Equatoro

Equatoro esas imaginala lineo qua cirkondas ula planeto dividanta ol en norda e suda misferi, equidistanta de poli. Lua latitudo definesas kom 0°.

Mapo di la Tero, montranta la lineo Equatoro.

Monumento en Equador konstruktita sur Equatoro, montranta la lokizo di la norda e la suda misferi.

Geologiala studii montras ke la lokizo di Equatoro variis signifikante inter 48 e 12 milion yari ante nun, pro modifiko en la sedimenti depozita da termala flui che Equatoro. La depozeyi sedimentala determinesas dal axo terala, qua determinas la sunala kovrado di la surfaco di la Tero.

Equatoro Terala trairas 3 oceani - Atlantiko, Pacifiko ed Indial oceano - e 11 suverena landi: Equador, Kolumbia e Brazilia en Sud-Amerika; San-Tome e Principe, Gabon, Republiko Kongo, Demokratial Republiko Kongo, Uganda, Kenia e Somalia en Afrika; ed Indonezia en Azia.