di Sud-Amerika e partikulare di Afrika, jacanta inter equatorala foresti e sika dezerti. Granda parto di lua surfaco esas kovrita da herbo, kun rara arbori.
Savani havas 2 klimatala sezoni: la pluvoza (kun intensa pluvi) e la sika e varma.
|
|
