Apertar la precipua menuo
Cayman Islands
Flag of the Cayman Islands.svg Coat of arms of the Cayman Islands.svg
Chef-urbo Georgetown
Cayman Islands in United Kingdom.svg
Oficala linguo Angla
Surfaco 264 km²
Habitanti
Denseso di habitantaro
63 415[1] (2016)
hab./km²
Guberniestro Martyn Roper
Horala zono UTC-5
TNP (yaro) 2 507 milioni (2014)
Reto www.gov.ky

L'Insuli Kaiman esas autonoma transmara teritorio che Karibia qua apartenas ad Unionita Rejio. Ol konsistas ek 3 insuli: Grand Cayman, Cayman Brac e Little Cayman. Ol freque uzesas kom "financala paradiso" por entraprezi e por richa individui.

Bazala fakti pri l'insuli Kaiman.

Indexo

HistorioRedaktar

 
La granda quanto di marala tortugi atraktis pirati al insuli.

Nula restajo pri anciena indijena kulturi trovesis che l'insuli. Cristoforo Colombo vidis l'insuli ye la 10ma di mayo 1503 e nomizis li Las Tortugas, pro la granda quanto di marala tortugi en lua aqui. Pirati, naufrajala maristi e deserteri de la trupi di Oliver Cromwell habitis l'insuli dum kelka epoki. Li uzis li kom bazo e chasis l'abundanta tortugi. L'insuli restis preske komplete nehabitita til la 17ma yarcento. L'unesma permananta habitanto dil insulo esis Isaac Bodden, qua arivis ibe en 1661.

Angli prenis kontrolo dil insuli en 1670, per la Kontrato di Madrid. En 1734 li komencis adportar sklavi al insuli. L'unesma demografiala kontado qua eventis en 1802 trovis 933 habitanti, di qui 545 esis sklavi. En 1833, l'Unionita Rejio abolisis sklaveso en lua kolonii. Ca yaro l'insuli havis plu kam 950 negri e nur 116 blanka familii.

Turismo komencis kreskar pos la yari 1950ma, kande aeroportuo, banko e multa hoteli inauguresis. Politikale, l'insuli restis parto de Jamaika til 1962, kande li separesis por formacar kolonio di la krono, dum ke Jamaika nedependanteskis.

PolitikoRedaktar

L'Insuli Kaiman esas transmara teritorio dil Unionita Rejio. Lua nuna konstituco adoptesis en 2009. Existas legifantaro kun 21 membri, di qui 19 elektesas dal populo por 4 yari, e du elektesas dal generala guberniestro e ne darfas votar. La chefministro elektesas dal guberniestro.

La guberniestro indikesas dal rejo di Anglia konsilata dal Guvernerio dil Unionita Rejio, e reprezentas lokale la monarko.

GeografioRedaktar

 
Grand Kaiman vidita del aero.
 
Mapo pri Grand Kaiman.

L'insuli konsistas ek koralii qui kovras la somiti de submara montaro, de qua la bazo jacas 6.000 metri sub marala nivelo. La tri distas cirkume 700 km sude de Miami, 750 km este de Mexikia, 366 km sude de Kuba, e cirkume 500 km nord-weste de Jamaika.

La klimato dil arkipelago esas tropikala kun du sezoni e poka vario di temperaturi. La pluvoza sezono iras de mayo til oktobro, kontre ke la sika sezono iras de novembro til aprilo. Tropikala cikloni frapas l'insuli de junio til novembro. En 2004, uragano Ivan frapis l'insuli, produktis du morti ed efektigis granda domajo di la substrukturi.

Pro la mikra surfaco dil insuli, ne existas importanta fluvii.

EkonomioRedaktar

 Precipua artiklo: Ekonomio di Insuli Kaiman

DemografioRedaktar

 
Kirko del Unionita Eklezio, en Georgetown.

Segun statistiki de The World Factbook por julio 2018, Insuli Kaiman havis 59 613 habitanti. Segun etnio, esis Mestici esas 40% de la habitantaro, blanki esas 20%, negri esas 20%, e la cetera esas de altra etniala grupi.[2]

La linguo oficala esas Angla, parolata da 90,9% de la habitantaro. Altra lingui parolata esas Hispana, parolata da 4%, Filipinana, parolata da 3,3%, altra lingui parolesas da 1,7%, e ne existas informo pri 0,1% de la habitantaro.[2]

La procento di habitantaro segun religio esas: protestanti: 67,8%, inkluzite membri del Eklezio di Kristo (22,6%), Adventisti (9,4%), ed altri. Katoliki esas 14,1%, testi di Jehova esas 1,1%, praktikanti di altra religii esas 7%, sen religio esas 9,3%, e ne existas informi pri 0,7% de la habitantaro.[2]

ReferiRedaktar