Bavaria

Bavaria esas la maxim vasta stato di Germania, jacante sude de la lando. Lua surfaco totala, 70 549,4 km², reprezentas 1/5 de la surfaco di Germania. Ol havas frontieri kun Chekia este, Austria sud-este e sude, Suisia sud-weste, e kun la stati Badenia-Wurtemberg weste, Hesia nord-weste, Turingia norde, e Saxonia nord-este. München, lua chef-urbo, esas la maxim grand urbo de la stato e la 3ma maxim grand urbo de Germania segun habitantaro.

Bayern Chefurbo München Surfaco 70 549,4 km² Habitanti Denseso di habitantaro 12 843 514 (2015) 180 hab./km² Guberniestro Markus Söder Horala zono UTC+1 (UTC+2 dum la somero) TNP (yaro) € 550/610 miliardi (2015) Reto www.bayern.de

Bazala fakti pri Bavaria.

Historio

L'unesma populo konocita qua habitis la regiono esis la Kelti de la kulturo La Tène. Romani okupis la regiono ante l'Ero Kristana, e fondis kolonii quale Raetia e Noricum.

Bavaria divenis parto di Germana imperio en 1871. De 1806 til 1918 Bavaria esis rejio.

Pos la unesma mondomilito

Ye 6 di aprilo 1919 en München, la Soviet-Republiko di Bavaria esis deklarata. To sequis periodo di anarkio en la stato depos la asasino en februaro 1919 di Kurt Eisner, ministro-prezidanto di Bavaria de novembro 1918. La prezidanto di la Soviet-Republiko esis dramatisto Ernst Toller, qua selektis des-apta personi kom membri di la guvernerio; ye 12 di aprilo la Komunista partiso, duktita da Eugen Leviné, prenis povo. La republiko esis vinkata ye 3 di mayo, da armeo di Johannes Hoffmann, chefo en Bamberg di rivala guvernerio en Bavaria.