Djibuti
| Djibuti | ||
| جمهورية جيبوتي Jumhūriyyat Jībūtī République de Djibouti | ||
|
| |
| Standardo di Djibuti | Blazono di Djibuti | |
| Nacionala himno: | ||
| Nacionala himno di Djibuti | ||
| ||
Urbi:
| ||
| Chefurbo: | Djibouti | |
| · Habitanti: | c. 400 mil (2005) | |
| Precipua urbo: | Djibouti | |
Lingui:
| ||
| Oficala lingui: | Araba e Franca[1] | |
| Tipo: | Republiko | |
| · Prezidanto: | Ismail Omar Guelleh | |
| · Chefministro: | Abdoulkader Kamil Mohamed | |
Surfaco: (149ma maxim granda)
| ||
| · Totala: | 23.200 km² | |
| · Aquo: | 0,09 % | |
Habitanti: (160ma maxim granda)
| ||
| · Totala: | 884 017[1] (2018) | |
| · Denseso di habitantaro: | 37,2 hab./km² | |
Plusa informi:
| ||
| Valuto: | Franko di Djibuti | |
| Veho-latero: | dextre | |
| ISO: | DJ
| |
DJI
| ||
262
| ||
| Reto-domeno: | .dj* | |
Djibuti esas lando jacanta an estal Afrika inter Etiopia, Eritrea, Somalia ed, en Azia, Yemen.
Bazala fakti pri Djibuti:
Historio Redaktar
| Precipua artiklo: Historio di Djibuti |
Djibuti habitesas de Neolitiko. Segun linguistikisti, l’unesma populi qui parolis Afro-Aziana lingui arivis ibe, veninta de la valo di Nilo - lua uhreimat, segun kelka inquestisti - dum ta epoko. Proxim la lago Asa Koma trovesis ceramiko simila la de la kulturo Sabir de sudal Arabia, evanta de la 2ma yarmilo aK.
Ensemble kun la nordo di Somalia, Eritrea e la litoro di Sudan, Djibuti judikesas kom la teritorio nomizita Punt dal Anciena Egiptiani. Punt, o Ta Netjeru signifikas "lando di Deo". Dum l'epoko di la 5ma Dinastio, la habitanti de Punt havis proxima relati kun Egiptiani.
Pro lia proximeso kun Arabia, la populi Somali ed Afar qui habitis la nuna Djibuti divenis l’unesma habitanti de Afrika qui adoptis islamo. La sultanio Ifat esis Mohamedana princio kun chef-urbo en Zeila, an la nuna Somalilando.
De 1517 til 1867 Djibuti esis parto dil eyalet (gubernio) Otomana en Egiptia. De 1839 til 1842, Rochet d'Hericourt exploris la regiono di Reda maro por l'interesto di Francia.
De 1862 til 1894 la teritorio norde de la gulfo di Tadjoura nomesis Obock, ed administresis da sultani del etnii Afar e Somali. En 1862 Francia kompris la teritorio de la sultano. En 1894, Francia transferis la chef-urbo di la kolonio al urbo Djibouti. En 1967 la nomo dil teritorio chanjesis a Franca Teritorio dil Afar ed Issa.
Ye la 27ma di junio 1977 Djibuti nedependanteskis de Francia, ma gardas importanta militarala bazo til nun.
Politiko Redaktar
La konstituco di Djibuti ratifikesis en 1992 ed emendesis en 2010.[2] Ol influesis da Franca konstituco di 1958.[3] Segun la konstituco, la lingui oficala de la lando esas Franca ed Araba, l'islamo esas la religio dil stato, la yur-egaleso esas asekurata, e la guvernerio subdividesas en tri faki exekutiva, legifala e judiciala.
Djibuti esas prezidantala republiko. La prezidanto esas la chefo di stato e di guvernerio, ed elektesas dal populo por 5 yari. Por kandidatar su, ulu mustas esar Djibutano ed evar adminime 40 ed admaxime 75 yari. La nuna prezidanto esas Ismail Omar Guelleh.
