14ma di novembro
dato
(Ridirektita de 14 di novembro)
| okt – novembro – dec | ||||||
| su | lu | ma | me | jo | ve | sa |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
Videz quo ligesas adhike (che utensili). - A pagino di yaro.
La 14ma di novembro esas la 318ma dio di la yaro (319ma en bisextila yari) segun Gregoriala kalendario. Restas 47 dii til la fino di la yaro.
Dio
redaktar- Dio di Mulieri, en Kolumbia.
- Internaciona dio pri diabeto. Nasko-dio di Frederick Banting.
Eventi
redaktar- 1417 - Martinus la 5ma divenas papo.
- 1533 - Hispani komandita da Francisco Pizarro arivas en la regiono di la nuna Cajamarca, Peru, lor parto dil imperio Inkao.
- 1898 - Tomás Regalado divenas prezidanto di Salvador.
- 1908 - Imperiestro Guangxu mortas en Chinia. La sequanta dio, regentino Cixi anke mortas. Ai-xin-jue-luo Pu-yi, lor evanta min kam 3 yari, divenas lua sucedanto.
- 1918 - Chekoslovakia divenas republiko.
- 1933 - Salto Ángel, la maxim alta aquofalo dil mondo, deskovresas en Venezuela.
- 1963 - Volkanal erupto en Islando kreas nova insulo, Surtsey.
- 1969 - Kosmonavo Apollo 12 sendesas aden kosmo da NASA.
- 1975 - Hispania, Maroko e Mauritania signatas pakto pri l'administro di Ocidental Sahara.
- 1977 - En Unionita Rejio unesmafoye pumpisti komencas nacionala striko.[1]
- 1982 - En Polonia, 11-monata aresto di Lech Wałęsa finas.
- 1989 - Serioza inundado eventas en Málaga, Hispania.
- 1990 - Germania e Polonia kontratas pri la limito alonge Oder-Neisse.
- 1991 - Princo di Kambodja Norodom Sihanouk retrovenas a Phnom Penh pos 13-yara exilo.
- 1994 - Reguloza treno-trafiko inter London e Paris komencas tra la Tunelo sub l'Angla Kanalo.
- 2002 - Arjentinia ne pagas al Mondala Banko lua debo 805-milion dolara.
- 2003 - Planeteto Sednao deskovresas.
- 2012 - Generala striko en Hispania ed en altra Europana landi.
- 2017 - Dum la nokto, militisti de Zimbabwe asemblas trupi proxim Harare e la sequanta dio li kaptos la prezidanto Robert Mugabe en lua domo ed arestos ilu.[2][3]
- 2018 - En Campinas, Brazilia, inauguresas la partikul-acelerilo Sirius, qua posibligos studiar strukturi di molekuli ed atomi.[4]
- 2019 - Venezia deklaras urjanteso-stando pro mareala inundadi.[5]
Naski
redaktar- 1650 (segun la Gregoriala kalendario) - Rejulo William la 3ma di Anglia, Skotia ed Irlando (m. 1702)
- 1719 - Leopold Mozart, Austriana kompozisto (m. 1787)
- 1765 - Robert Fulton, Usan injenioro ed inventisto (m. 1815)
- 1778 - Johann Nepomuk Hummel, Austriana kompozisto e pianisto (m. 1837)
- 1828 - Charles de Freycinet, chefministro di Francia (m. 1923)
- 1840 - Claude Monet, Franca piktisto (m. 1926)
- 1878 - Louis Marcoussis, Polona-Franciana piktisto (m. 1941)
- 1889 - Jawaharlal Nehru, chefministro di India (m. 1964)
- 1891 - Frederick Banting, Kanadana mediko, deskovrinto di insulino, Nobel-laureato (m. 1941)
- 1900 - Aaron Copland, Usana kompozisto (m. 1990)
- 1907 - Astrid Lindgren, Sueda skriptisto (m. 2002)
- 1907 - Howard W. Hunter, prezidanto dil Eklezio di Iesu Kristo di Lasta-Dia Santi (m. 1995)
- 1922 - Boutros Boutros-Ghali, generala-sekretario di Unionita Nacioni (m. 2016)
- 1928 - Vitaliy Masol, chefministro di Ukraina (m. 2018)
- 1934 - Leszek Sobocki, Polona piktisto
- 1935 - Rejulo Hussein di Jordania (m. 1999)
- 1943 - Rafael Leonardo Callejas, prezidanto di Honduras (m. 2020)
- 1947 - Miguel de la Espriella, Kolumbiana piktisto
- 1948 - Princo Charles, la nuna Charles la 3ma di Unionita Rejio
- 1953 - Dominique de Villepin, chefministro di Francia
- 1954 - Condoleezza Rice, Usana politikisto
- 1963 - Mihail Krasenkov, Rusa shakoludisto
- 1972 - Josh Duhamel, Usan aktoro
- 1972 - Edyta Górniak, Polona kantistino
- 1979 - Olga Kurylenko, Ukrainana-Franciana manekinino ed aktorino
- 1993 - Elisabeth Seitz, Germana gimnastikino
- 1993 - Samuel Umtiti, Franca futbalisto
- 1998 - Sofia Kenin, Usana tenisistino
Morti
redaktar- 565 - Imperiestro Iustinianus la 1ma di Bizanco (n. 482)
- 1716 - Gottfried Wilhelm Leibniz, Germana filozofo e matematikisto (n. 1646)
- 1817 - Policarpa Salavarrieta, heroino di nedependo-movado en Kolumbia (n. 1796)
- 1831 - Friedrich Hegel, Germana filozofo (n. 1770)
- 1832 - Wilhelm Bendz, Dana piktisto (n. 1804)
- 1866 - Miguel la 1ma, rejo di Portugal (n. 1802)
- 1921 - Isabel de Brazilia, Braziliana princino, filiino di Pedro la 2ma di Brazilia (n. 1846)
- 1937 - Sergi (Zverev), episkopo di Rus Ortodoxa Kirko (n. 1870)
- 1946 - Manuel de Falla, Hispana kompozisto (n. 1876)
- 1966 - Steingrímur Steinþórsson, chefministro di Islando (n. 1893)
- 2020 - Hasan Muratović, chefministro di Bosnia e Herzegovina (n. 1940)
Referi
redaktar- ↑ 1977: Firefighters strike over pay claim - Publikigita da BBC. URL vidita ye 9ma di oktobro 2016.
- ↑ Zimbabwe in turmoil after apparent coup - Autoro: David McKenzie, Brent Swails ed Angela Dewan. Publikigita da CNN. URL vidita ye 15ma di novembro 2017.
- ↑ Zimbabwe's Robert Mugabe confined to home as army takes control - URL vidita ye 15ma di novembro 2017.
- ↑ Concluída a primeira etapa do Sirius, a nova fonte síncrotron - Publikigita da Fapesp Pesquisa. Dato di publikigo: 14ma di novembro 2018. URL vidita ye 1ma di januaro 2019.
- ↑ Italia decreta el estado de emergencia en Venecia por inundaciones - Publikigita da Milenio. Dato di publikigo: 14ma di novembro 2019. URL vidita ye 21ma di novembro 2019. Idiomo: Hispana.