Napoléon la 1ma

Napoléon la 1ma
Imperiestro di Francia
Guvernisteso:	de la 18ma di mayo 1804 til la 6ma di aprilo 1814
Precedanto:	Unesma Franca republiko
Sucedanto:	Napoléon la 2ma
Imperiestro di Francia
Guvernisteso:	de la 1ma di marto til la 22ma di junio 1815
Personal informi
Naskodato:	15 di agosto 1769
Naskoloko:	Ajaccio, Korsika
Mortodato:	5 di mayo 1821
Mortoloko:	St Helena, Atlantiko
Spozo:	Joséphine de Beauharnais Marie Louise di Austria
Profesiono:	militestro

Napoléon la 1ma (de 1769 til 1821) esis Franca generalo. Ilu duktis Francia depos 1799, kom imperiestro de 1804 til 1814, ed itere de la 20ma di marto til la 22ma di junio 1815. Il komencis lua kariero kom artilrio-oficiro dum la siejo di Toulon sucese ma vundesis en kruro.

Napoléon konsideresas militala genio, qua komandis e vinkis multa batalii. Ilu kontrolis granda parto de kontinentala Europa tra lua frati e marshali, qui guvernis multa landi sur lua troni. Anke lua nevo esis imperiestro, Napoléon la 3ma, de 1852 til 1870.

Napoléon konsumis tabako de multa tabakuyi dum dio.

Apud lia militala rezulti, Napoléon esas anke memorinda pro la kodexo. Granda parto esas la fundamento di aktuala legi di multi landi.

Citajo

On guvernas plu bone homi per lua vicii kam per lua vertui.

La fino di lua povo

Ye la 4ma di mayo 1814 Napoleon Bonaparte arivis en Portoferraio, la chef-urbo dil insulo Elba, ube il esis exilita segun la kontrato di Fontainbleau. Ca kontrato, signatita da plenipotencieri di diversa Europala stati e ratifikita da Napoleon ye la 11ma di aprilo, detaligis ke Napoleon ne pluse esus imperiestro di Francia; e ke Elba, insulo proxim Toskania, esus separita princio di qua Napoleon esus la regnanto. Dum la monati pos ilua arivo, Napoleon adoptis ekonomiala reformi en la insulo ed en la sociala standi di olua habitanti. Ye la 26ma di februaro 1815 il eskapis de la insulo, ed ye la 20ma di marto il ri-eniris Paris.

Exilo en Sant-Helena

Ye la 15ma di oktobro 1815, la navo portanta Napoléon, pos ilua vinkeso ye la batalio di Waterloo en junio ta yaro, arivis ye la insulo Sant-Helena, ye la suda Atlantiko. Napoléon desembarkis ye la sequanta dio, e komencis exilo qua duris til ilua morto en 1821.