Historio di Kroatia

La regiono di la nuna Kroatia habitesis tra Paleolitiko. Fosili di homi de paleolitiko deskovresis an la nordo di la lando.

La nomo Kroatia derivesas de mez-epokala vorto Croātia, qua originis de latina vorto Dux Croatorum ("duko di Kroati"). Lando divenis nedependanta monarkio unesma foyo en 925. Dum 14ma yarcento, sud-esto di regiono (nun Bosnia e Herzegovina) okupesis da Otoman imperio. Dalmatia divenis parto di Republiko Venezia. Inter 1797 e 1815 la regiono divenis teritorio di Habsburg-monarkio.

Poka dii ante finir l'unesma mondomilito, Kroatiana parlamento ruptis relati kun Austria-Hungaria, pos savar ke Chekoslovakia anke separis su de Austria-Hungaria. Tale nomizita "Triuna Rejio Kroatia, Slavonia e Dalmatia", olim kreita interne duala monarkio Austria-Hungaria, separis su e divenis parto de provizora Stato di Sloveni, Kroati e Serbi. Ta stato, neagnoskita internacione, pose unionis kun rejio Serbia ye la 4ma di decembro 1918, por formacar tale nomizita Rejio di Serbi, Kroati e Sloveni, rinomizita "rejio Yugoslavia", ye la 3ma di oktobro 1929..

En 1941, Yugoslavia okupesis da Nacional-socialista Germania ed Italia. Parti de Kroatia, Bosnia e Herzegovina e Smyrna agregesis por formacar Nedependanta Stato di Kroatia, guvernita da Radikala dextra grupo Ustaše e federita kun nacionalsocialisti. Ustaše adoptis rasala legi en la teritorio e kreis 8 koncentreyi e mortigis precipue Serbi: cirkum 330,000 Serbi mortigesis. Kroata Josip Broz Tito komandis partizana movado kontre Ustaše ed en 1945 ekpulsis nacional-socialisti e lua suportinti de la povo.

Kroatia deklaris nedependo de Yugoslavia ye la 25ma di junio 1991. Kom rezulto, milito inter Kroatia e Yugoslavia komencis. Mili di personi exilesis o mortigesis, en "rasala purigesi". Frontier urbo di Vukovar sufris siejo dum la milito e granda parto di ol destruktesis. Serba forci okupis ol en 18ma di novembro 1991 ed eventis masakro di la habitanti.

La Milito pri la nedependo di Kroatia finis efektigive en 1995. En 1996 lando divenis membro di la Konsilantaro di Europa. En 1996 e 1997 lando rekuperis su de la milito.

Ye la 1ma di julio 2013 Kroatia divenis la 28ma stato de Europana Uniono.^[1]

Referi

↑ Milhares de pessoas comemoram em Zagreb a entrada oficial da Croácia na UE - Publikigita da UOL. URL vidita ye 30ma di junio 2013.

Videz anke

Historio di Europa

[UOL-1] Milhares de pessoas comemoram em Zagreb a entrada oficial da Croácia na UE - Publikigita da UOL. URL vidita ye 30ma di junio 2013.

[1]