Ekonomio di Bangladesh
| Ekonomio di Bangladesh | ||
|---|---|---|
| Pekunio | Taka | |
| Internaciona organizuri | MOK, SAFTA, SAARC ed altri | |
| Statistiki [1] | ||
| Totala nacionala produkturo (TNP) | US$ 793,49 miliardi (2020) | |
| Rango TNP | 31ma[2] maxim granda | |
| Kresko di TNP | 7,4% (2020) | |
| TNP po persono | US$ 4 754 | |
| TNP segun sektoro | agrokultivo 14,2%, industrio, 29,3%, servadi 56,5% (2017) | |
| Inflaciono | 5,5% (2019) | |
| Habitantaro sub la povreso-lineo | 24,3% (2016) | |
| Laboro-povo | 66 640 000 (2020) | |
| Laboro-povo segun okupado | agrokultivo 42,7%, industrio 20,5%, servadi 36,9% (2016) | |
| Chomeso | 4,4% (2017) | |
| Komercala parteneri [1] | ||
| Exportaci (US$) | 38,78 miliardi (2020) | |
| Precipua parteneri | Usa 15%, Germania 14%, Unionita Rejio 8%, Hispania 7%, Francia 7% (2019) | |
| Importaci (US$) | 57,26 miliardi (2020) | |
| Precipua parteneri | Popul-Republiko Chinia 31%, India 15%, Singapur 5% (2019) | |
| Publika financi [1] | ||
| Extera debo | 50,26 miliardi (2017) | |
| Revenuo totala (US$) | 25,1 miliardi (2017) | |
| Spenso totala (US$) | 33,5 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Bangladesh kreskis cirkume 6% omnayare depos 2005, malgre longa periodi di politikala nestabileso, manko di substrukturo, endemika korupto, manko di energiala fonti e la tardigo pri reformar l'ekonomio.[1] Malgre ke plu kam la duimo del TNP originas del sektoro di servadi, preske la duimo de la habitantaro transvivas de agrokultivo, nome rizo.[1]
Vestaro reprezentis 80% de la exportaci de la lando inter 2016 e 2017. L'industrio duras expansar, malgre bezonar plubonigo di laborala sekureso en fabrikerii.[1] La kresko dil exportaci dum ca epoko, kombinita kun l'eniro di 13 milion dolari sendita da Bangladeshani qui rezidas exterlande, kontributis por l'augmento dil extera rezervi di la lando dum ca epoko.[1] Recenta plubonigi en l'energiala substrukturo, inkluzite la komenco dil importaco di naturala gaso en 2018 posibligos diminutar un ek la grava obstakli por lua ekonomiala kresko.[1]
La lando produktas poka petrolo: en 2018, nur 3.000 bareli di petrolo extraktesis. Tamen, la jaceyi di petrolo lor konocata reprezentis 28 miliardi bareli.[1] Pri naturala gaso, la jaceyi explotata produktis 29,53 miliardi metrokubi en 2017.[1]