La parlamento havas unika chambro, l'Asemblajo di Deputati, kun 65 membri, di qui 30 havas Somaliana (Issa) origino, e 30 esas Afar. Li elektesas dal populo por 5-yara periodo.
L'unesma instanco de la judiciala povo konsistas ek lokala korti. Existas apelo-korto e supra-korto. Singla ek l'administrala distrikti de la lando havas sua propra kustumala korto. Tamen, la judiciala povo ne esis komplete nedependanta del exekutiva povo.[3]
Geografio Redaktar
Djibuti jacas en la nomizita korno di Afrika, apud Bab-el-Mandeb (la suda eniro di Reda maro) inter la latitudi 10°N e 13°N e la longitudi 41°N e 44°E. Ol havas 314 km di litoro e 113 km di frontiero kun Eritrea, 337 km kun Etiopia e 58 km kun Somalia.
Djibuti havas 8 montareti kun altitudi super 1.000 metri. La maxim alta punto di la lando esas monto Moussa Ali, havanta 2.021 metri di altitudo.
Granda parto di lua teritorio kovresas da midezerto, nome sude (dezerto Baadha Wayn). Nur 0,1% de tota surfaco de la lando esas kultivebla. Permananta pasturaji reprezentas 73,3% de la surfaco di la lando. Pro la poka pluvo-quanto qua falas en lua monti e la sikeso di lua klimato, ne existas importanta fluvii.
Ekonomio Redaktar
| Precipua artiklo: Ekonomio di Djibuti |
Demografio Redaktar
Segun statistiki de The World Factbook por julio 2018, Djibuti havis 884 017 habitanti. Segun etnio, esis 60% Somali, 35% Afar, e 5% de altra etnii (nome Yemenani, Arabi, Franci, Etiopiani ed Italiani).[1]
La linguo oficala esas Franca ed Araba. Altra lingui parolata esas Somali ed Afar.[1]
La procento di habitantaro segun religio esas: 94% Sunni Mohamedani, nome Djibutiani, e 6% kristani (nome stranjeri).[1]
La maxim populoza urbo esas la chef-urbo, Djibouti.
Kulturo Redaktar
La vestaro uzata en Djibuti esas adequata a lua arida klimato. Viri, kande ne uzas trelichi (jeans) e kamizeti, uzas macawiis, sorto di robo uzata cirkum la tayo. Multa nomada populi uzas tobe, sorto di blanka togo. Mulieri uzas dirac, longa diafana velo.
Granda parto di la kulturo di Djibuti sequesas e prezervesas parolale, nome tra kansoni. Influi Islamana, Otomana e Franca trovesas en lokala edifici.
Le Somali havas richa tradiciono muzikala. Lia folklorala muziko ofte esas pentatonala, to esas, uzas 5 toni por oktavo, kontraste la muziko heptatonala. La tradicionala muziko del Afar similesas la muziko di Etiopia, e kontenas elementi del Araba muziko. Radio- e televiziono-stacioni transmisas festivali pri lokala muziko. Exempli pri lokala muzikisti e kantisti esas Nima Djama, Mohamed Ali Fourchette, Abdo Xamar Qoodh, Fadumo Ahmed Dhimbiil, e Xabiiba Cabdilaahi.
Referi Redaktar
- ↑ 1,0 1,1 1,2 1,3 1,4 Africa::Djibouti - The World Factbook. CIA. URL vidita ye la 28ma di julio 2019.
- ↑ Djibouti's Constitution of 1992 with Amendments through 2010 (Angla). Constitute. URL vidita ye la 19ma di julio 2016.
- ↑ 3,0 3,1 Djibouti - Judicial system. Nations Encyclopedia. URL vidita ye la 5ma di januaro 2019.
| Nedependanta stati en Afrika |
| Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe |
| Nesuverena teritorii |
| Ceuta | Kanarii | Madeira | Melilla | Ocidental Sahara | Mayotte | Reunion | Sokotra |
| Nedependo ne agnoskata |
| Somalilando | Puntlando |