Ido-konfero 2023
La internaciona Ido-konfero 2023 eventos inter 5ma julio e 9ma julio 2023 en Kassel, Germania. La konfero eventis en Kassel por memorigar la triesma Ido-konfero en la yaro 1923 en Kassel.
La konfero esis organizita da la Germana Ido-Societo. Chef-organizanto esis Dieter Schmidtchen.
12 Idisti ek kin landi (Germania, Francia, Polonia, Anglia/Hong Kong e Bulgaria) partoprenis en la Ido-renkontro 2023. [1].
Programo
redaktar- 5ma julio 2023: Arivo en Kassel
- 6ma julio 2023: Saluto en la konfereyo, labor konversi en la konfereyo. Thomas Schmidt facis diskurso pri la Ido-konfero 1923 en Kassel. Vizito dil historiala merkato-haleto. Pose exkurso a museo di la natur-savo e la parko Karlsaue.
- 7ma julio 2023: Guido tra la urbo-centro (rondiro) e pose vizito dil rakonto-museo „Grimmwelt“ (mondo di fratuli Grimm). Info-estaleyo ye “Königsplatz“; pose plura labor-konversi en la konfereyo.
- 8ma julio 2023: Urbo-turo per autobuso anke al famoza monumento “Herkules” e la kastelo “Löwenburg” en la monto-parko. Cayara chefkunveno kun elekti di nova direktantaro di la Germana Ido-Societo. Ye la vespero finala kunsido en la laboreyo.
- 9ma julio 2023: Departo.
La konfero dedikesis anke a Hellmut Röhnisch, qua habitis en yuna evo en Kassel. Ye la frua matino ye la 6ma julio 2023 la du Ido-aktivisti Rudolf Gensch e Rainer Höhling hisis granda Ido-afisho, sur qua on povis lektar Sporteyo Hellmut Röhnisch apud la sporto-halo che la Königstor. En la sama loko habitis ante 100 yari la familio Röhnisch.[2].
Extera ligilo
redaktarReferi
redaktar- ↑ Videz pri la Ido-konfero 2023, Schmidt, Thomas: Raporto pri la Internaciona Ido-renokontro 2023 en Kassel en: Ido-Saluto 2/2023, p. 4-6.
- ↑ Videz video pri la publika agado che You Tube