Apertar la precipua menuo

Myanmar

(Ridirektita de Burma)
Myanmar
Myanmar long form.png
Pyidaunzu Thanmăda Myăma Nainngandaw
Flag of Myanmar.svg State seal of Myanmar.svg
Standardo di Myanmar Blazono di Myanmar
Nacionala himno:
Kaba Ma Kyei
Myanmar in its region.svg
Urbi:
Chefurbo: Naypyidaw
Precipua urbo: Rangoon
Lingui:
Oficala lingui: Burmana
Guvernerio:
Tipo: republiko
· Prezidanto: Win Myint
Surfaco: (40ma granda)
· Aquo: 3,06 %
Habitanti: (24ma granda)
· Totala: 50.020.000[1] (2009)
· Denseso di habitantaro: 73,9 hab./km²
Plusa informi:
Valuto: kyat
Veho-latero: dextre, sinistre
ISO: MM
MMR
104
Reto-domeno: .mm*
Precipua religio: Budismo


Myanmar, anke konocata kom Burma, esas lando jacanta en Azia. L'oficala nomo di la lando esas Republiko dil uniono di Myanmar (Burmane Pyidaunzu Thanmăda Myăma Nainngandaw. Lu havas kom vicini Populala Republiko di Chinia nord-este, Laos este, Tailando sud-este, Bangladesh weste, ed India nord-weste. Sud-weste jacas la Bayo di Bengala, e sude jacas la Maro di Andaman. Myanmar esas la duesma maxim granda lando di sud-estal Azia.

Indexo

HistorioRedaktar

 Precipua artiklo: Historio di Myanmar
 
Urbi-stati dil populo Pyu.

La lando anke konocesas kom Burma, quo havas longa historio. Homi ja habitis la regiono cirkume 11.000 yari ante nun, ma l'unesma konocata civilizeso esis la populi Pyu. Le Pyu habitis Burma cirkume l'1ma yarcento aK, ed establisis diversa rejii. Dum ta periodo, Burma esis parto di terala komercala voyo inter India e Chinia. Ne eventis militi inter le Pyu.

Dum la 6ma yarcento, la rejio Mon di Dvaravati extensis lua frontieri vers la regiono di Tanintharyi. Kun la submiso dil imperio Khmer di Angkor dum la 11ma yarcento, la populo Mon diplasis plu weste aden la nuna Myanmar. Le Mon adoptis Indiana kulturo e budismo kom religio.

Dum la fino dil 18ma yarcento, rejulo Bodawpaya decidis expansar weste lua imperio. Ilu konquestis Arakan en 1784, anexis Manipur en 1813 e kaptis Assam de 1817 til 1819. Lua sucedinto, rejulo Bagyidaw, probis supresar revolti stimulita dal Britaniani en Manipur ed Assam. La konflikti kun Britaniani rezultis e l'unesma Angla-Burmana milito (1824 til 1826). La maxim kustoza milito en la historio di Britanian India[2] rezultis en vinko por Unionita Rejio.

Unionita Rejio militis altra du foyi kontre Burma, de 1852 til 1853 e de 1885 til 1886. L'administrado Britaniana adportis a Burma multa sociala, ekonomiala, kulturala ed administrala modifiki.

Pos la kapitulaco di Mandalay, Britaniani anexis Burma ye la 1ma di januaro 1886. Multa Indiani arivis dum kolonial epoko kom civila servinti, soldati, laboristi por la konstruktado di edifici, komercisti e, kune la komuneso di mestici Angla-Burmani, dominacis komercala e civila vivo di la teritorio. Rangoon divenis chef-urbo di la kolonio ed importanta portuo inter Kalkuta e Singapur.

PolitikoRedaktar

 
Prezidanto Htin Kyaw
 
La parlamento di Myanmar.

Til 2011 Myanmar esis militarala diktatoreso. Ye la 18ma di septembro 1988 eventis stato-stroko e la konstituco di 1974 abolisesis. Antee ol esis socialista stato. Ye la 10ma di mayo 2008 eventis plebicito pri modifiki en la konstituco, por permisar elekti en 2010. La modifiki aprobesis, ed ye la 30ma di mayo 2011 Thein Sein asumis povo kom elektita prezidanto. Nova elekti eventis kin yari pose, en 2015, e Htin Kyaw, l'unesma civilo a guvernar Myanmar, elektesis. Ilu asumis povo ye la 30ma di marto 2016.

Internacione konocata kombatero pro homala yuri esas Aung San Suu Kyi. El ganis Nobel-premio pri paco en 1991 e, kun la vinko di Htin Kyaw, el divenis chef-konsilero di stato di Myanmar.

La nuna konstituco di Myanmar, la triesma pos la nedependo, adoptesis en 2008. Ol establisas parlamentala guvernerio por la lando. La legifala povo kompozesas ek du chambri: la supra chambro esas la Domo di la Nacionalesi (Amyotha Hluttaw), kun 224 membri, di qui 168 elektesas direte dal populo e 56 indikesas dal Komandanto di la Trupi di Defenso. L'infra chambro esas l'Asemblajo dil Populo, kun 440 membri, di qui 110 esas militisti.

GeografioRedaktar

 
Topografiala mapo di Myanmar.
 
La lago Boga.

Myanmar havas entote 678 500 km², e jacas inter la latitudi 9º e 29ºN, e la longitudi 92º e 102ºE. En februaro 2011 Myanmar subdividesis ek 14 stati e regioni.

Norde, la monti Hengduan formacas naturala frontiero kun la Populala Republiko di Chinia. La monto Hkakabo Razi, kun 5 881 metri di altitudo, esas la maxim alta monto di la lando. Multa montari, exemple Rakhine Yoma, Bago Yoma, la monti Shan e la monti Tenasserim trairas la lando norde til sude, ed iras til Himalaya.

La monti dividas Myanmar en tri fluviala sistemi: Irrawaddy, Salween, e Sittaung. La precipua fluvio di la lando esas Irrawaddy, longa de 2 170 km. La fluvio Salween, longa de 2.815 km, naskas en Tibet ed ekfluas che la maro di Andaman, e partale formacas naturala frontiero kun Tailando. La maxim multa habitanti di Myanmar vivas che la valo dil Irrawaddy.

La klimati di Myanmar varias de subtropikala humida (Cwb) en la nordo til tropikalo di savano en la centro e la sudo di lando. En la westo di lando la klimato subisas influi de monsono.

EkonomioRedaktar

 Precipua artiklo: Ekonomio di Myanmar

Myanmar esas un ek la maxim povra landi de Sud-estal Azia, subisanta multa yardeki di ekonomiala stagno, mala jerado e politikal eskarteso. La manko di edukita laboro-povo impedas l'ekonomiala kresko, malgre ke recenta reformi duktita dal nova guverno kun exterlanda helpo aspiras modifikar ta situo.

DemografioRedaktar

 
Grupo di Budista monaki pregas en la pagodo Shwedagon.
 
Pueri en templo di Yangon.

Segun la demografiala kontado di 2014, Myanmar havis 51 419 420 habitanti.[3] To ne inkluzas 1 206 353 personi qui, segun kalkuli neoficala, habitas la stati Rakhine, Kachin e Kayin.[4] La personi qui ne esis en la lando dum la kontado ne kalkulesis. Pro to, cirkume 600 mil Burmani qui habitas legale en Tailando e milioni plusa homi qui habitas ibe nelegale ne kontesis. Burmani reprezentas 80% de la laboro-povo extranjera de Tailando.[5]

La maxim multa habitanti (68%) apartenas al etnio Bamar. Le Shan esas 10% de la habitantaro, le Kayin esas 7%, le Rakhine esas 4%, e Chiniani esas cirkume 3% de la habitantaro. La quanto di filii diminutis de 4,7 per singla muliero en 1983 til 2,4 per muliero en 2001, malgre existar nula oficala politiko pri kontrolo di naskado.[6]

L'oficala linguo di la lando esas Burmana, qua relatas la lingui Tibetana e Chiniana.

La religio kun maxima nombro di adepti esas Budismo, por 87,9% de la habitantaro. Kristani esas 6,2%, Mohamedani esas 4,3%, tribuala religii praktikesas da 0,8%, Hindui esas 0,5%, e 0,2% praktikas altra religii. Nur 0,1% afirmis praktikar nula religio.

La maxim populizita urbo esas Yangon. Altra importanta urbi esas Mandalay, chef-urbo Naypyidaw, e Mawlamyine.

KulturoRedaktar

Segun lego, omna homi, anke viri, mustas uzar jupo.

ReferiRedaktar

  1. World Population Prospects, Table A1 Unionita Nacioni
  2. Thant Myint-U (2006). The River of Lost Footsteps--Histories of Burma. Farrar, Straus and Giroux. p. 113. ISBN 978-0-374-16342-6, 0-374-16342-1
  3. (2015). pp. 4–6 Asian Population Studies.
  4. (2015). Myanmar's first census in more than 30 years: A radical revision of the official population count. pp. 1–4 Population & Societies.
  5. (8ma di junio 2006) Thailand: The Plight of Burmese Migrant Workers. Amnesty International. URL vidita ye la 13ma di julio 2006.
  6. (2013). pp. 309–324 Population and Development Review.