Sint Eustatius
Sint Eustatius esas insulo che Karibia, e specala municipo de Nederlando. Ol jacas an la norda parto de la nomizita Westal Indii, sud-este de Virgin Insuli.
| ||||||||||||||||||||||||||||||||||||||||||||||||||||||
Bazala fakti pri Sint Eustatius.
Historio redaktar
Ne restas klara se l'insulo esis habitata ante l'arivo dil Europani. Posible ol videsis da Cristoforo Colombo en 1493. De la 17ma yarcento, kande komencis lua koloniigo, til la komenco dil 19ma yarcento, l'insulo chanjesis 21-foye di manui, inter Nederlando, Britania e Francia.
Geografio redaktar
La reliefo di Sint Eustatius esas montoza, kun origino volkanala, havanta plana areo inter lua du monti. Omna plaji kovresas da negra sablo kun origino volkanala. La maxim alta punto dil insulo esas monto Mazinga o monto Quill, dormanta volkano kun altitudo di 601 metri super la marala nivelo. Pro la mikreso dil insulo - nur 21 km² - ne existas importanta fluvii.
Este del insulo kreskas basa vejetantaro, kontre ke weste kreskas palmieri ed arbori plu alta. Sude de la monto Quill la sulo esas rokoza e la mikroklimato esas arida. Ibe la vejetantaro esas rezistanta a sikeso. La cetera tereni del insulo kovresas da arbusti ed arbori dornoza kun harda ligno.
La klimato dil insulo esas tropikala influata da musono (Am, segun la klimatala klasifikuro da Köppen). La pluvo-quanto esas bone distributata dum tota yaro, ma la maxim pluvoza epoko iras de la duimo di agosto til la duimo di decembro. La mezavalora yarala pluvo-quanto esas 985,8 mm.