Insulo Norfolk

Norfolk esas mikra insulo distanta 1 412 km este de Australia, jacanta inter ol, Nova-Zelando e Nova-Kaledonia. Ol apartenas ad Australia. Segun la demografiala kontado di 2021, ol havis habitanti.

insulo Norfolk Norfolk Island (Angla) Norfuk Ailen (Pitkern-Norfolkana) Insulala teritorio di Australia Anciena kazerno en Norfolk Chefurbo Kingston Surfaco 34,6 km² Habitanti Denseso di habitantaro 2 188 (2021) 61,9 hab./km² Chefo di stato Generala guvernisto Administristo Charles la 3ma Owen Walsh Andre Neville Nobbs Horala zono UTC+11:00 TNP (yaro) US$ 60 209 320 (2016) Reto https://www.nirc.gov.au/Home

Historio

Anciena karcero di Norfolk.

Norfolk koloniigesis unesmafoye da Polineziani, qui arivis dum la 13ma o 14ma yarcento. Anke trovesis utensili Melaneziana en l'insulo, do esas posibla ke populi de Nova-Kaledonia, relative proxima adnorde, koloniigis l'insulo. Primitiva koloniigeri vivis ibe dum generacioni, ma pose desaparis.

Kapitano James Cook deskovris l'insulo ye la 10ma di oktobro 1774, en sua duesma voyajo tra suda Pacifiko per navo HMS Resolution. Britaniani komencis koloniigar Norfolk en 1788, kande 15 kondamniti e 7 libera homi sendesis adibe. Li arivis la 6ma di marto sam yaro. Portuo-oficiro Robert Watson arivis en Norfolk en 1789 kom quartermastro di HMS Sirius, e duris en ca laboro kande la navo naufrajis, en 1790. Ye la sequanta yaro, Watson recevis 24 hektari por kultivar en Norfolk.

Ja en 1794, lietnanto-guvernisto di Nova Sud Wals Francis Grose sugestis finar l'uzo dil insulo kom karcero, pro esar distanta e chera por mantenar. L'unesma grupo di karcerani evakuesis en 1805. En 1808 nur 200 restis ibe, e formacis kolonieto qua extingesis en 1813. La lasta karcerani destruktis l'edifici lor existanta, por ke nula altra naciono povus reklamacar l'insulo. De la 15ma di februaro 1814 til la 6ma di junio 1825 Norfolk havis nula habitanto.

En 1824, Britaniana guvernerio imperis la guvernisto di Nova Sud Wals riokupar Norfolk. En 1847, l'insulo itere uzesis kom karcero til 1855, kande la lasta karcerani sendesis a Tasmania.

Kande Australia ganis nedependo en 1901, Norfolk pozesis sub Australian administro.

Geografio

L'insulo havas 32 km di litoro. Lua maxim alta monto esas Monto Bates, kun 319 metri di altitudo.

Ekonomio

Turismo esas la precipua fonto di revenuo dil insulo.