Apertar la precipua menuo
Frankfurt am Main
Frankfurt collage.jpg
Kelk imaji pri Frankfurt am Main.
Flag of Frankfurt am Main.svg Wappen Frankfurt am Main.svg
Standardo Blazono
Lando: Flag of Germany.svg Germania
Stato: Hesia
Informo:
Latitudo: 50º06'37" N
Longitudo: 08º40'56" E
Altitudo: 112 m
Surfaco: 248,31 km²
Habitanti: 732 688 (2015)
Denseso di habitantaro: 2.699 hab./km²
Disto de Berlin: 545,5 km
Horala zono: UTC+1
(UTC+2 dum la somero)
Urbestro: Peter Feldmann (SPD)
Mapo:
Mapo di Frankfurt am Main
Oficala retosituo:
http://www.frankfurt.de
Frankfurt am Main.

Frankfurt am Main esas urbo alonge la rivero Main en la stato Hesia, Germania. Ol esas la maxim populoza urbo di Hesia e la 5ma maxim populoza urbo di Germania. Segun statistiki de 2015, ol havis 732 688 habitanti. Lua surfaco esas 248,31 km². Lua metropolala regiono havas 2.3 milion habitanti e 2.458 km² di surfaco totala.

HistorioRedaktar

Segun arkeologiala restaji trovita proxim la katedralo di Frankfurt, la regiono habitesis adminime de neolitiko. Ol fondesis posible dal Romani ye la 1ma yarcento aK.

De 1562 til 1792, l'urbo esis la loko ube Germana imperiestri kronizesis. Prusia anexis l'urbo en 1866, ed ye la 10ma di mayo 1871 la pakto qua kreis Germana imperio signatesis en la urbo.

GeografioRedaktar

 
L'urbo e la rivero Main.

La reliefo di Frankfurt esas plana, jacanta an amba rivi dil rivero Main, sud-este de la montaro Taunus. An la sudo dil urbo jacas la Foresto di Frankfurt, la maxim larja urbala foresto de Germania.

La klimato dil urbo esas moderema, kun influo oceanala (Cfb, segun la klimatala klasifikuro da Köppen-Geiger). La maxim kolda monato esas januaro, kun temperaturo mezavalora di 1,6°C. La maxim varma monato esas julio, kun mezavalora temperaturo di 20°C. La mezavalora yarala temperaturo esas 10,6°C.

La mezavalora yarala pluvo-quanto esas 629,18mm. La maxim pluvoza monato esas julio (64,7 mm), kontre ke la maxim sika monato esas februaro (40,9 mm).

TransportoRedaktar

 
L'aeroportuo di Frankfurt.

Multa Autobahnen konvergas o trairas Frankfurt, exemple la Bundesautobahn 3 (Köln a Würzburg) e Bundesautobahn 5 (liganta Basel, en Suisia, a Hannover).

Tri aeroportui servas Frankfurt: Frankfurt-Hahn (jacanta 120 km del urbo), Frankfurt-Egelsbach (jacanta sud-este del urbo) e l'aeroportuo di Frankfurt (Flughafen Frankfurt am Main), jacanta 12,7 km de lua centro, qua esas lua precipua aeroportuo. En 2018 entote 69 514 414 veheri uzis ol.

Frankfurt havas 64,9 kilometri di metroo (U-bahn di Frankfurt), dividita inter 9 linei kun entote 86 stacioni. L'unesma lineo inauguresis en 1968. Ol anke havas9 linei di suburbala treni (S-bahn di Frankfurt) anke kun 9 linei, 111 stacioni e 303 km di extenso totala. De la centrala ferovoyala staciono di Frankfurt departas treni qui ligas l'urbo a Berlin, Bruxel, Marseille, Amsterdam ed altra Europana urbi.

 
Katedralo di Santa Katarina.