Olimpiala Ludi en Melbourne, 1956

L'Olimpiala Ludi en Melbourne, 1956, od oficale la 16ma Olimpiala Ludi, esis internaciona plursporta konkurso qua eventis en 1956 en Melbourne, Australia. Lore unesmafoye l'Olimpiala Ludi eventis en Australia ed anke en la sudala misfero.

La Ludi komencis ye la 22ma di novembro e finis ye la 8ma di decembro 1956. Partoprenis 3.342 atleti de 57 landi e teritorii qui havis Olimpiala komitati. Esis 145 eventi de 17 sporti.

Selekto dil urbo

Ye la 28ma di aprilo 1949 oportis facar 4 votadi por selektar l'eventeyo por la Ludi en 1956. Melbourne konkursis kontre Buenos Aires, Los Angeles, Detroit, México, Chicago, Saint Paul-Minneapolis, Philadelphia e San Francisco. San Francisco eliminesis lor l'unesma votado (recevis nula voto). Por la lasta votado restis nur Buenos Aires e Melbourne, qua ganis l'eventeyo per nur un plusa voto.

Kelka fakti

Sovietana postomarko de 1957 memorigas l'ora medalio por futbalo en Melbourne.

Egiptia, Libano ed Irak boikotis la Ludi por la aparteno di Unionita Rejio, Israel e Francia (tre landi ke anke apartenis en le Ludi) en Suez-krizo.
Popul-Republiko Chinia boikotis la Ludi pro la partopreno da Taiwan su la nomo "Formosa".
Sovietano Vladimir Kuts ganis du ora medalii por la 5,000-metra e 10,000-metra kurado e montris la forco di Sovietan atletismo.
Hispania, Suisia e Nederlando retretis de la Ludi proteste kontre l'invado di Hungaria da Sovietia.
Brazilian atleto Adhemar Ferreira da Silva ganis ora medalio por triopla salto. Dum 48 yari ilu esis l'unika Braziliano qua recevis du ora medalii en l'Olimpiala Ludi.
Alain Mimoun, Franca atleto naskinta en Aljeria, ganis ora medalio por la maratono.
Australian atletino Betty Cuthbert ganis 3 ora-medalii, por 100-metra, 200-metra e 4X100 metra relayo-kurado.
Olga Fikotová de Chekoslovakia ganis ora medalio por disko-lansado, l'unika ora medalio por Chekoslovakia en Melbourne.
Unesmafoye Sovietia ganis ora medalio por futbalo.
La Kavalkala konkursi eventis en Stockholm, Suedia, pro ke Australia havis rigoroza reguli pri quaranteno di animali.
De la 7 ora medalii por pezajo-elevado Usa ganis 4 e Sovietia ganis 3.
Atleti de Est e West-Germania konkursis kom unika esquado sub la nomo Unionita Squado di Germania.
Pro la invado di Hungaria en 1956 la mi-finala aquo-poloo-partio inter Hungaria e Sovietia ludesis kun videbla tenseso e mem esas konocata kom la "balno-sango di Melbourne" (Hungariane: Melbourne-i vérfürdő) pro ke proxim la fino, kande Hungaria vinkis per 4X0, Sovietano Valentin Prokopov forte pugno-batis Hungariano Ervin Zádor, qua emersis ek la nateyo kun la dextra okulo abundante sangifanta. L'arbitristo deklaris la partio kom finita, e la vinko judikesis a Hungaria, qua pose vinkis anke la finalo kontre Yugoslavia per 2X1 e ganis ora medalio.
45 Hungariani fugis vers westala landi pos la Ludi.
Unesmafoye atleti de omna partopreninta landi paradis mixite dum la klozo-ceremonio.

Medalii ganita

Landi partopreninta en l'Olimpiala Ludi en 1956 (verda e blua). Blue, landi qui partoprenis unesmafoye.

Recenta fotografuro pri la stadio Olympic Park en Melbourne.

Yen la listo di landi qui recevis adminime 1 bronza medalio en Melbourne.

Totali		174	170	183	527
#	Lando	Ora	Arjenta	Bronza	Entote
1	Sovietia	37	29	32	98
2	Usa	32	25	17	74
3	Australia	13	8	14	35
4	Hungaria	9	10	7	26
5	Italia	8	8	9	25
6	Suedia	8	5	6	19
7	Germania	6	13	7	26
8	Unionita Rejio	6	7	11	24
9	Rumania	5	3	5	13
10	Japonia	4	10	5	19
11	Francia	4	4	6	14
12	Turkia	3	2	2	7
13	Finlando	3	1	11	15
14	Iran	2	2	1	5
15	Kanada	2	1	3	6
16	Nova-Zelando	2	0	0	2
17	Polonia	1	4	4	9
18	Chekoslovakia	1	4	1	6
19	Belgia	1	3	1	5
20	Dania	1	2	1	4
21	Republiko Irlando	1	1	3	5
22	Norvegia	1	0	2	3
23	Mexikia	1	0	1	2
24	Brazilia	1	0	0	1
24	India	1	0	0	1
26	Yugoslavia	0	3	0	3
27	Chili	0	2	2	4
28	Belgia	0	2	0	2
29	Arjentinia	0	1	1	2
29	Sud-Korea	0	1	1	2
31	Islando	0	1	0	1
31	Pakistan	0	1	0	1
33	Sudafrika	0	0	4	4
34	Austria	0	0	2	2
35	Bahama	0	0	1	1
35	Grekia	0	0	1	1
35	Suisia	0	0	1	1
35	Uruguay	0	0	1	1