Internaciona Monetala Fonduro
L'Internaciona Monetala Fonduro (IMF) esas internaciona organizuro kun sideyo en Washington D.C., konsistanta ek 189 landi qui "verkas por favorar globala koopero monetala, asekurar financala stabileso, faciligar internaciona komerco, promocar la kresko dil employado e sustenebla ekonomiala kresko, e diminutar la povreso en la mondo"[1]. Formacita en 1944 dum la Konfero di Bretton Woods, origine del idei da Harry Dexter White e John Maynard Keynes,[2] ol komencis existar en 1945 kun 29 membri e lua skopo esis rikonstruktar l'internaciona sistemo di pagi.
.jpg)
La landi kontributas per sistemo di quoti por formacar monetala provizuro, qua povas uzesar da altra landi kun problemi pri equilibro di pagi. En 2016 la provizuro havis cirkume 666 miliardi de Usana dolari. La nuna direktisto dil IMF esas Franca advokatino Christine Lagarde, de 2011.
Referi
redaktar- ↑ About the IMF - Publikigita da IMF. URL vidita ye 14ma di oktobro 2012.
- ↑ IMF working paper - Dato di publikigo: 2002.