2025
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
La yaro 2025 (MMXXV segun Romala algarismi) esas yaro komencinta ye merkurdio segun Gregoriala kalendario. Ol esas la 25ma yaro di la 3ma yarmilo, la 25ma yaro di la 21ma yarcento e la 6ma yaro di la yari 2020a.
Dum la komenco di ca yaro, l'invado di Ukraina da Rusia, l'Interna milito di Sudan, l'interna milito di Myanmar e la Milito Israel-Hamas duris.
Segun Chiniala horoskopo, 2025 esas la yaro di la Serpento.
Klimato ed ambiento
redaktarIncendii en Kalifornia divenis devastanta, e de la 1ma til la 14ma di januaro li produktis adminime 25 morti[1] e cirkume 180 mil plusa homi diplasita.[2] L'incendii atingis richa quarteri di multa urbi, inkluzite domegi de Anthony Hopkins, Paris Hilton ed altri. Gavin Newsom, guvernisto di Kalifornia, deklaras ke l'incendii che komtio Los Angeles povas esar "la maxim mala naturala dizastro de Usana historio", e la domaji povas superirar 135 miliardi di dolari[1]. Ye la 8ma di januaro, revuo Nature publikigis studio montranta ke 1/4 ek 23 496 speci studiita di krustacei, fishi e raptera insekti minacesas pri extingo[3]. En Brazilia, pluvegi efektigis rapida inundadi en terglitadi che urbi Coronel Fabriciano, Ipatinga, Santana do Paraíso e Timóteo, en Minas Gerais, produktanta 12 morti. En 6 hori, pluvis 206 mm en Ipatinga, kontre ke mezavalore l'urbo recevas 174 mm di pluvi dum januaro[4]. Ank en sud-estala regiono di Brazilia, urbo Peruíbe recevis 263 mm di pluvo en 24 hori, kande on expektis 236 mm por la tota monato januaro en la urbo[5]. En Indonezia, 17 personi mortas e 8 desaparas pro terglitadi e rapida inundadi efektigita da pluvegi, che provinco Centrala Java[6]. En Europa, extertropikala ciklono Éowyn frapas Irlando e Skotia ye la 24ma di januaro 2025, per venti qui atingis 183 km/h. Ol esis la maxim forta tempesto qua frapis Irlando depos uragano Debbie, en 1961. De la 24ma til la 30ma di januaro, tempesto Herminia frapis Irlando, Unionita Rejio, Portugal, Hispania e Francia per venti qui atingis 128 km/h, produktanta "la maxim serioza inundadi en 40 yari" en Bretonia e Normandia[7]. Fine, de la 27ma til la 31ma di januaro, tempesto Ivo anke frapis la westo di Francia, e l'inundado duris en regioni ja inundita dum l'antea tempesti.
Ye la 6ma di januaro 2025, Europana kosmala agenterio Copernicus publikigis inquesto montranta ke januaro 2025 esis la maxim varma enrejistrita dum la historio di la planeto. La mezavalora temperaturi di la planeto esis 1,75 gradi Celsius plu alta kam la mezavalora temperaturi enrejistrita dum la komenco dil industriala revoluciono[8]. Ye la 7ma di marto eventas violentoza tempesto en Bahía Blanca, Arjentinia, qua produktis adminime 16 morti. La pluvo-quanto atingis 400 mm, equivalanta a 70% de la tota pluvo-quanto qua ordinare falas omnayare sur la urbo[9]. Ye la 10ma di marto, ciklono Jude frapis distrikto Mossuril, provinco Nampula, en Mozambik, produktanta 9 morti, 20 plusa homi vundita, e plua kam 100 mil personi afektita[10]. Ye la 26ma di marto, Boliviana prezidanto Luis Alberto Arce deklaris nacional urjanteso pro katastrofoza inundadi, qui produktis plua kam 50 morti e domajis proprieti di plua kam 100 mil personi. La deklaro eventis pos pluvegi nenormale intensa, qui afektis omna 9 Boliviana departmenti[11].
En Australia, signifikiva inundadi frapis nord-estala stato Quinslando de januaro til aprilo. La domaji kalkulita til la 12ma di aprilo superirabis 1,2 miliard dolari Australiana. En marto ed aprilo, pluvegi ed inundadi anke frapis la sudwesto di la lando. De la 20ma til la 25ma di mayo eventis granda inundadi en la centro e norda litoro di estala stato Nova Sud Wals, qui afektis plua kam 48 mil personi e produktis 5 morti. Taree, an la centro di la regiono inundita, recevis 427 mm di pluvi en du dii, la maxim granda inundado enrejistrita en la zono depos 1920. Ye la 21ma di mayo, l'inundado da fluvio Manning superiris preske 100-yara rekordo kande lua nivelo superiris 6 metri[12]. En Usa, de la 15ma til la 16ma di mayo 56 tornadi frapis diversa arei di Arkansas, Tennessee, Missouri, Illinois, Indiana, Ohio, e Kentucky, produktanta 27 morti (e plusa 4 por sekundara efekti) e plua kam 69 plusa homi vundita. Un ek la tornadi atingis 310 km/horo en Marion, Illinois. En Arjentinia, de la 16ma til la 18ma di mayo eventis violentoza pluvego che provinco Buenos Aires, kun greluno, fulmini, falio di temperaturo e manko di elektro, qua produktis 3 morti. En India, dum la lasta semano di mayo e komenco di junio, pluvegi en nord-estala stati produktis adminime 30 morti[13]. En Sudafrika, segun statistiki de la 11ma di junio, adminime 49 personi mortis pro inundadi qui devastis provinco Estala Kabo (Eastern Cape)[14].
