Historio di Islando
La historio di Islando esas kurta kompare a la maxim multa Europana landi, nam lua koloniigo komencis en la fino dil 9ma yarcento. Ingólfr Arnarson divenis l'unesma permananta habitanto dil insulo[1]. Il arivis en 874 e fondis la kolonio Reykjavik.
.svg)
Anke de geologiala vido-punto, Islando esas yuna insulo, nam ol formacesis 20 milion yari ante nun, pos serio di volkanala submara erupti. La maxim anciena roki evas 16 milion yari.
La Alþingi (parlamento) di Islando establisis en 930 ye Þingvellír, en la sud-westo dil insulo. La situeso di Þingvellír konvenis kom asembleyo, nam la maxim multa tempo di voyajo de irga loko en la insulo esis nur 17 dii.
Cirkum la yaro 1000 la habitanti adoptis kristanismo kom religio. En 1262 ol divenis parto di Norvegiana rejio.
La Alþingi esis la supra autoritato di Islando til 1271. En ta yaro la rejo di Norvegia divenis regnanto, pos periodo di politikala agiteso en la insulo. En la fino dil 14ma yarcento insulo divenis Daniana teritorio. Tamen, Þingvellír restis kom la precipua asembleyo til 1798.
Ye la 1ma di decembro 1918 Islando nedependanteskis kom rejio. Ye la 17ma di junio 1944 ol adoptis la republiko.
En 1949 la lando membreskis NATO. Pos la Duesma mondomilito, lua ekonomio kreskis multe, preter-vehita da industrio di peskado.
ReferiRedaktar
- ↑ Iceland, the first new society.
|
Historio di Europa |
|---|---|
| Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukraina | Unionita Rejio | Vatikano | |