Geografio di Brazilia
| Brazilia | ||
| Brasil | ||
| ||
| Topografiala mapo di Brazilia. | ||
| Kontinento: | Amerika | |
| Regiono: | Sud-Amerika | |
| Surfaco: | 8.514.215 km² | |
| Tero: | 8.456.510 km² | |
| Aquo: | 55.455 km² | |
| Litoro: | 7.367 km | |
| · Arjentinia | 1.263 km | |
| · Bolivia | 3.423 km | |
| · Kolumbia | 1.644 km | |
| · Guyana | 1.298 km | |
| · Paraguay | 1.339 km | |
| · Peru | 2.995 km | |
| · Surinam | 593 km | |
| · Uruguay | 1.003 km | |
| · Venezuela | 1.819 km | |
| Maxim alta punto: | Pico da Neblina - 2.994 m. | |
| Maxim basa punto: | Atlantiko - 0 m | |
| Fluvio plu longa: | Amazon | |
| Klimato: | Plura | |
Equatoro e Tropiko di Kaprikorno krucumas Braziliana teritorio. Granda parto di Braziliana teritorio jacas inter la du linei, e plu kam 600.000 km² jacas sude di Tropiko di Kaprikorno. To rezultas en diversa peizaji e klimati.
En nordo di lando, en Amazoniana regiono, jacas equatorala e tropikala foresti kun equatorala klimato. De centro til Tocantins, sudo di Maranhão e Piauí e westo di Bahia, weste de l'equatorala foresto, on existas vejetantaro di savano e tropikala klimato kun du sezoni: 6 monati sika, 6 monati pluvoza. Este de ta regiono (interioro di Bahia, Sergipe, Alagoas, Pernambuco, Paraíba, Rio Grande do Norte, Ceará e Piauí, e nordo di Minas Gerais) on existas mi-arida klimato. Pluvo esas poka e neregulala. La vejetantaro esas konocata da la nomo caatinga, qua signifikas "sika foresto".
De la litoro di Nord-estala regiono til granda parto di la Sud-estala regiono existis tropikala foresto konocita en portugalana kom Mata Atlântica (Atlantika foresto). Ol esis l'unesma Braziliana peizajo trovita dal Portugalani, en 1500. Nune ta regiono esas forte populizita, e lua peizajo modifikesis pro agrokultivo, edukado di bovaro, porki ed altra animali, e pro l'industrialigo. Nune nur existas min kam 10% de l'originala foresto Atlantika (Mata Atlântica).
La klimato en alta regioni dil sudo di Brazilia esas subtropikala kun 4 sezoni: somero de decembro til marto, autuno de fino di marto til junio, vintro de junio til septembro, e printempo de septembro til decembro. En kelka regioni on existis foresti di koniferi, ma nune restas nur mikra boski. En ta regiono povas nivar en alta monti. Fine, en la sudo e westo di Rio Grande do Sul existas regiono kun naturala pastureyo (Pampa), qua prolongesas en Arjentinia ed Uruguay.
Reliefo
redaktarPoka regioni di lando havas altitudi super 2.000 metri, nur en Norda - en la frontiero kun Venezuela e Guyana - ed en Sud-estala regioni (en la regioni di Serra do Mar e Serra da Mantiqueira. La maxim alta monto di lando esas Pico da Neblina, kun 2.994 metri di altitudo, en la frontiero kun Venezuela. En Norda regiono predominacas basa altitudi, infre 100 metri e la reliefo esas preske plana.
En Nord-estala, Sud-estala e Suda regioni, l'altitudi super 700 metri en kelka arei modifikas lokala klimato. En Sud-estala regiono on havas tropikala klimato di altitudo kun 4 sezoni. En Suda regiono on povas nivar en alta monti dum vintro.