Ekonomio di Sud-Korea

Ekonomio di Sud-Korea
Pekunio Sud-Koreana Won
Internaciona organizuri MOK, APEC, OKED, G-20
Statistiki [1]
Totala nacionala produkturo (TNP) US$ 2 187,8 milioni (2020)
Rango TNP 14ma[2] maxim granda
Kresko di TNP 2,04% (2020)
TNP po persono US$ 42 300
TNP segun sektoro agrokultivo 2,2%, industrio 39,3%, servadi 58,5%
Inflaciono 0,3% (2019)
Habitantaro sub la povreso-lineo 14,4 % (2016)
Laboro-povo 26 839 000 (2020)
Laboro-povo segun okupado agrokultivo 4,8%, industrio 24,6%, servadi 70,6%
Chomeso 3,76% (2019)
Komercala parteneri [1]
Exportaci (US$) 606,71 miliardi (2020)
Precipua parteneri Popul-Republiko Chinia 25%, Usa 14%, Vietnam 9%, Hong Kong 6%, Japonia 5% (2019)
Importaci (US$) 540,96 miliardi (2020)
Precipua parteneri Popul-Republiko Chinia 22%, Usa 12%, Japonia 9% (2019)
Publika financi [1]
Extera debo 457,745 miliardi (2019)
Revenuo totala (US$) 357,1 miliardi (2017)
Spenso totala (US$) 335,8 miliardi (2017)
Noto: Ecepte kande kontree mencionata, valori en ca tabelo esas en Usana dolari

L'ekonomio di Sud-Korea kreskis rapide dum la pasinta quaradek yari. Dum la yari 1960a, lua Totala nacionala produkturo po persono equivalis olta di la maxim povra landi de la mondo.[1] Dum l'administrado di Park Chung-hee la guvernerio komencis importacar prima materiaro e teknologio, stimulis sparo e koloko vice konsumo e mantenis la salarii basa.[1] L'industrii qui povis exportacar stimulesis. To stimulis ekonomiala kreskado, qua freque superiris 10% dum la yari 1960a e 1970a. La kresko duris dum la yari 1980a e 1990a, ma dum la fino di ta yardeko la lando subisis l'efekti del Aziala ekonomiala krizo di 1997-1998. Pos 1998, Sud-Korea signatis pakti pri libera komerco por stimular lua exportaci.[1]

Seoul.
Historiala kresko dil ekonomio Sudkoreana (1961 til 2015).

En 2004 lua TNP unesmafoye superiris 1 bilion Usana dolari, e nun ol esas la 15ma maxim granda del mondo[1] esas la 4ma maxim granda de Azia. L'efikiva asocio inter guvernerio e l'entraprezi - inkluzite furniso di kredito e kontrolo de l'importaci - posibligis ta developo.[1] En 2017 l'elekto dil prezidanto Moon Jae-in adportis konfido por la konsumeri, partale pro lua esforco pri augmentar la salarii ed augmentar publika spenso.[1]

Depos 2018 Sud-Korea expektas kreskar nur 2% til 3% omnayare, ordinara procento di kresko por developita ekonomii.[1] Inter la defii por Sud-Korean ekonomio esas la rapida oldigo di lua habitanti, neflexebla laborala merkato, la dominaco di granda entraprezi (chaebols) en la produktado, e developar lua interna merkato, vice dependar tante di exportaci.[1] La 4 maxim granda chaebols produktas 90% de la gani de la 30 maxim granda kompanii di la lando.[3][4] Altra defii esas diminutar laborala jornedo, augmentar la produktiveso, e diminutar korupto.[1]

Referi redaktar