Arto esas la procedo o produkturo de intencale organizata elementi, por apelar a la sensi od emoci. Esas desfacila dicar quo esas o quo ne esas arto. Arto ne havas limiti ed on ne povas mezurar olu. Tamen, on povas ofte dicar quo esas artala verko, e quo ne esas. (Tale dicita) experti pri arto povas dicar quo esas bon arto e quo ne esas bon arto.

Kelka exempli pri artala objekti, segun-horloje, de supera sinistra: Su-portreto da Vincent van Gogh; Afrikana statuo de la populo Chokwe; detalo pri "La nasko di Venus" da Sandro Botticelli; e Shisha leono de Japonia.
Detalo di Mona Lisa, pikturo da Leonardo da Vinci.

Homo facas utensili, instrumenti ed objekti por lua laboro, ma ofte lu facas li plu bela kam on bezonas. Tatempe homo zelas, ultre la beleso, ad ula artala kozo, e lu facas artala verko, o plu kurte, arto.

Karikatante on povas dicar ke artala verko ne havas ula praktika funciono. Artala verko devas nur esar bela o prizentar beleso. Do en precipua arto on kreas verki, qui donas plezuro a homi, sen ula praktikala uzo o funciono.

Per artala verko e per selekto di temo homo igar lua pensi vidanta. En arto on demonstras interna qualesi di ula objekto tra lua extera traiti.

Arto povas subdividesar en faki e, kelkafoye, ca faki povas grupigesar. Exemple, pikto, skulto, grab-arto, artala ceramiko, fotografo, cinemo e komputeral arto kelkafoye nominesas "vid-arto". Artala ceramiko e skulto anke povas nominesar "plastik-arti".

Segun Friedrich Hegel, "arto" subdividesas en:

---

Arto ed arteso povas revelar su anke en objekti di ordinara vivo, exemple, en mobli e specala utensili.

Commons
Commons havas kontenajo relatante a:
Wikipedio
Wikivortaro explikas
ca rubriko
en altra lingui: Arto