Kuwait
دولة الكويت
Dawlat al Kuwayt
Flag of Kuwait.svg Emblem of Kuwait.svg
Standardo di Kuwait Blazono di Kuwait
Nacionala himno:
Al-Nasheed Al-Watani
LocationKuwait.png
Urbi:
Chefurbo: Kuwait-Urbo
Precipua urbo: Kuwait-Urbo
Lingui:
Oficala lingui: Araba
Guvernerio:
Tipo: Monarkio
· Emiro: Sabah Al-Ahmad Al-Jaber Al-Sabah
· Chefa ministro: Nasser Al-Mohammed Al-Ahmed Al-Sabah
Surfaco: (157ma maxim granda)
· Totala: 17 820 km²
· Aquo: neglijebla %
Habitanti: (138ma maxim granda)
· Totala: 2 916 467[1] (2017)
Plusa informi:
Valuto: Dinaro di Kuwait
Veho-latero: dextre
ISO: KW
KWT
414
Reto-domeno: .kw*


Kuwait esas emirio jacanta en l'Araba peninsulo (Azia). Lu havas kom vicini Irak norde, e Saudi-Arabia sude. Este jacas Persiana gulfo.

Bazala fakti pri Kuwait.

HistorioRedaktar

 
Anciena moneti trovita che insulo Failaka.
 Precipua artiklo: Historio di Kuwait

Dum l'epoko Ubaid (c. 6500 til 3800 yari ante nun) Kuwait esis la loko ube la kultiri de Mezopotamia e de Estal Azia renkontris. La maxim anciena restaji pri homala habitado en la regiono evas de 8.000 yari aK. Dum l'epoko di la kulturo Dilmun (de cirkume 3.000 aK til l'1ma yarmilo aK), l'insulo Failaka konocesis kom "Agarum", ed esis importanta centro por ca populo.

Dum la 4ma yarcento aK, anciena Greki koloniigis insulo sur la litoro di nuna Kuwait, e nomizis ol Ikaros[2]. Dum la 14ma yarcento la regiono di Kuwait divenis Islamana kalifio.

Moderna Kuwait fondesis dum la 18ma yarcento, kande membri de la tribuo Bani Utbah fondis urbo Guraine. Li donis la nomo Kuwait a la urbo, signifikante en Araba 'lo inkluzita'. Ico forsan referas Portugalana fuorto konstruktita ibe dum la 16ma yarcento. Unesma habitanti vivis de la komerco di perli. En 1756 la populo Utub elektis Sabah I bin Jaber kom l'unesma emiro di Kuwait.

Kuwait nedependanteskis de l'Unionita Rejio ye la 19ma di junio 1961. Irak okupis Kuwait de la 2ma di agosto 1990 til la fino di februaro 1991.

PolitikoRedaktar

Segun la konstituco adoptita en 1961 Kuwait esas konstitucala ed Islamala monarkio.[3] La lando havas la maxim antiqua elektita parlamento de Persiana gulfo. L'emiro (heredala ofico) indikas la chefa ministro.

La parlamento (Majlis Al-Umma) havas unika chambro kun 50 membri.

GeografioRedaktar

 
Kuwait kun lua precipua urbi
 
Polvo-sturmo kovranta Salmiya.

Kuwait esas mikra lando, jacanta nord-este del Araba peninsulo, inter la latitudi 28° e 31°N e longitudi 46° e 49°E. Lua tota surfaco, 17 818 km², esas min granda kam olta dil Usana stato Nova-Jersey. La havas 254 kilometri di frontiero norde e nord-weste kun Irak, e 221 kilometri di frontieri sud-weste e sude kun Saudi-Arabia. Ol havas 499 kilometri di litoro che Persiana gulfo.[1]

La lando havas 10 insuli, kun entote 860 km². Bubiyan, la maxim vasta ek li, ligesas a la kontinento per 2380-metra ponto.

Granda parto di la lando kovresas da dezerto. Nur 0,6% ek Kuwaitiana surfaco judikesas kom kultivebla, kun skarsa vejetantaro alonge lua 499-kilometra litoro.

La klimato di la lando esas arida, kun someri multe varma - ordinare, la maxim varma someri de la Tero -, e vintri kurta e kolda.[1] Pro lua proximeso kun Irak ed Iran, la venti qui suflas de nord-westo esas kolda dum vintro e varma dum la somero. La nord-westa vento shamal, qua suflas de julio til agosto, efektigas intensa polvo-sturmi.

EkonomioRedaktar

 Precipua artiklo: Ekonomio di Kuwait

La TNP po persono di Kuwait esas 81.800 dolari, la 5ma maxim granda TNP po persono de la mondo.

DemografioRedaktar

 
Kuwaitiana yunaro celebras la nedependo.

Segun statistiki de The World Factbook por julio 2017, Kuwait havis 2 916 437 habitanti.[1] La maxim multa (30,4%) esas Kuwaitiani. Altra Arabi esas 27,4%, Aziani esas 40,3%, Afrikani esas 1%, altri (inkluzas Europani, Nord- e Sud-Amerikani ed Australiani) esas 0,9%, segun statistiki de 2018.[1]

L'oficala linguo di la lando esas Araba, l'oficala linguo. L'Angla esas larje parolata.[1]

La religio kun maxim granda nombro di adepti esas Islamo, por 74,6% de la habitantaro. Kristani esas 18,2%, e 7,2% praktikas altra religii o nula religio, segun statistiki de 2013.[1]

La maxim granda urbo esas lua chef-urbo, Kuwait-Urbo. Altra importanta urbi esas As-Salimiyah, e Qalib ash Shuyuk.

KulturoRedaktar

Islamo influas en Kuwaitiana arkitekturo, muziko, vestaro, koquarto e stilo di vivo.

 
Ica seciono esas vakua, nesuficante detaloza o nekompleta. Vua helpo esas bonvenanta!

ReferiRedaktar

Commons havas kontenajo relatante a: