Apertar la precipua menuo
Cristoforo Colombo
Cristoforo Colombo
Profesiono: navigisto
Lando: Flag of Italy.svg Italia
Naskodato: 1450, 1449, 31 di oktobro 1451, 1 di septembro 1451, 1450
Nasko-loko: Genova Italia
Mortodato: 20 di mayo 1506, 19 di mayo 1506
Morto-loko: Valladolid Hispania

Cristoforo Colombo (1451 til 1506) esis Italiana navigisto e la duesma deskovrinto di Amerika, dop Leifr Eríksson. Tamen, l'exakta dato di arivo di Eríksonn (c. la yaro 1000) esas nekonocata. Colombo arivis en Karibia ye la 12ma di oktobro 1492.

Lua nomo en Italiana esas Cristoforo Colombo, ed en la Hispana, esas Cristóbal Colón.

Unesma voyajoRedaktar

Depos 1485 il esforcis obtenar pekuniala moyeni por la projeto, por trovar nova voyo ad Azia, fine ganante konkordo kun Ferdinandus la 2ma di Aragon e lua spozino Isabel la 1ma di Kastilia e Leon|Kastilia]]. Ye la 3ma di agosto 1492 la expediciono komencis: tri navi departis de Hispania: Santa Maria esis longa de 36 m e grava de 200 tuni, havinta 30 navani; la altra du navi esis Pinta e Niña.

Ye la 12ma di oktobro li deskovris insulo di nuntempa Bahama, e renkontris indijeni, qui esis pacoza. Ye la 28ma di oktobro li atingis la nord-esto di nuntempa Kuba, e li exploris la marbordo. Li exploris la norda marbordo dil insulo Hispaniola en januaro 1493, ube li renkontris enemikala indijeni, e du maristi de Colombo esis ocidata.

Pose, li komencis retrovoyajo a Hispania, ed arivis ye la 15ma di marto 1493. Colombo durante kredis ke ilu deskovris regiono di Azia.

Duesma voyajoRedaktar

Ye la 24ma di septembro 1493, Colombo departis de Cádiz ye la komenco di duesma voyajo vers la Nova Mondo. Esis 17 navi, portanta 1200 koloniisti. Ye la 2ma di novembro, la navi atingis Dominika e pose Guadelupa, quan Colombo exploris de la 4ma til la 10ma di novembro. Pose il atingis Porto-Riko. Ye la 22 di novembro ilu atingis Hispaniola, e trovis la fortreso establisita dum la unesma vizito destruktita da indijeni; kadavri di la Hispana koloniisti jacis en la ruinaji. Ye la norda marbordo di Hispaniola il establisis nova kolonio, nomizita La Isabela.

Triesma voyajoRedaktar

Segun Bartolomé de las Casas, la skopo di la triesma voyajo esis verifikar l'existo di kontinento qua la rejulo João la 2ma di Portugal insinuis existar weste de Kabo Verda. Ye la 30ma di mayo 1498, Colombo departis de Sanlúcar, Hispania, kun 6 navi, di qui 3 sendesis direte a Hispaniola e l'altra tri, komandita da Colombo, iris sude por explorar quo existis en la regiono, inkluzite se existis aceso a kontinental Azia.

Colombo unesme vizitis l'insulo Porto Santo, ube lua spozino naskabis, pose vizitis Madeira, ube ilu renkontris Portugalana kapitano João Gonçalves da Camara, pose navigis vers Kanarii e Kabo Verda. Dum lua navigado adweste, ilu trovis l'equatorala kalmeski, e fine ye la 31ma di julio ilu vidis l'insulo Trinidad e parto de kontinentala Sud-Amerika.