Kontrato pri libera komerco

Kontrato pri libera komerco esas regionala o bilaterala komercala kontrato kun skopo ampligar la merkato por komercaji e servadi inter partoprenanta landi. Fundamentale ol konsistas ek l'elimino di doganotaxi por produkturi komercata inter ta landi. La kreo di kontrato pri libera komerco judikesas kom la duesma etapo di procedi pri ekonomiala uniono.

Mapo prizentas la precipua plurlatera kontrati pri libera komerco de la mondo.

Diferanta de dogan-uniono, en kontrati pri libera komerco ne bezonesas komuna exterala dogano-taxo. Por evitar l'eludo di imposti, la landi kreas ed uzas atesti pri origino, ed establisas la minima grado di lokala material adportaji e lokala transformi quin mustas adicionesar ad ula produkturo por konsiderar su kom nacionala o regionala. Se la produkto ne havas ta minima grado, ol konsideresas exterlanda produkto, submisita a dogano-taxi.

Kelka kontrati pri libera komerco

• Centr-Europana Kontrato pri Libera Komerco, inter Albania, Bosnia e Herzegovina, Kroatia, Norda Makedonia, Moldavia, Montenegro, Serbia e Kosovo.
• Kontrato pri Libera Komerco di Nord-Amerika (NAFTA), inter Usa, Kanada e Mexikia.
• Karibiana Komunitato (CARICOM), inter Antigua e Barbuda, Bahama, Barbados, Belize, Dominika, Grenada, Guyana, Haiti, Jamaika, Montserrat, St Kitts-Nevis, St Lucia, St Vincent e Grenadini, Surinam, e Trinidad e Tobago.
• Europan Asociuro por Libera Komerco (EALK; en Angle EFTA), inter Islando, Liechtenstein, Norvegia e Suisia.