Badenia-Wurtemberg
Badenia-Wurtemberg esas Germana Land (stato), jacanta sud-weste de la lando. Segun statistiki de 2021, ol havis 11 124 642 habitanti[1]. Lua tota surfaco esas 35 751,46 km².
| ||||||||||||||||||||||||||||||||||||||||||||||||||||||||||
Historio
redaktarLa stato okupas la teritorii dil anciena stato Badenia, l'anciena Hohenzollern de Prusia, e Württemberg, parto dil anciena Suabia.
Dum la yaro 100, Württemberg okupesis da Romani, qui konstruktis fortifikuri en la regiono. Dum la komenco dil 3ma yarcento Alamani ekpulsis Romani de la regiono, ma li sukombis a Frankiani komandita da Klodovecho l'1ma. Pose la regiono divenis parto di Santa Romana imperio. La regiono restis katolika, mem pos ke protestanta reformo influis populi en norda Germania.
Dum la komenco dil 19ma yarcento, la regiono divenis parto di tale nomizita Rhenana kunfederuro e, pos la Kongreso di Wien, rejii Württemberg, dukio Badenia e princii Hohenzollern adheris a tale nomizita Germana kunfederuro.
Geografio
redaktarLa stato havas frontieri kun Francia, Suisia, e la stati Rhenlando-Palatenio, Hesia e Bavaria. En westo, la stato jacas apud Rheno. Nigra Foresto anke jacas en westo. Danubio naskas proxim l'urbo di Donaueschingen. Lua tereni ne esas plu alta: la maxim alta monto di la regiono esas Täfelberg, kun 565 metri di altitudo.
Ekonomio
redaktarDemografio
redaktarLa maxim granda urbo esas la chef-urbo dil stato, Stuttgart. Altra importanta urbi esas Mannheim, Karlsruhe, Freiburg, Heidelberg e Heilbronn.
Referi
redaktar- ↑ 1,0 1,1 Bevölkerungsentwicklung in Baden-Württemberg seit 1950 nach Altersgruppen und Geschlecht - Publikigita da statistik-bw.de. URL vidita ye 24ma di januaro 2023. Idiomo: Germana.