Wikipedio

Olimpiala Ludi en London, 2012

L'Olimpiala Ludi en London, 2012, od oficale la 30ma Olimpiala Ludi, esis internaciona plursporta konkurso qua eventis en 2012 en London, Unionita Rejio. Lore triesmafoye London gastigis l'Olimpiala Ludi.

Logotipo* dil Olimpiala Ludi en London, 2012.

La Ludi komencis ye la 27ma di julio e finis ye la 12ma di agosto 2012. Partoprenis 10,768 atleti (5,992 viri e 4,776 mulieri) de 204 landi e teritorii, ed anke nedependanta atleti de anciena Nederlandan Antili e de nova Sud-Sudan. Esis 303 eventi de 26 sporti.

Selekto dil urbo

redaktar
 
Afisho pri la kandidateso di London por gastigar la Ludi.
 
Sinioro Sebastian Coe

Ye la 15ma di julio 2003 9 urbi prizentis lia kandidatesi por gastigar la Ludi: Havana, Istanbul, Leipzig, London, Madrid, Moskva, New York, Paris e Rio de Janeiro.[1] Dum la selekto-proceso, komence Paris konsiderabis la preferita, pro esir la triesma foyo ke ol prizentis lua kandidateso, ma la nomo di London gradope remarkesis pos Sebastian Coe divenar chefo di la kampanio London 2012.

Ye la 18ma di mayo 2004 l'Internaciona Olimpiala Komitato pro teknikala motivi restriktis la nombro de kandidata urbi a kin: London, Madrid, Moskva, New York e Paris.[2]

Ye la 6ma di julio 2005 la komitato tandem anuncis London kom eventeyo di l'Olimpiala Ludi.

Kandidata urbi por Olimpiala Ludi 2012 - rezulti:
Urbo Lando 1ma votado 2ma votado 3ma votado 4ma votado
London   Unionita Rejio 22 27 39 54
Paris   Francia 21 25 33 50
Madrid   Hispania 20 32 31 —
New York   Usa 19 16 — —
Moskva   Rusia 15 — — —

Tamen, 1 dio pos lua selekto por gastigar la Ludi, eventis bombal ataki kontre la transporto-sistemo di London, qua produktis 52 morti e cirkume 700 vunditi.[3] Rapide lore Britaniana ministro pri sporto, Richard Caborn, dicis: "ni montros ke, per l'uniono di la personi tra la sporto, la teroristi nultempe vinkos". Giselle Davies, en nomo de l'IOK, deklaris ke ne existis ligilo inter l'ataki e la kandidateso di London, e ke "IOK havis granda fido en London, pri gastigar sekura Ludi sep yari pose".

 
L'Olimpiala Parko en 2011.
 
Treno Olympic Javelin.

La Komitato pri Organizo dil Olimpiala Ludi en London kreesis (abreviuro en Angla: LOCOG) organizesis por surveyar omna agadi bezonita por gastigar la Ludi, dum ke l'Autoritato pri l'Olimpiala Developeso dil urbo e lua metropolala regiono (abreviuro en Angla: APD) divenis responsebla pri la konstrukto di la stadii e substrukturi. En novembro 2004 la projeto pri la 200-hektara Olimpiala Parko revelesis. Tamen, la tereni por konstruktar la parko esis en privata manui, ma en mayo 2006, 86% de la surfaco bezonata ja komprabis.

La regiono East End, este de London, subisis urbala rekupero pro la konstruktado di l'olimpiala parko. London spensis 5.3 miliard pundi por konstruktar nova loki e substrukturi, e 600 milion pundi por sekureso. La lineo di suburbala treni di East London modernigesis, e recevis la rapida treni nomizita Olympic Javelin. La metropoliteno di London anke modernigesis, pro la komitato LOCOG decidir ke adminime 80% de l'atleti mustis voyajar admaxime 20 minuti til arivar en la loki ube konkursus.

Kelka fakti

redaktar
 
Wenlock e Mandeville, maskoti dil Olimpiala Ludi.
 
Desinistre addextre: Hungara László Cseh (bronza) ed Usani Michael Phelps (centre, ora) e Ryan Lochte (arjenta), premiizita pri la 200-metra natado mixita-stila.

Medalii ganita

redaktar
 
Partopreninta landi (verde).
 
Inauguro-ceremonio.
 
Alegorii pri l'industriala revoluciono dum l'inauguro-ceremonio.
 
Pirotekno dum l'inauguro-ceremonio.
 
Desinistre addextre: Rusa Denis Ablyazin (arjenta), Sud-Koreana Yang Hak-seon (ora) ed Ukrainana Igor Radivilov (bronza), premiizita pri gimnastiko.
 
La stadio por atletismo dum la nokto.

Yen la listo di landi qui recevis adminime 1 bronza medalio en London en 2012.

