Alizeo
Alizeo esas vento qua suflas konstante dum la tota yaro inter la tropiki. Alizei maxim ofte suflas de nord-esto en la Nordala misfero e de sud-esto en la Sudala misfero, e divenas plu forta dum la vintro. Dum yarcenti, navigisti uzis alizei por trairar l'oceani, e posibligis kolonial expanso en Amerika ed establiso di komercala ligili trans Atlantiko e Pacifiko. L'alizei anke transportas polvo richa en nitrati e fosfati de Sahara a tota Latin-Amerika e Karibia.
