Turismo esas voyajo quan ulu facas ordinare kun skopo amuzar su, distraktar e laxigar. Mondal Organizuro pri Turismo definas turisti kom "individui qui voyajas e restas en loki exter lia ordinara cirkumaji, por periodo infre 1 yaro, kun skopo amuzar su e facar nesalariita agadi."

Turmo Eiffel en Paris, la 18ma maxim vizitata loko de la mondo.
Machu Picchu, un ek la maxim vizitata loki en Sud-Amerika.

Turismo divenis importanta libertempo ed anke ekonomiala agado en la mondo: en 2011, plu kam 983 milion personi voyajis kun intenco di turismo. To reprezentis augmento di 4.6% kande komparita a 2010.[1]

Turismo esas importanta ekonomikal agado en multa landi, exemple Egiptia e Tailando, ed en diversa insulala stati, exemple Fidji e Tahiti (en Pacifiko), Santa Lucia e Bahama (en Karibiana maro), edc., pro la granda enfluo di pekunio e la granda efekto di ta agadi en lia ekonomii.

Maxim vizitata landi redaktar

Fonto: Statistiki de Mondal Organizuro pri Turismo.

Rango Lando Kontinento Arivado di internaciona
turisti (2006)
1   Francia Europa 79,1 millioni
2   Hispania Europa 58,5 millioni
3   Usa Nord-Amerika 51,1 millioni
4   PR Chinia Azia 49,6 millioni
5   Italia Europa 41,1 millioni
6   Unionita Rejio Europa 30,1 millioni
7   Germania Europa 23,6 millioni
8   Mexikia Nord-Amerika 21,4 millioni
9   Austria Europa 20,3 millioni
10   Rusia Europa 20,1 millioni

Ekoturismo* redaktar

 
Delfini proxim Fernando de Noronha, Brazilia.
 
Parko Nacionala Tapanti, en Kosta Rika.

Ekoturismo* od ekologiala turismo divenis maxime populara pos la personi deskovrir l'importo di prezervar naturo e deziris vizitar prezervita regioni. La vorto kreesis en 1973, per l'uniono di "eko" (abreviuro di ekologio) kun "turismo".

Ekoturismo* envolvas la vizito a regioni ube animali, plantaro e kulturala heredaji esas la precipua atraktivi. Exemple la fotografala Safari en la savani di Afrika, o vidar baleni o delfini en la mari.

En kelka landi, exemple Kosta Rika, Equador, Nepal ed altri, ekoturismo* reprezentas importanta parto de la Totala nacionala produkturo.

Referi redaktar

 
Reda placo, en Moskva, Rusia.
  1. International Tourism Recepits surpass 1 Trillion in 2011 - Publikigita da World Tourism Organization. Dato di publikigo: 2012. URL vidita ye 15ma di junio 2012.