1701

La yaro 1701 (MDCCI per Romala algarismi) esis ordinara yaro komencinta ye saturdio segun Gregoriala kalendario, ed ordinara yaro komencinta ye merkurdio segun Juliala kalendario. Ol esis la 701ma yaro di la duesma yarmilo, la 1ma yaro di la 18ma yarcento, e la 2ma yaro di la yari 1700a. Kande 1701 komencis, Gregoriala kalendario esis 11 dii avan Juliala kalendario, qua duris uzesar en kelka loki til 1923.

Eventi

Europa

• 12ma di januaro - Kelka regioni de Nederlando adoptas Gregoriala kalendario.
• 18ma di januaro - Elekto-princio di Brandenburg chanjesas a rejio di Prusia e Fredrik la 3ma, princo de Brandenburg, kronizesas Fredrik la 1ma di Prusia.
• marto - Heredala milito di Hispania komencas. Hispania kune Francia kombatas kontre Austria, Britania, Nederlando e Germania. La milito duros til 1714.

Azia

• En Japonia estimata militestro Asano falas suocidar, pro ke il vundis un insultinta burokrato (lektez en 1703).

Afrika

• Oyoko-klano duktata da Osei Tutu unionas Ashante-lando, quo divenas maxim forta stato en Ora Rivo. Ashante richeskas per sklavo-komerco.

Nord-Amerika

• 24ma di julio - Antoine de Cadillac fondas Fort Ponchartrain, future Detroit, en junto-loko di lago Erie kun Lago Huron, por surveyar trafiko sur la lagi.

Naski

• 27ma di aprilo - Rejulo Carlo Emanuele la 3ma di Sardinia (m. 1773)
• 15ma di oktobro - Marie-Marguerite d'Youville, Franca santino di la katolik-eklezio (m. 1771)
• 27ma di novembro - Anders Celsius, Sueda fizikisto (m. 1744)

Morti

William Kidd

• 23ma di mayo - William Kidd, Skota pirato (n. 1645)
• 16ma di septembro - Rejulo James la 2ma di Anglia e la 7ma di Skotia (n. 1633)