Germana Ido-Societo
La Germana Ido-Societo od abrevita GIS (en la germana linguo Deutsche Ido-Gesellschaft) esas la nacionala asociuro di Ido en Germania. En la yaro 2022 la asociuro havis cirkume 40 registrita membri.
La Germana Ido-Societo esis rifondita en la yaro 1960 en Berlin. Antee la Germana Idisti esis organizita en la Germana Ido Federuro.
La Germana Ido-Societo esas en Germania oficale registrita societo che la tribunalo en Berlin en la distrikto Charlottenburg.
La jurnalo di la organizuro esas la Ido-Saluto!, qua esas publikata quarfoye en la yaro.
En la yaro 2010 la Germana Ido-Societo havis 21 membri.
En la yaro 2014 la Germana Ido-Societo havis cirkume 30 membri. En Berlin la Germana Ido-Societo havas tre aktiva lokala grupo sub la nomo Ido-Amiki Berlin [1].
La Germana Ido-Societo aranjis multa Ido-Konferi ed internaciona Ido renkontri. La asociuro avancigas la publikado di Ido-literaturo.
Direktantaro
redaktarLa nuna direktantaro di la Germana Ido-Societo (2023):
- Prezidanto: Thomas Schmidt
- Vice-prezidanto: Eberhard Scholz
- Sekretario: Rudolf Gensch
- Kasero: Dieter Schmidtchen
- Membri sen ofico: Ricarda Rieck, Rainer Höhling e Patrice Leiteritz
Yarchefkunveni di la Germana Ido-Societo
redaktarLa yarchefkunveni di la Germana Ido-Societo eventas unfoye singlayare.
Listo di la recenta yarchefkunveni di la Germana Ido-Societo
- 2005 2ma di julio en Waldkappel
- 2006 25ma di agosto en Berlin
- 2007 17ma di novembro en Berlin
- 2008 23ma di agosto en Wuppertal-Neviges
- 2009 17ma/18ma di mayo en Nürnberg
- 2010 21ma di agosto en Tübingen
- 2011 20ma di agosto en Trier
- 2012 28ma di julio en Dessau
- 2013 16ma di junio en Edermünde
- 2014 30ma di agosto en Schwielowsee (Potsdam)
- 2015 29ma di agosto en Berlin
- 2016 8ma di aprilo en Berlin
- 2017 17ma di junio en Edermünde
- 2018 11ma di mayo en Berlin
- 2019 7ma di septembro en Berlin
- 2020 26ma di septembro en Berlin
- 2021 21ma di agosto en Edermünde
- 2022 26ma di agosto en Dessau
- 2023 8ma di julio en Kassel
- 2024 14ma di novembro en Berlin
Prezidanti dil Germana Ido-Societo
redaktar- 2001-2011 Frank Kasper
- 2011-2015 Detlef Groth
- 2015-2020 nula prezidanto provizore Rudolf Gensch kom vice-prezidanto
- 2020-nun Thomas Schmidt