Apertar la precipua menuo
State of Utah
Stato di Usa
Flag of Utah.svg Seal of Utah.svg
Chef-urbo Salt Lake City
Maxim granda urbo Salt Lake City
Map of USA UT.svg
Oficala linguo Angla
Surfaco 219 887 km²
Habitanti
Denseso di habitantaro
3 161 105 (2018)
14,12 hab./km²
Guberniestro Gary R. Herbert
Divenis stato ye la 4ma di januaro 1896
Posto-kodal abreviuro UT
Reto www.utah.gov

Utah esas Usana stato. Lu havas kom vicini Idaho norde, Wyoming norde ed este, Kolorado este, Nova-Mexikia (en unika punto) sud-este, Arizona sude, e Nevada weste. Lua chef-urbo esas Salt Lake City qua esas importanta centro financala e komercala dil Usana westo. L'industrio (inkluzite industrii di alta teknologio), l'agrokultivo e l'edukado di animali ank esas importanta ekonomial agadi. Utah havas famoza sistemi di eduko e saneso. La precipua fonto di revenuo dil stato esas turismo.

Bazala fakti pri Utah.

HistorioRedaktar

Mil yari ante nun, du indijena tribui vivis en la regiono qua nune formacas la stato Utah. Ta tribui esis Anasazi e Fremonte.

Hispani, komandita da Francisco Vázquez de Coronado, komencis explorar la sudo di Utah en 1540, serchante la legendala urbo Cíbola. En 1776 kelka Hispana sacerdoti departis de Santa Fe, serchante trovar voyo vers la litoro di Kalifornia. L'expediciono voyajis vers la nordo di Utah til trovar la lago Utah, e nativa indijeni. Hispani duris explorar la regiono, ma ne interesis su pri koloniigar ol. Kun la nedependo di Mexikia en 1821, tota la regiono de Utah til Alta Kalifornia divenis parto di la nova lando.

La pioniri dil Eklezio di Iesu Kristo di Lasta-Dia Santi, fuginta de religiala persekuto e duktita da lua chefo Brigham Young, komencis koloniigar la regiono en 1847. En 1849 li kreis e peticionis pri l'agnosko dil provizora stato Deseret, tamen Usana kongreso refuzis la peticiono, ed establisis la teritorio Utah, multe min granda kam l'originala Deseret.

GeografioRedaktar

Utah havas granda diverseso di peizaji, de arida dezerti til foresti di pini en vali inter monti. Tri geografiala regioni konvergas en la stato: la Montaro Rokoza, la Granda Baseno e la Platajo di Kolorado.

EkonomioRedaktar

Segun la revuo Forbes, en 2014 Utah esis la maxim bona Usana stato por facar aferi. Dum la sama yaro, chomeso atingis nur 3,5% de la laboro-povo. La precipua ekonomial agadi esas minado (nome petrolo, karbono, naturala gaso, kupro, oro, molibdo, zinko, plombo e berilo), industrio (rafino di petrolo e di minerali, salo), agrokultivo, edukado di bovi, e turismo.

DemografioRedaktar

La maxim multa habitanti dil stato esas membri dil Eklezio di Iesu Kristo di Lasta-Dia Santi (Mormona religio). En 2004, la procento di habitanti qui sequis Mormona religio esis 62,4%.

ReferiRedaktar