Ekonomio di Rumania
| Ekonomio di Rumania | ||
|---|---|---|
| Pekunio | Rumana leu | |
| Internaciona organizuri | MOK, Europana Uniono, BSEC | |
| Statistiki [1] | ||
| Totala nacionala produkturo (TNP) | US$ 556,07 miliardi (2020) | |
| Rango TNP | 37ma[2] maxim granda | |
| Kresko di TNP | 4,2% (2020) | |
| TNP po persono | US$ 28 800 | |
| TNP segun sektoro | agrokultivo 4,2%, industrio 33,2%, servadi 62,6% | |
| Inflaciono | 3,8% (2019) | |
| Habitantaro sub la povreso-lineo | 23,8% (2018) | |
| Laboro-povo | 4 889 000 (2020) | |
| Laboro-povo segun okupado | agrokultivo 28,3%, industrio 28,9%, servadi 42,8% | |
| Chomeso | 3,06% (2019) | |
| Komercala parteneri [1] | ||
| Exportaci (US$) | 93,01 miliardi (2020) | |
| Precipua parteneri | Germania 22%, Italia 10%, Francia 7% (2019) | |
| Importaci (US$) | 104,16 miliardi (2020) | |
| Precipua parteneri | Germania 19%, Italia 9%, Hungaria 7%, Polonia 6%, Popul-Republiko Chinia 5%, Francia 5% (2019) | |
| Publika financi [1] | ||
| Extera debo | 117 829 milioni (2017) | |
| Revenuo totala (US$) | 62,14 miliardi (2017) | |
| Spenso totala (US$) | 68,13 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Til 1989, Rumania esis komunista lando kun obsoleta industrio e produktado neadaptita a quon la lando bezonis. Pos la revoko di Nicolae Ceausescu, la lando facis transito al ekonomio di merkato. Pos 3-yara ekonomiala depreso dum la yari 1990a, lua ekonomio rekuperis su en 2000. De 2001 til nun, la kresko dil totala nacionala produkturo superiris 4% omnayare.
Ye la 1ma di januaro 2007, Rumania membreskis Europana Uniono, ma erste dum recenta yari la povreso komencis diminutar e la meza klaso pluforteskis. Korupto e burokratachismo duras desfaciligar aferal ambiento.[1]
Pos la globala krizo, Rumania signatis 26-miliard-dolara helpo-kontrato kun Internaciona Monetala Fonduro (IMF), tamen la diminuto di lua ekonomio duris til 2011. En marto 2011, Rumania, IMF e Mondala Banko signatis altra 6,6-miliard-dolara kontrato por stimular fiskala diciplino e stimular strukturala reformi.[1] En septembro, 2013 altra 5,4-miliard-dolara vartanta kontrato signatesis.
De 2013 til 2017, l'ekonomio kreskis multe, impulsita dal granda exportaco di industriala produkturi, ecelanta agrokultivala rakolti e, plu recente, da fiskala politiki por stimular l'ekonomio en 2016 e 2017. L'exportaci por Europana Uniono nun reprezentas cirkume 70% del extera komerco Rumana.[1]
Referi
redaktar- ↑ 1,0 1,1 1,2 1,3 Romania - The World Factbook - Publikigita da CIA. URL vidita ye 22ma di aprilo 2022.
- ↑ https://www.cia.gov/the-world-factbook/field/real-gdp-purchasing-power-parity/country-comparison