Koncentreyo

Koncentreyo esas la nomo di karcera kampeyo kreita kun la intenco izolar personi pro lia politikala opinioni, religiala kredo, raso o sexuala orientizeso od izolar stranjera o nacionala enemiki dum o pos militi.

Koncentreyo di Buchenwald, en la fino dil Duesma mondomilito.

L'expresuro koncentreyo aplikesas kande olca uzesas por enkarcerigar personi sen yusta legala proceso. La 4ma Konvenciono di Genève, establisita en 1949 e signatita da 194 landi, protektas civila personi retenita da enemiki dum tempo di militi.

La maxim konocata koncentreyi konstruktesis da naziisti ante e dum la Duesma mondomilito. La naziisti anke konocis destrukto-koncentreyi, koncentreyi destinita por destrukto di personi.

Germana koncentreyi

Sep destrukto-koncentreyi:

• Auschwitz II (Aushvic) (Birkenau) en Polonia
• Bełżec (Bevzyec) en Polonia
• Chełmno (Gewmno) En la Germana: Kulmhof) en Polonia
• Majdanek (Maydanek) che Lublin en Polonia
• Maly Trostenets (Mikra Trostenec) en Belarusia
• Sobibór (Sobibur) en Polonia
• Treblinka II en Polonia

Altra Germana koncentreyo (ube anke multi perdis sua vivo)

• Buchenwald
• Dachau (Dagau)
• Esterwegen
• Flossenbürg
• Groß-Rosen (Gros-Rosen) en la prezenta Polonia
• Mauthausen en la prezenta Austria
• Natzweiler-Struthof en la prezenta Francia
• Neuengamme
• Ravensbrück (precipue por mulieri)
• Römhild (Großer Gleichberg)
• Sachsenhausen che Oranienburg
• Sonnenburg en la prezenta Słońsk en Polonia