Apertar la precipua menuo

Olimpiala Ludi en Paris, 1900

Afisho pri l'Olimpiala Ludi en 1900.

L'Olimpiala Ludi en Paris, 1900, od oficale la 2ma Olimpiala Ludi, esis internaciona plursporta konkurso qua eventis en 1900 en Paris, Francia. Lore unesmafoye la Ludi eventis exter Grekia.

En 1895 barono Pierre de Coubertin propozis ke Paris gastigez l'unesma Olimpiala Ludi, qui eventos en 1900. La delegitaro aceptis Paris kom eventeyo en 1900, ma anticipis l'unesma Olimpiala Ludi moderna por 1896 en Athina, Grekia.

La 2ma Olimpiala Ludi eventis dum la Mondala Ferio di 1900 en Paris, nomizita Exposition Universelle. Barono Pierre de Coubertin opinionis ke to atraktos la publika intereso pri la Ludi. Ilu projetis rikonstruktar komplete l'anciena "Olympia" kun statui, templi, stadii e gimnastikeyi. Alfred Picard, la direktisto di la Exposition, opinionis latre: segun ilu, sportala konkursi meze di la Ferio esus "kompleta anakronismo"[1] Pos dankar Coubertin pri la projeto, Picard pozis la skisuri en l'arkivo e facis nulo pri to. Fine, vice publika intereso, granda desorganizeso eventis.

La ludi inauguresis ye la 14ma di mayo e finis ye la 28ma di oktobro 1900. Partoprenis 997 atleti de 24 landi. Esis 95 eventi de 19 sporti.  

Kelka faktiRedaktar

  • Multa atleti ne recevis medalii. Vice to li recevis trofei.
 
Natado en Seine.

 

Medalii ganitaRedaktar

 
Landi partopreninta l'Olimpiala Ludi en 1900. Blue, la landi qui partoprenis unesmafoye.
 
La velodromo di Vincennes. Ultre biciklo-konkursi, anke boxo, gimnastiko, kriketo, rugbio* e futbalo eventis ibe. Ol uzesis anke dum l'Olimpiala Ludi en 1924.

Yen la listo di landi qui ganis adminime 1 bronza medalio en 1900.  

# Lando Ora Arjenta Bronza Entote
1   Francia 26[2] 41[2] 34[2] 101
2   Usa 19[2] 14[2] 14[2] 47
3   Unionita Rejio 15[2] 6[2] 9[2]  30
4   mixita esquado 6 3 3 12
5   Suisia 6 2 1 9
6   Belgia 5 5 5 15
7   Germania 4 2 2 8
8   Italia 2 2 0 4
9   Australia 2[2] 0 3 5
10   Dania 1[2] 3 2 6
11   Hungaria 1 2 2 5
12   Kuba 1 1 0 2
13   Kanada 1 0 1 2
14   Hispania 1 0[2] 0 1
15   Austria 0 3 3 6
16   Norvegia 0 2 3 5
17   India 0 2 0 2
18   Nederlando 0[2] 1 3 4
19   Bohemia 0 1 1[2] 2
20   Mexikia 0 0 1 1
20   Suedia 0[2] 0 1 1
Total 90 90 88 268

ReferiRedaktar

  1. Cropper, Corry. Playing at monarchy: sport as a metaphor in nineteenth-century France (en Angla). URL vidita ye la 1ma di marto 2010.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 Kelk atleti de ta landi anke partoprenis en la mixita esquadi.