1789

La yaro 1789 (MDCCLXXXIX per Romala algarismi) esis ordinara yaro komencinta ye jovdio segun Gregoriala kalendario, ed ordinara yaro komencinta ye lundio segun Juliala kalendario. Ol esis la 789ma yaro di la duesma yarmilo, la 89ma yaro di la 18ma yarcento, e la 10ma yaro di la yari 1780a. Kande 1789 komencis, Gregoriala kalendario esis 11 dii avan Juliala kalendario, qua duris uzesar en kelka loki til 1923.

Eventi

Europa

• 14ma di julio - Revolucioneri konquestas la senarma karcero Bastille. Franca revoluciono komencas.
• 8ma di agosto - Feudismo abolisesas en Francia.
• Deklarado di Homala yuri publikigesas en Francia.

Nord-Amerika

• 7ma di januaro - Unesma elekto por prezidanto e por la kongreso en Usa.
• 4ma di februaro - George Washington elektesas unanime kom unesma prezidanto di Usa.
• 30ma di aprilo - George Washington komencas lua prezidanteso.
• 14ma di julio - Skota explorero Alexander Mackenzie finas lua explorovoyajo tra la fluvio qua nun havas lua nomo. Ilu pensabis ke ol debushus an Pacifiko, ma fakte ol debushas an l'Arktika oceano.
• 21ma di novembro - Nordal Karolina divenas la 12ma Usana stato.
• 26ma di novembro - Dio di dank-expreso celebresas en Usa unesmafoye.
• 11ma di decembro - L'Universitato di Nordal Karolina, unesma publika universitato di Usa, kreesas.

Sud-Amerika

• Konspiro di Tiradentes pri la nedependo di Brazilia deskovresas en l'urbo Vila Rika (la nuna Ouro Preto), Minas Gerais. Tiradentes arestesos ye la 10ma di mayo, judiciesos e kondamnesos a mortopuniso per jibeto.

Oceania

• 28ma di aprilo - Mutino sur la navo Bounty: William Bligh, kapitano di Angla navo "Bounty", jetesas aden maro da rebela maristi.
• 14ma di junio - Kapitano William Bligh ed altra 18 transvivanti de la mutino sur la navo Bounty arivas an l'insulo Timor, pos 6.400 km-a voyajo en bateleto.

Naski

• 5ma di januaro - Jules Robert Auguste, Franca piktisto (m. 1850)
• 16ma di marto - Georg Simon Ohm, Germana fizikisto (m. 1854)
• 22ma di aprilo - Manuel Gómez Pedraza, prezidanto di Mexikia (m. 1851)
• 20ma di mayo - Marcellin Champagnat, Franca sacerdoto e santo por katolik-eklezio (m. 1840)
• 30ma di junio - Horace Vernet, Franca piktisto (m. 1863)
• 3ma di julio - Johann Friedrich Overbeck, Germana piktisto (m. 1869)
• 19ma di julio - John Martin, Angla piktisto (m. 1854)
• 15ma di septembro - James Fenimore Cooper, Usana skriptisto (m 1851)
• 15ma di decembro - Carlos Soublette, prezidanto di Venezuela (m. 1870)

Morti

• 7ma di aprilo - Sultano Abdul Hamid la 1ma di Otoman imperio (n. 1725)
• 9ma di mayo - Jean-Baptiste Vaquette de Gribeauval, Franca injenioro e militisto (n. 1715)