Historio di Tanzania

Australopithecus afarensis habitis la regiono di nuna Tanzania cirkume 3 milion yari ante nun. Hominidi de la genero Paranthropus habitis la regiono plu kam 2 milion yari ante nun. Arkeologiala restaji suportas la konkluzo ke populi de la sudo di Sudan ed Etiopia movis sude vers la centro di nuna Tanzania inter 2,900 e 2,400 yari ante nun.

Cirkume 2 000 yari ante nun, l'unesma populi bantua komencis arivar de regioni vicina. Komercisti de Persiana gulfo introduktis islamo en la litoro di la regiono dum la 8ma o la 9ma yarcenti.

Vasco da Gama esis l'unesma Europano qua arivis en la regiono di nuna Tanzania, en 1498. Portugalani konquestis komplete la litoro di la regiono en 1525, ma ekpulsesis dal Arabi de Oman dum la 18ma yarcento. Sultano Seyyid Said establisis la chef-urbo di la regiono en Zanzibar en 1840. Il developis komercala chosei qui iris til central Afrika e Lago Tanganyika, e la regiono divenis centro por komerco di sklavi.

Germana koloniala interesti en la regiono alegesis unesme en 1884.^[1] Lua reprezentero, Karl Peters, establisis diversa kontrati kun lokala tribuala chefi, qui cedis teritorii por la Societo pri Germana Koloniigo.^[1]

De 1880 til 1919 Tanganyika divenis Germana kolonio. Germani establisis bazala skoli e licei en la regiono. De 1905 til 1908 li konfrontis la sedicio Maji-Maji, en ke diversa lokala tribui luktis kontre lia okupeso, ma fine la Germani vinkis.

Pos finir l'unesma mondomilito, Britaniani okupis la regiono en 1919 ed establisis Britaniana Estal Afrika. En 1928 li inauguris l'unesma ferovoyo di la regiono, Tabora-Mwanga. Britanian administrado duris til 1961.

La teritorio an la kontinento, nomizita Tanganyika, divenis nedependanta en 1961. Julius Nyerere esis lua unesma prezidanto. Zanzibar divenis nedependanta en 1963. Ye la 26ma di aprilo 1964 Tanganyika e Zanzibar unionesis por formacar Tanzania, e Nyerere divenis la prezidanto dil unionita lando.

Nyerere establisis diktatoreso kun singla partiso, ed establisis diplomacala relati kun komunista landi, quale Popul-Republiko Chinia, Est-Germania e Sovietia. Korupteso esis abundeganta.^[2]

La rejimo di singla partiso finis en 1985, kande lando havis lua unesma elekto kun plura partisi, ma l'elekto vinkesis da Ali Hassan Mwinyi, de la partiso Chama Cha Mapinduzi, fondita da Nyerere. En 1990 kelka grupi en Zanzibar demandis plebicito pri la nedependo dil insulo, ma lia demandi esis neglijita.

Quankam neregulozesi en elektala proceso, Benjamin William Mkapa elektesis prezidanto en 1995 e guvernis til 2005. En 2005 itere eventis elekti, e Jakaya Mrisho Kikwete asumis la prezidanteso. Ilu rielektesis en 2010.

Referi redaktar

↑ ^1,0 ^1,1 John Iliffe (1979). A Modern History of Tanganyika. Cambridge University Press. URL vidita ye la 23 di oktobro 2014.
↑ Annabel Skinner. Tanzania & Zanzibar. p. 17.

Historio di Afrika

[Modern-1] 1,0 ^1,1 John Iliffe (1979). A Modern History of Tanganyika. Cambridge University Press. URL vidita ye la 23 di oktobro 2014.

[2] Annabel Skinner. Tanzania & Zanzibar. p. 17.

[1]

[2]