Volebalo esas esquado-sporto ube ula esquado kun 6 ludisti single konkursas kontre l'altra, esante la du separita per un reto. Singla esquado intencas facar punti per lansado di la balono kontre la sulo en la agro di rivala esquado, segun la reguli establisita.[1] Volebalo esas Olimpiala sporto depos 1964.

Volebalo-konkurso.
Pueri ludas volebalo en la vilajo Erwadi, Tamil Nadu, India.

Volebalo havas multa reguli, ma en simpla vorti, ula ludanto di un ek la esquadi komencas 'ralio' tra la jeto dil balono (adsupre, o tra liberigo dil balono e sequante tra forta frapado kun la manuo o brakio) dedop la limitolineo di la agro. La balono mustas transirar super la neto e falar en la agro di la recevanti, l'opozanta esquado. L'opozanta esquado ne mustas permisar ke la balono falos interne en lua agro. Singla esquado povas tushar la balono admaxime 3 foyi, ma singla ludanto ne povas tushar la balono du foyi sequante. Kustume, l'unesma du tushi uzesas por preparar l'atako, qua konsistas ek probar lansado di la balono super la reto en moyeno qua impedas l'opozanta esquado evitar lua falo en lua agro.

La 'ralio' duras til eventar un ek ca du situacioni:

  1. un ek la esquadi sucesas lansar la balono kontre la sulo en l'agro di opozanta esquado e ganas la 'ralio', o
  2. un ek la esquadi facas eroro e perdas la 'ralio'.

Exemplo pri eroro esas kande ludanto tushas duesmafoye la balono ante ke altra ludanto tushez ol, o se un ek la esquadi tushas la balono plu kam 3 foyi ante sendar ol al agro dil adversi.

L'unesma volebalo-konkurso ludesis en Holyoke, Massachusetts, la yaro 1895.

Referi redaktar

  1. Volleyball - Publikigita da International Olympic Committee. URL vidita ye 21ma di marto 2007.