Apertar la precipua menuo

Santa Kitts e Nevis

(Ridirektita de St Kitts-Nevis)
Santa Kitts e Nevis
Federation of Saint Kitts and Nevis
Flag of Saint Kitts and Nevis.svg Coat of arms of Saint Kitts and Nevis (variant).svg
Standardo di Santa Kitts e Nevis Blazono di Santa Kitts e Nevis
Nacionala himno:
O Land of Beauty!
LocationSaintKittsAndNevis.png
Urbi:
Chefurbo: Basseterre
· Habitanti: 14 000 (2018)
Precipua urbo: Basseterre
Lingui:
Oficala lingui: Angla
Guvernerio:
Tipo: Monarkio
· Rejino: Elizabeth la 2ma di Unionita Rejio
· Chefministro: Timothy Sylvester Harris
Surfaco: (207ma granda)
· Totala: 261 km²
· Aquo: neglijebla %
Habitanti: (209ma granda)
· Totala: 54 821[1] (2016)
· Denseso di habitantaro: 164 hab./km²
Plusa informi:
Valuto: Dolaro di Estal Karibia
Veho-latero: sinistre
ISO: KN
KNA
659
Reto-domeno: .kn*
Precipua religio: kristanismo, 96,1%
Oficala retosituo: https://www.gov.kn/


Santa Kitts e Nevis esas mikra lando jacanta an Karibia. La plena nomo dil arkipelago esas Santa Christopher e Nevis. Kit es Angla familiara nomo por Christopher.

Bazala fakti pri Santa Kitts e Nevis.

HistorioRedaktar

 
Fadrique de Toledo kaptas Santa Kitts.
 Precipua artiklo: Historio di Santa Kitts e Nevis

Ante l'arivo dil populo Arawak l'insuli ja habitesis, posible de 3.000 yari ante nun. Tamen, la nomo di ta populo esas nekonocata[2]. L'indijeni Kalinango, la lasta populo qua establisis su en l'insuli, arivis 300 yari ante l'Europani. L'arkipelago deskovresis da Cristoforo Colombo en 1493 e probable nomesis da lu segun lua patron-santo.

En 1538 Franca hugenoti establisis su en Santa Kitts, ma la Hispani destruktis la kolonio e deportis la transvivinti. En 1623 l'Angli establisis kolonio en l'insulo e pose la Franci. Angli e Franci unionis por konfrontar le Kalinago e facis gentocido kontre li en 1626. Tri yari pose, en 1629, Hispani komandita da Fadrique de Toledo invadis Santa Kitts ed ekpulsis l'Angli.

L'insulo Nevis koloniigesis dal Angli en 1628. De ibe, ol komencis koloniigar altra insuli, exemple Antigua, Montserrat, Anguila e Tortola. Britaniani okupis omna teritorio en 1814, e formacis kolonio nomizita St.Kitts-Nevis-Anguila.

Santa Kitts-Nevis-Anguila divenis autonoma en 1967. Anguila rebelesis e divenis separita kolonio en 1971. Santa Kitts e Nevis divenis nedependanta de Unionita Rejio ye la 19ma di septembro 1983.

PolitikoRedaktar

Santa Kitts e Nevis esas konstitucala monarkio. Elizabeth la 2ma di Unionita Rejio reprezentesas da Tapley Seaton, generala-guberniestro. La chefo di guvernerio esas la chefministro, qua elektesas da la generala-guberniestro, e ordinare esas la chefo dil partiso qua recevis la majoritato di la voti.

La parlamento (National Assembly) havas 14 o 15 membri, di qui 11 esas deputati qui elektesas dal populo por 5-yara periodo en elektala distrikti. L'altra 3 esas senatani qui elektesas da la generala guberniestro. La lasta membro dil parlamento esas la supera statala advokato (attorney-general, en Angla), qua esas membro ex officio.

La maxim alta korto esas la Supra Korto di Estal Karibia, kun sideyo en Santa Lucia. Un ek la judiciisti di la supra korto vivas en Santa Vincent. La konstituco di Santa Kitts e Nevis aprobesis ye la 22ma di junio 1983 ed adoptesis la sequanta dio[3].

GeografioRedaktar

 
Mapo di Santa Kitts e Nevis.

L'insuli havas volkanal origino. La maxim alta monto dil arkipelago esas Mount Liamuiga (1.156 m) en Saint Christopher. La maxim alta monto di Nevis esas Mount Nevis (956 m). Nevis jacas 3 km sude de Saint Christopher (Santa Kitts). La total extenseso dil litoro esas 135 km.

Geologiale l'insuli esas yuna; la maxim olda roki probable formacesis 50 milion yari ante nun, dum Mioceno. Nevis komencis formacesar cirkume 3.45 milion yari ante nun, dum Plioceno.

La klimato esas tropikala temperata da marala venti. La pluvoza sezono eventas de mayo til novembro. Ne existas importanta fluvii en l'insuli.

La dum precipua fluvii di la lando esas Cayon e Wingfield, ambe permananta. L'altra esas tempala fluveti.

EkonomioRedaktar

 Precipua artiklo: Ekonomio di Santa Kitts e Nevis

Turismo esas importanta fonto di revenuo.

DemografioRedaktar

 
Demografio di St. Kitts e Nevis, 1961 til 2005

Segun statistiki de The World Factbook por julio 2018, Santa Kitts e Nevis havis 53 094 habitanti. Segun etnio, esis 92% esas decendanta de Afrikani. Mestici esas 3%, blanki esas 2,1%, Est Indiani esas 1,5%, altra etnii esas 0,6%, e ne existas informi pri 0,3%.[4] Sant-Christopher o Santa Kitts, la maxim granda insulo, koncentras 80% de la habitantaro.

La linguo oficala esas Angla.[4]

La procento di habitantaro segun religio esas: 74% protestanti (inkluzite 20,6% Anglikani, 19,1% Metodisti, ed altri). Katoliki esas 6,7%, Rastafariani esas 1,7%, testi di Jehova esas 1,3%, altra religii esas 7,6%, nula religio esas 5,2%, e ne existas informo pri 3,2% de la habitanti.[4]

La maxim grand urbo esas la chef-urbo Basseterre. Altra importanta urbo esas Charleston.

KulturoRedaktar

Karnavalo en Santa Kitts eventas de la 18ma di decembro til la 3ma di januaro. En junio eventas festivalo di muziko en la lando.

ReferiRedaktar

  1. World Population Prospects: The 2017 Revision. United Nations Department of Economic and Social Affairs, Population Division. URL vidita ye la 10ma di septembro 2017.
  2. Videz, exemple, l'artiklo Nevis Heritage excavation reports, 2000–2002, Fako di Arkeologio, Universitato Southampton, 8ma di agosto 2006.
  3. 1983 Saint Kitts and Nevis Constitution. URL vidita ye la 10ma di agosto 2014.
  4. 4,0 4,1 4,2 Central America::Saint Kitts and Nevis - The World Factbook. CIA. URL vidita ye la 27/07/2019 13:33:47.


Stati e teritorii en Karibiana Maro
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin Insuli Britaniana | Guadelupa | Insuli Kaiman | Kuracao | Martinik | Montserrat | Navassa | Porto-Riko | Sant Maarten | Insuli Turks e Kaikos | Virgin Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius