Olimpiala Ludi en Antwerpen, 1920
L'Olimpiala Ludi en Antwerpen, 1920, od oficale la 7ma Olimpiala Ludi, esis internaciona plursporta konkurso qua eventis en 1920 en Antwerpen, Belgia.
La Ludi komencis ye la 20ma di aprilo e finis ye la 12ma di septembro 1920. Partoprenis 2.626 atleti (65 mulieri e 2.561 viri) de 29 landi. Esis 154 eventi de 22 sporti.
En marto 1912 barono Édouard de Laveleye, prezidanto di la Belga Olimpiala Komitato, propozis la kandidateso di lua lando por l'eventeyo, sen indikar ula urbo. L'eventeyo en 1916 esus Berlin, ma pro l'unesma mondomilito la ludi ne eventis. L'epoko posmilita e la Konfero pri Paco en Paris en 1919 afektis l'Olimpiala Ludi pro la kreado di nova nedependanta landi e pro la ekpulso di Germania ed altra landi qui vinkesis lor la milito. Balde pos l'armistico en novembro 1918, la Ludi asignesis ad Antwerpen por honorizar lua habitanti, qui multe sufrabis dum l'Unesma mondomilito,[1][2] quankam tri Usana urbi (Cleveland, Philadelphia ed Atlanta) e Habana prizentabis kandidatesi.
Kelka fakti
redaktar
- Nur 29 landi partoprenis la Ludi. Germania, Austria, Hungaria, Bulgaria e Turkia, vinkita lor l'Unesma mondomilito, ne invitesis.
- Arjentinia, Brazilia, Monako, Finlando, Yugoslavia, Chekoslovakia, Estonia e Nova-Zelando partoprenis unesmafoye.
- Unesmafoye l'Olimpiala Juro dicesis, e l'Olimpiala standardo uzesis.
- Braziliana militisto Guilherme Paraense ganis ora medalio por pafado per pistolo, l'unesma ora medalio por Brazilia en la historio di la Ludi.
- Havayiana natisto Duke Kahanamoku ganis ora medalio por natado por Usa.
- Paavo Nurmi, evante 23 yari, ganis lua unesma ora medalio por kurado.
- Belgia ganis ora medalio por futbalo.
- Hannes Kolehmainen, de Finlando, ganis ora medalio por la maratono.
Medalii ganita
redaktar
Yen la listo di landi qui recevis adminime 1 medalio en Antwerpen, 1920.
| # | Lando | Ora | Arjenta | Bronza | Entote |
|---|---|---|---|---|---|
| 1 |  Usa |
41 | 27 | 27 | 95 |
| 2 |  Suedia |
19 | 20 | 25 | 64[3] |
| 3 | .svg){kind=small} Unionita Rejio |
15 | 15 | 13 | 43 |
| 4 |  Finlando |
15 | 10 | 9 | 34 |
| 5 |  Belgia |
14 | 11 | 11 | 36 |
| 6 |  Norvegia |
13 | 9 | 9 | 31 |
| 7 |  Italia |
13 | 5 | 5 | 23 |
| 8 |  Francia |
9 | 19 | 13 | 41 |
| 9 |  Nederlando |
4 | 2 | 5 | 11 |
| 10 |  Dania |
3 | 9 | 1 | 13 |
| 11 | .svg){kind=small} Sudafrika |
3 | 4 | 3 | 10 |
| 12 |  Kanada |
3 | 3 | 3 | 9 |
| 13 |  Suisia |
2 | 2 | 7 | 11 |
| 14 |  Estonia |
1 | 2 | 0 | 3 |
| 15 |  Brazilia |
1 | 1 | 1 | 3 |
| 16 |  Australia |
0 | 2 | 1 | 3 |
| 17 |  Japonia |
0 | 2 | 0 | 2 |
| 17 |  Hispania |
0 | 2 | 0 | 2 |
| 19 |  Grekia |
0 | 1 | 0 | 1 |
| 19 |  Luxemburgia |
0 | 1 | 0 | 1 |
| 21 |  Chekoslovakia |
0 | 0 | 2 | 2 |
| 22 |  Nova-Zelando |
0 | 0 | 1 | 1 |
| Totali | 156 | 147 | 136 | 439 | |
Noti e referi
redaktar- ↑ http://www.olympic.org/uk/games/past/index_uk.asp?OLGT=1&OLGY=1920
- ↑ http://www.flanderstoday.eu/jahia/Jahia/pid/2223
- ↑ Inkluzas du arjenta medalii ed un bronza medalio ganita da Suedia en kavalkado di qua ne existas informo en la statistiko di Internaciona Olimpiala Komitato.