Dhaka
Kelk imaji pri Dhaka.
Lando: Bangladesh
Informo:
Latitudo: 23°42' N
Longitudo: 90°22' E
Altitudo: 4 m
Surfaco: 306,38 km²
Habitanti: 14 399 000 (2013)
Denseso di habitantaro: 46997 hab./km²
Horala zono: UTC+6
Mapo di Dhaka

Dhaka, olim Dacca esas chef-urbo e la maxim populoza urbo di Bangladesh. Segun statistiki de 2013, ol havis 14 399 000 habitanti. Lua tota surfaco esas 306,38 km². Lua metropolala regiono havas 21 milion habitanti.

Placo Shapla Chottor.

Dhaka esas l'ekonomiala, politikala e kulturala centro di Bangladesh, ed un ek la maxim granda urbi de Azia. Cirkume 35% de la TNP di Bangladesh produktesas ibe. Ol esas un ek la maxim industriizita zoni de la lando, e gastigas la sideyi di diversa internaciona kompanii.

L'urbo fondesis dum l'1ma yarcento aK e nomizesis segun Durga, deino di la fertileso e spozino dil Hindua deo Shiva.

Geografio redaktar

 
Arbori Delonix regia florifanta dum la somero.

La reliefo di Dhaka esas basa e plana, jacanta an la delto dil fluvio Ganga. Lua mezavalora altitudo esas 4 metri sur la marala nivelo.

La klimato di Dhaka esas tropikala de savano (Aw segun la klimatala klasifikuro da Köppen), influata da musono. La mezavalora yarala temperaturo dil urbo esas 26°C, iranta de mezavalore 19°C en januaro e 29°C en mayo.

La mezavalora yarala pluvo-quanto dil urbo esas 2084,5. Cirkume 87% de la pluvo-quanto falas de mayo til oktobro.