# Lando Ora Arjenta Bronza Entote
1   Usa 46 29 29 104
2   PR Chinia 38 27 22 87
3   Unionita Rejio* 29 17 19 65
4   Rusia 24 26 32 82
5   Sud-Korea 13 8 7 28
6   Germania 11 19 14 44
7   Francia 11 11 12 34
8   Italia 8 9 11 28
9   Hungaria 8 4 5 17
10   Australia 7 16 12 35
11   Japonia 7 14 17 38
12   Kazakstan 7 1 5 13
13   Nederlando 6 6 8 20
14   Ukraina 6 5 9 20
15   Kuba 5 3 6 14
16   Nova-Zelando 5 3 5 13
17   Iran 4 5 3 12
18   Jamaika 4 4 4 12
19   Chekia 4 3 3 10
20   Nord-Korea 4 0 2 6
21   Hispania 3 10 4 17
22   Brazilia 3 5 9 17
23   Bielorusia 3 5 5 13
24   Sudafrika 3 2 1 6
25   Etiopia 3 1 3 7
26   Kroatia 3 1 2 6
27   Rumania 2 5 2 9
28   Kenia 2 4 5 11
29   Dania 2 4 3 9
30   Azerbaijan 2 2 6 10
30   Polonia 2 2 6 10
32   Turkia 2 2 1 5
33   Suisia 2 2 0 4
34   Lituania 2 1 2 5
35   Norvegia 2 1 1 4
36   Kanada 1 5 12 18
37   Suedia 1 4 3 8
38   Kolumbia 1 3 4 8
39   Gruzia 1 3 3 7
39   Mexikia 1 3 3 7
41   Republiko Irlando 1 1 3 5
42   Arjentinia 1 1 2 4
42   Salvador 1 1 2 4
42   Serbia 1 1 2 4
45   Tunizia 1 1 1 3
46   Dominikana Republiko 1 1 0 2
47   Trinidad e Tobago 1 0 3 4
47   Uzbekistan 1 0 3 4
49   Latvia 1 0 1 2
50   Aljeria 1 0 0 1
50   Bahrain 1 0 0 1
50   Grenada 1 0 0 1
50   Uganda 1 0 0 1
50   Venezuela 1 0 0 1
55   India 0 2 4 6
56   Mongolia 0 2 3 5
57   Tailando 0 2 1 3
58   Egiptia 0 2 0 2
59   Slovakia 0 1 3 4
60   Armenia 0 1 2 3
60   Belgia 0 1 2 3
60   Finlando 0 1 2 3
63   Bulgaria 0 1 1 2
63   Estonia 0 1 1 2
63   Indonezia 0 1 1 2
63   Malaizia 0 1 1 2
63   Porto-Riko 0 1 1 2
63   Taiwan 0 1 1 2
69   Botswana 0 1 0 1
69   Chipro 0 1 0 1
69   Gabon 0 1 0 1
69   Guatemala 0 1 0 1
69   Montenegro 0 1 0 1
69   Portugal 0 1 0 1
75   Grekia 0 0 2 2
75   Moldova 0 0 2 2
75   Katar 0 0 2 2
75   Singapur 0 0 2 2
79   Afganistan 0 0 1 1
79   Brunei 0 0 1 1
79   Hong Kong 0 0 1 1
79   Saudi-Arabia 0 0 1 1
79   Kuwait 0 0 1 1
79   Maroko 0 0 1 1
79   Tajikistan 0 0 1 1
Totali 302 304 356 962

Referi

redaktar
 
Klozo-ceremonio en London, 2012.
  1. ↑ Olympic bids: The rivals - Publikigita da BBC Sport. Dato di publikigo: 15ma di julio 2003. URL vidita ye 3ma di agosto. 
  2. ↑ London bid team delighted - Publikigita da BBC Sport. Dato di publikigo: 18ma di mayo 2004. URL vidita ye 3ma di agosto. 
  3. ↑ Una cadena de atentados en los transportes de Londres deja más de 50 muertos y 700 heridos - Dato di publikigo: 7ma di julio 2005. URL vidita ye 31ma di decembro 2013. 
  4. ↑ London 2012 unveils Games mascots Wenlock & Mandeville - Publikigita da BBC News. Dato di publikigo: 19ma di mayo 2010. URL vidita ye 19ma di mayo. 
  5. ↑ "Kenyan Reclaims 5,000-Meter Title From Countrywoman and Rival". The New York Times, 10ma di agosto 2012.
  6. ↑ Nadadora de 15 anos é ouro e conquista primeira medalha da Lituânia gazetaesportiva.net (en Portugalana)
  7. ↑ Camille Muffat - Publikigita da Olympic.org. URL vidita ye 28ma di agosto 2016. 
Obtenita de "https://io.wikipedia.org/w/index.php?title=Olimpiala_Ludi_en_London,_2012&oldid=1018724"