Kassel
| Kassel | ||
| ||
| Aeral imajo pri placo Friedrichsplatz. | ||
|
| |
| Standardo | Blazono | |
| Lando: |  Germania
| |
| Stato: | Hesia | |
Informo:
| ||
| Latitudo: | 51°19' N | |
| Longitudo: | 9°30' E | |
| Altitudo: | 167 m | |
| Surfaco: | 107 km² | |
| Habitanti: | 204 687 (2023) | |
| Denseso di habitantaro: | 1917 hab./km² | |
| Disto de Berlin: | (choseala) 379 km | |
| Horala zono: | UTC+1 (UTC+2 dum la somero) | |
| Urbestro: | Sven Schoeller (Grüne) | |
Mapo:
| ||
| ||
Oficala retosituo:
| ||
| www.stadt-kassel.de | ||
Kassel (til 1926 la nomo oficala esis Cassel) esas urbo alonge rivero Fulda, norde del stato Hesia, en Germania. Segun statistiki de 2023, ol havis 204 687 habitanti. Lua tota surfaco esas 107 km².
Depos 1277 Kassel esis chef-urbo di landgravio Hesia, depos di landgravio Hesia-Kassel, de rejio Vestfalia (de 1807 til 1813) e pose del Kurfürstentum ("elekterio") Hesia. Lua universitato (Universität Kassel) fondesis en 1971, ed esas importanta por ciencala inquesti.
Historio
redaktarKassel mencionesis unesmafoye en 913, kom loko ube rejo Konradus la 1ma di Frankonia signatis du dokumenti. La loko nomizesis Chasella o Chassalla, ed esis fortifikuro che ponto qua trairis rivero Fulda. Dokumento signatita en 1189 afirmis ke Kassel havis yuri kom urbo, tamen ol ne mencionis kande ta yuri grantesis.
L'unesma kastelo dil urbo konstruktesis en 1277. Pose, ol remplasesis da nova kastelo, qua brulesis dum incentio en 1811.
En 1807 Napoléon la 1ma donis a sua fratulo Jérôme Bonaparte la Rejio di Vestfalia; ol esis nova rejio kreita da Napoléon de la nuntempa stato Hesia e vicina Germana teritorii. La precipua urbo esis Kassel. Jérôme imitis la imperio-stilo di Paris, e dum kurta periodo Kassel esis kulturala centro en qua Jérôme disipeme rezidis. Napoléon desprizis ca konduto di sua fratulo, e refuzis financale suportar il. Rejio Vestfalia duris til 1813, kande Rusa armeo prenis Kassel.
Geografio
redaktar
La reliefo di Kassel esas plana en lua central areo e kolinoza en diversa arei. La maxim basa punto dil urbo jacas an valo di rivero Fulda, an altitudo di 132,9 metri. Lua mezavalora altitudo esas 167 metri, e lua maxim alta punto jacas 614,8 metri super la marala nivelo, che monto Hoher Gras.
La klimato di Kassel esas oceanala, kun influo kontinentala (Cfb segun la klimatala klasifikuro da Köppen). La mezavalora temperaturo en januaro (vintro) esas 0°C, kontre ke la mezavalora temperaturo en julio (somero) esas 17,2°C[1]. La maxim alta temperaturo enrejistrita dum lua historio esis 37.2°C en julio, kontre ke la maxim basa temperaturo enrejistrita esis -26.7°C, en januaro.
La mezavalora yarala pluvo-quanto dil urbo esas 594,4 mm, e la maxim pluvoza monato esas julio, kun mezavalore 73,7 mm.
Referi
redaktar
- ↑ Kassel, Germany Köppen Climate Classification - Publikigita da Weatherbase. URL vidita ye 24ma di januaro 2025. Idiomo: Angla.