Inkao imperio (Quechua Tawantinsuyu, "quar parti unioninta") esis la maxim granda imperio di Amerika ante l'arivo dil Europani. Lua administrala centro esis Cuzco. Lua tota surfaco en 1527 esis aproxime 2 milion km², lor habitita da cirkume 10 milion personi.

L'imperio Inkao en la mondo.
Manco Cápac, Inkao imperiestro.

De 1438 til 1533, Inkai konquestis vasta arei del westo di Sud-Amerika, centrita en Andiana regiono. En sua maxima ampleso, l'imperio okupis regioni de la nuna Chili, Peru, nord-westal Arjentinia, Bolivia, Equador e la sudo di Kolumbia. Li developis monumental arkitekturo, nome uzanta petri, kreis vasta sistemo di chosei, elaboris tenua texaro, e domestikigis lamao. L'imperio anke funcionis larje sen pekuniala sistemo, e malgre konocar ed uzar oro, kupro e bronzo, l'inkai ne konocis fero.