Grenada
| Grenada | ||
| Grenada | ||
|
| |
| Standardo di Grenada | Blazono di Grenada | |
| Nacionala himno: | ||
| Hail Grenada | ||
| ||
| Chefurbo: | St Georges | |
| · Habitanti: | 7 500 (1999) | |
| Precipua urbo: | St Georges | |
| Oficala lingui: | Angla | |
| Tipo: | Monarkio | |
| · Rejino: | Elizabeth | |
| · Generala-guberniestro: | Cécile La Grenade | |
| · Chefministro: | Keith Claudius Mitchell | |
| · Totala: | 344 km² | |
| · Aquo: | 1,6 % | |
| · Totala: | 108 896[1] (2019) | |
| Valuto: | Dolaro di Estal Karibia | |
| Veho-latero: | sinistre | |
| ISO: | GD
| |
GRD
| ||
308
| ||
| Reto-domeno: | .gd* | |
Grenada esas mikra lando en Karibia, konsistanta ek l'insulo Grenada, e parto del insuleti nomizita Grenadini.
Bazala fakti pri Grenada
HistorioRedaktar
| Precipua artiklo: Historio di Grenada |
.jpg)
Grenada habitesis unesmafoye da populi qui venis de Sud-Amerika, posible cirkume 2 mil yari aK. Permananta kolonieti aparis cirkume la yaro 300, e de cirkume 750 til cirkume 1250 la habitantaro augmentis multe.
Grenada deskovresis en 1493 da Cristoforo Colombo, qua nomizis ol segun Hispana urbo Granada. Kande il arivis en l'insulo, indijeni Karib ja habitis ibe, e nomizis ol "Camahogne". Hispani ed Angli faliis konquestar l'insulo, ma en 1650 Franci konquestis ol sucesoze. Franca konquesto rezultis gentocido dil indijeni Karib.
Franci prenis kontrolo dil insulo e nomizis ol "La Grenade". Lua precipua exportacajo esis sukrokano. Britania okupis l'insuli depos 1783 kun Kontrato di Versailles.
Ye la 22ma di septembro 1955, uragano Janet frapis l'insulo, destruktis 75% del arbori di muskado e produktis 500 morti. En 1957 kreesis politikala partiso Grenada National Party, ed en 1958 Grenada enkorpigesis a la Federuro di Westal Indii.
Grenada nedependanteskis del Unionita Rejio ye la 2ma di februaro 1974.
PolitikoRedaktar
Grenada esas konstitucala monarkio. Elizabeth la 2ma dil Unionita Rejio esas la chefo di stato, e reprezentesas lokale dal generala-guberniestro, nun Cécile La Grenade. La chefo di guvernerio esas la chefministro, nun Keith Mitchell. Nuna konstituco aprobesis ye la 19ma di decembro 1973[2].
Lua parlamento havas du chambri. La Chambro di Deputati havas 15 membri qui elektesas dal populo por kin yari en lokala distrikti. La Senato havas 13 membri, di qui 10 indikesas dal guvernerio e 3 indikesas dal opozanta partiso.
La Supera Korto di Karibiana Stati esas la maxim alta korto por Grenada e por altra 5 nedependanta landi de Karibia, ed anke por tri dependanta teritorii: Anguilla, Virgin Insuli Britaniana e Montserrat. Lua sideyo jacas en Castries, Santa Lucia.
GeografioRedaktar
Grenada kom stato konsistas ek l'insulo Grenada, ed ek mikra insuli, Grenadini, di qui la maxim granda esas Carriacou. La maxim alta monto dil arkipelago esas Monto St. Catharine, kun 840 m di altitudo.
EkonomioRedaktar
| Precipua artiklo: Ekonomio di Grenada |
DemografioRedaktar
_(exterior).jpg)
Segun statistiki de The World Factbook por julio 2018, Grenada havis 112 207 habitanti. La maxim multa (82,4%) esas decendanti de Afrikani.[3] Mestici esis 13,3%, est-Indiani esis 2,2%, altri esis 1,3%, e ne existis informi pri 0,9% de la habitantaro en 2011.[3] Poka indijeni de etnii Karib ed Arawak transvivis la masakro dal Franci, en Sauteurs. La maxim multa habitanti (90%) habitas l'insulo Grenada, la maxim granda insulo di la lando, e cirkume 10% habitas Grenadini.
L'oficala linguo di la lando esas l'Angla. Franca kreola linguo di Granada anke parolesas.[3]
La religio kun maxim granda nombro di adepti esas protestantismo (49,2%, inkluzite 17,2% Pentekostisti, 13,2% Adventisti de la 7ma dio, 8,5% Anglikani, ed altri). Katoliki esis 36%, 1,2% esis testi di Jehova, 1,2% esis Rastafariani, 5,5% praktikis altra religii, 5,7% praktikis nula religio, ed 1,3% ne informis pri religio.[3]
KulturoRedaktar
Quankam Franca influo en Grenada esar min videbla kam en altra Karibiana insuli, la nomi di loki e surnomi en Franca linguo duras. La koquarto di la lando simileskas New Orleans.
ReferiRedaktar
- ↑ Population of Grenada 2019. URL vidita ye la 23ma di aprilo 2019.
- ↑ Grenada:Constitution, 1973.
- ↑ 3,0 3,1 3,2 3,3 Central America::Grenada - The World Factbook. CIA. URL vidita ye la 23ma di aprilo 2019.
| Suverena stati e Nesuverena teritorii che Karibia |
|---|
| Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago |
| Nesuverena teritorii: Anguila | Aruba | Virgin Insuli Britaniana | Guadelupa | Insuli Kaiman | Kuracao | Martinik | Montserrat | Navassa | Porto-Riko | Sant Maarten | Insuli Turks e Kaikos | Virgin Insuli Usana |
| Anciena Nederlandan Antili, nun parto de Nederlando: Bonaire | Saba | Sint Eustatius |