Olimpiala Ludi en Barcelona, 1992

L'Olimpiala Ludi en Barcelona, 1992, od oficale la 25ma Olimpiala Ludi, esis internaciona plursporta konkurso qua eventis en 1992 en Barcelona, Hispania.

L'Olimpiala standardo.

La Ludi komencis ye la 25ma di julio e finis ye la 9ma di agosto 1992. Partoprenis 9.356 atleti (2.704 mulieri e 6.652 viri) de 169 landi e teritorii. Esis 286 eventi di 32 sporti.

Selekto dil urbo

Kandidata urbi por Olimpiala Ludi 1992: rezulti
Urbo	Lando	1ma baloto	2ma baloto	3ma baloto
Barcelona	Hispania	29	37	47
Paris	Francia	19	20	23
Brisbane	Australia	11	9	10
Belgrade	Yugoslavia	13	11	5
Birmingham	Unionita Rejio	8	8	-
Amsterdam	Nederlando	5	-	-

Ante 1992, Barcelona prizentabis lua kandidateso en 1924, 1936 e 1940, sen suceso. Ye la 30ma di mayo 1981 la urbestro di Barcelona, Narcís Serra, solicitis, de la rejulo Juan Carlos la 1ma di Hispania, permiso organizar l'Olimpiala Ludi.

Ye la 17ma di oktobro 1986 elektesis la eventeyo di L'Olimpiala Ludi por 1992. Barcelona ganis la konkurso kontre Paris, Brisbane, Belgrade, Birmingham ed Amsterdam.

Kelka fakti

Usana David Robinson kun la balono, dum partio kontre Porto-Riko.

• Esis l'unesma Ludi sen boikoti pos l'Olimpiala Ludi en München en 1972.
• Sudafrika povis partoprenar l'Olimpiala Ludi unesma-foye depos 1960, kande l'Olimpiala Komitato suspensis ol pro lua politiko di apartheid.
• Germania partoprenis unesma-foye pos lua riunigado.
• Estonia, Latvia e Lituania partoprenis kom nedependanta stati unesma-foye depos 1936. Altra ex-Sovietiana stati konkursis sub la nomo "Unionita Esquado" (anke konocata kom Komunitato di Nedependanta Stati). Li konkursis sub l'Olimpiala standardo (ne altra nacionala standardo). L'Unionita Esquado ganis plu multa medalii kam Usa.
• Pos lua nedependo de Yugoslavia, Kroatia, Slovenia e Bosnia e Herzegovina partoprenis unesma-foye. L'atleti de Yugoslavia ne povis partoprenar kom Yugoslavana esquado, pro sancioni da l'Unionita Nacioni. Tamen, kelka atleti partoprenis sub la nomo "Nedependanta Olimpiala Kontestanti". Li anke konkursis sub l'Olimpiala standardo.
• Rusa Aleksandr Popov ganis du ora medalii (50 metri e 100 metri) e du arjenta medalii (4X100-metra relayo, e 4X100 metri mixita) en natado.
• 32 mondala rekordi e 73 Olimpiala rekordi establisesis
• Usana Basketbalisti de l'Esquado di Revo" (Dream Team), quale Magic Johnson, Michael Jordan, Charles Barkley e Larry Bird, partoprenis unesma-foye e helpis lia lando ganar ora medalio en basketbalo kontre Kroatia.
• 20 yari pos la masakro di atleti en München e 500 yari pos la dekreto di Alhambra dal Katolika reji - qua ekpulsis la judi de Hispania, Yael Arad divenis l'unesma Israelano qua recevis olimpiala medalio, arjenta, por judoo* por mulieri. Ye la sequanta dio, Oren Smadja recevis bronza medalio en judoo* por viri.
• Indoneziani Susi Susanti e Alan Budikusuma ganis ora medalii en badmintono por mulieri e por viri, rispektive. Olci esis l'unesma du ora medalii por Indonezia. Pos kelka yari, la du sportisti intermariajis.

Medalii ganita

Landi partopreninta l'Olimpiala Ludi en Barcelona, 1992. Blue, la landi qui partoprenis unesmafoye.

Olimpiala Stadio di Montjuïc, en Barcelona.

Yen la listo di landi qui recevis adminime 1 medalio en Barcelona, 1992.

#	Lando	Ora	Arjenta	Bronza	Entote
1	Unionita Esquado	45	38	29	112
2	Usa	37	34	37	108
3	Germania	33	21	28	82
4	PR Chinia	16	22	16	54
5	Kuba	14	6	11	31
6	Hispania	13	7	2	22
7	Sud-Korea	12	5	12	29
8	Hungaria	11	12	7	30
9	Francia	8	5	16	29
10	Australia	7	9	11	27
11	Kanada	7	4	7	18
12	Italia	6	5	8	19
13	Unionita Rejio	5	3	12	20
14	Rumania	4	6	8	18
15	Chekoslovakia	4	2	1	7
16	Nord-Korea	4	0	5	9
17	Japonia	3	8	11	22
18	Bulgaria	3	7	6	16
19	Polonia	3	6	10	19
20	Nederlando	2	6	7	15
21	Kenia	2	4	2	8
22	Norvegia	2	4	1	7
23	Turkia	2	2	2	6
24	Indonezia	2	2	1	5
25	Brazilia	2	1	0	3
26	Grekia	2	0	0	2
27	Suedia	1	7	4	12
28	Nova-Zelando	1	4	5	10
29	Finlando	1	2	2	5
30	Dania	1	1	4	6
31	Maroko	1	1	1	3
32	Republiko Irlando	1	1	0	2
33	Etiopia	1	0	2	3
34	Aljeria	1	0	1	2
34	Estonia	1	0	1	2
34	Lituania	1	0	1	2
37	Suisia	1	0	0	1
38	Jamaika	0	3	1	4
38	Nigeria	0	3	1	4
40	Latvia	0	2	1	3
41	Austria	0	2	0	2
41	Namibia	0	2	0	2
41	Sudafrika	0	2	0	2
44	Belgia	0	1	2	3
44	Kroatia	0	1	2	3
44	Nedependanta Esquado	0	1	2	3
44	Iran	0	1	2	3
48	Israel	0	1	1	2
49	Taiwan	0	1	0	1
49	Mexikia	0	1	0	1
49	Peru	0	1	0	1
52	Mongolia	0	0	2	2
52	Slovenia	0	0	2	2
54	Arjentinia	0	0	1	1
54	Bahama	0	0	1	1
54	Kolumbia	0	0	1	1
54	Ghana	0	0	1	1
54	Malaizia	0	0	1	1
54	Pakistan	0	0	1	1
54	Filipini	0	0	1	1
54	Porto-Riko	0	0	1	1
54	Katar	0	0	1	1
54	Surinam	0	0	1	1
54	Tailando	0	0	1	1
Totali		260	257	298	815