Batalio di Guadalcanal
| Batalio di Guadalcanal | |||
| |||
| Usana trupi desembarkas en Guadalcanal, ye la 7ma di agosto 1942. | |||
| Konflikto: | Duesma mondomilito | ||
| Dato: | de la 7ma di agosto 1942 til la 9ma di februaro 1943 | ||
| Loko: | insulo Guadalcanal (parto del Insuli Salomon) | ||
| Rezulto: | Federiti vinkis Japoniani | ||
 Usa.svg){kind=small} Unionita Rejio Fidji Nova-Zelando Australiatrupi del Insuli Salomon |
↔ |  Japonia
| |
| Robert Ghormley William Halsey, Jr. ed altri |
↔ | Isoroku Yamamoto Hiroaki Abe, ed altri | |
| plu kam 60 mil | ↔ | 36.200 soldati en lando | |
| 7.100 morti plu kam 7700 vunditi 4 kaptiti 29 navi (di qui 1 avionala transportonavo, 6 krozeri e 14 kontre-torped-navi) 615 avioni |
↔ | 19.200 morti, di qui 8.500 mortis dum kombati, 1000 kaptiti, 38 navi (di qui 2 kurasonavi e 13 kontre-torped-navi) 683 til 880 avioni | |
La Batalio di Guadalcanal, sekrete nomizita Operaco Watchtower dal Federiti, eventis de la 7ma di agosto 1942 til la 9ma di februaro 1943 cirkume del insulo Guadalcanal, parto del arkipelago dil Insuli Salomon dum tale nomizita "milito sur Pacifiko" di la Duesma mondomilito. Ca militistala kampanio esis la maxim granda operaco de la Federiti kontre la trupi de Japoniana imperio.[1]
Ye la 7ma di agosto 1942, trupi de la Federiti, precipue Usani, komencis desembarkar en l'insuli Guadalcanal, Tulagi e Forida (Nggela Sule), sude del Insuli Salomon. Sua skopo esis impedar l'uzo di ca insuli dal Japoniani por atakar la provizo-linei inter Usa, Australia e Nova-Zelando. La Federiti anke deziris uzar Guadalcanal e Tulagi kom bazi por atakar e neutrigar Japoniana bazi en Rabaul, en la la nomizita Nova-Bretonia. Li sendis plua soldati a la regiono kam la Japoniani, dum l'okupo dil insuli en mayo 1942. La Federiti sucesis kaptar Tulagi e Florida, ed anke konstruktinta aerodromo en Guadalcanal, pose ribaptita "aerodromo Henderson".
Astonita pro l'atako dal Federit, Japoniani probis rekuperar l'aerodromo multafoye, de agosto til novembro 1942. Tri importanta terala batalii e 5 granda marala batalii ed aerala kombati preske omnadie kulminis en decidigiva marala batalio, qua eventis dum la komenco di novembro 1942, kande Japoniani sensucese probis desembarkar trupi e kaptar l'aerodromo Henderson. En decembro 1942, Japoniani abandonis l'esforci pri rikapto di Guadalcanal, ed evakuis lia lasta trupi ye la 7ma di februaro 1943.
La kampanio di Guadalcanal esis l'unesma granda vinko strategiala dal Federiti che Pacifiko. Pro to, ol judikesas kom «decidigiva» dum la milito. La Federiti komencis abandonar defensiva agadi e decidis lansar ataki kontre Japoniani, kontre ke Japonia koaktesis haltar lua expanso e komencis enfokigar defensiva agadi.
Referi
redaktar- ↑ Keegan, John:The Second World War. Publikigita da Hutchinson. Loko di publikigo: Glenfield, Auckland 10, New Zealand. Dato di publikigo: 1989.