Apertar la precipua menuo

Eugen Leviné (naskinta ye la 10ma di mayo 1883, mortinta ye la 5ma di julio 1919) esis Rusa Germaniana komunista revolucionero de Sankt Peterburg qua esis statestro dum la duesma periodo di la Bavariana Sovietrepubliko.

VivoRedaktar

Il naskis en familio di Juda komercisti en Sankt Peterburg, Julius e Rozalia (naskinta kom Goldberg) Leviné. Pos ke lua patro mortis kande Eugen evis tri yari, ilua matro ekmigris kun lu a la Germana Imperio. Li habitis en Wiesbaden e Mannheim. Eugen Leviné studiis yuro de 1903 en Heidelberg e de 1904 til 1905 en Berlin, ube lu renkontris sinistra Rusa emigrinti. Il rivenis a la Rusiana Imperio en septembro 1905 por suportar la nesucesoza revoluciono di 1905. Ibe ilu asociis su kun la Socialista-Revolucionista Partiso. Lu arestesis ed exilesis a Siberia. Rozalia Leviné pagis ransono por il en 1908, pos quo il retroiris al Germana Imperio en 1909.

En Germania lu komencis studiar Volkwirtschaftslehre (nacional ekonomiko) e divenis membro di la Socialdemokrata Partiso di Germania. Il konkluzis sua studio, akirante doktorato. Leviné divenis civitano di Baden en 1913. Il esis interpretisto por la German armeo dum la unesma mondomilito, unesme en militala kaptitokampo e pose por komuna taski. Lu mariajis su kun Rosa Broido (plu pose Rosa Meyer-Leviné), filiisto di rabino ek Gródek en Polonia, en 1915. Il forlasis l'armeo en 1916 pro medicinala motivi.

Ilu membreskis la Nedependanta Socialdemokrata Partiso di Germania (USPD) ed esis un del fondanti di la Spartakusbund. Leviné divenis membro di la Komunista Partiso di Germania en 1918. Lu esis en ta partiso feroca enemiko di parlamentala politiko. Il iris a München en marto 1919, pos la ocido di Kurt Eisner, statestro di la Volksstaat Bavaria. La socialdemokrata guvernerio di Bavaria fugabis ek München e plu radikala socialisti proklamis la Bavariana Sovietrepubliko. L'unesma statestro esis Ernst Toller, qua guvernis dum nur 6 jorni kun ula nedependanta socialdemokrati ed anarkiisti. Opozanti esforcis faligor Toller ye la 13ma di aprilo, ma reda gardisti preventis la stroko ed instalis Leviné kom statestro.

La guvernado di Leviné esis bizare radikala; il donis la maxim luxoz expropriita apartamenti a vaganti, modifikis kirko distingita a templo por la revolucionala "deino dil raciono" e volis abolisor monetopaperi. Granda kontroverso politikala naskis pro la pokeso di lakto. To ne esis problemo segun la komunisti, pro ke li kredis ke precipue la pueri di la borgezi drinkis lakto e ne esus mala si ta pueri mortos. Esas remarkinda ke Leviné ipsa venis de borgeza familio. Nuncio Eugenio Pacelli esis en Münich dum ica periodo e minacesis ye plura foyi da la guvernerio.

Leviné imperis la red armeo Bavariana arestar personi, qui esis konsiderata kom enemiki di la komunista republiko. Kande Friedrich Ebert autoritatizis a la Germanian armeo atakar la Bavariana Sovietrepubliko, la red armeo ocidis dek de ca homi, qui esis membri di Freikorps e la Thule-Gesellschaft.

La German armeo e le Freikorps balde konquestis München per trupo di 39,000 soldati. Kom reprezalo le Freikorps ocidis 700 homi. Leviné celeskis del 2ma di majo, ma arestesis ye la 13ma di majo. Ye la 3ma di junio 1919 onu kondamnis lu a mortopuniso pro statotrahizo. Pelotono fusilagis il ye la 5ma di junio.