Somero komencis en norda misfero kun rekordi di temperaturi en multa regioni di Europa, exemple en Mora, Portugal, ube enrejistresis 46,6°C ye la 29ma di junio[15]. Sevilla, Hispania, enrejistris 46°C[15], nacionala rekordo. En Roma, Milano e Trento la temperaturi anke superiris 40°C[15]. Ye la 1ma di julio en Paris, la somito di Turmo Eiffel klozesis por vizitato pro l'ecesiva varmigo[16]. Til la 7ma di julio, on kalkulis ke plua kam 1400 personi mortabis en la tota Europa e Turkia konseque de varmeso. En Usa, grandega e devastanta inundadi eventis che stato Texas, komencinta ye la 4ma di julio. Adminime 95 personi mortis til la 7ma di julio[17], e plua kam 41 plusa homi restas desaparinta.
Eventi
redaktar- 1ma di januaro - Adminime 10 personi mortas e 35 plusa homi vundesas kande individuo uzas kamioneto por fular li en avenuo di New Orleans, Louisiana, Usa. Pose l'individuo pafas kontre policisti e mortigesas.[18]
- 1ma di januaro - Liechtenstein legaligas samasexua mariajo.[19]
- 1ma di januaro - Rumania e Bulgaria kompletigas procedi por enirar tale nomizita "Schengen-areo", en Europana Uniono.
- 2ma di januaro - Interna milito di Somalia - Trupi de Puntlando lansas atako kontre celeyi dil grupo Harakat al-Shabaab al-Mujahideen, ligita a Islamana Stato, che regiono Bari, Puntlando, Somalia.
- 4ma di januaro - Austriana kancelero Karl Nehammer anuncas ilua renunco.
- 7ma di januaro - Ter-tremo kun forteso 7.1 che skalo di Richter frapas Tibet, produktanta adminime 126 morti e 188 plusa homi vundita[20].
- 8ma di januaro - Interna milito di Myanmar: Aerala bombardi dal armeo di Myanmar en Kyauk Ni Maw, insulo Ramree, produktas adminime 40 morti e 12 plusa homi vundita.[21]
- 9ma di januaro - En Libano, Joseph Aoun elektesas kom prezidanto.
- 12ma di januaro - En Kroatia, Zoran Milanović rielektesas kom prezidanto.
- 15ma di januaro - En Sud-Korea, ex-prezidanto Yun Sok-yol arestesas.
- 15ma di januaro - Milito Israel-Hamas: Israel e Hamas aprobas pafo-ceso, por interchanjo di militala kaptiti e por posibligar eniro di humanala sokurso en Gaza.
- 19ma di januaro - Milito Israel-Hamas: pafo-ceso inter Israel e Hamas efikeskas.
- 21ma di januaro - Incendio en hotelo che urbo Kartalkaya, Turkia, produktas 79 morti[22].
- 22ma di januaro - Tailando divenas la 38ma lando en la mondo qua legaligas samasexua mariajo.[23]
- 29ma di januaro - Aviono Bombardier CRJ700 kun 64 personi en navi kolizionas kontre militala helikoptero Sikorsky UH-60 Black Hawk proxim aeroportuo Ronald Reagan en Washington DC. Amba aeronavi falas en fluvio Potomac, e nulu transvivas.[24]
- 29ma di januaro - Ahmed al-Sharaa divenas chefministro di Siria.
- 30ma di januaro - Pos modifiko en lua konstituco, Nikaragua havas du prezidanti, Daniel Ortega e Rosario Murillo.
- 3ma di februaro - Atako per automobilo-bombo produktas adminime 20 morti e 15 plusa homi vundita en Manbij, Siria.[25]
- 3ma di februaro - Habitanti di insulo Santorini, en Grekia, evakuesas pos serio di plu kam 200 ter-tremi en 48 hori.
- 4ma di februaro - Adminime 10 personi mortigesas e 15 plusa homi vundesas dum pafado che skolo Risbergska, Örebro, Suedia. La pafero pose mortigesas.[26]
- 5ma di februaro - Feroca kombato inter sekureso-trupi di Puntlando e membri de Islamana Stato en Bari, Somalia, produktas 57 morti.
- 5ma di februaro - En Filipini, viceprezidantino Sara Duterte akuzesas da la Domo di Reprezentanti, e revokesas de la povo.[27]
- 10ma di februaro - Che Guatemala-urbo, autobuso falas de ponto aden rivero Las Vacas, produktanta adminime 56 morti e 9 plusa homi vundita.
- 12ma di februaro - Pos quar votadi, Konstantinos Tasoulas elektesas prezidanto da la parlamento di Grekia[28].
- 18ma di februaro - Vladimir Putin anuncas ke Rusia ed Usa aceptis riestablisar diplomacala relati.[29]
- 18ma di februaro - Egiptia anuncas deskovro di tombeyo dil faraono Tutmosis la 2ma.
- 25ma di februaro - En Chili eventas grandega furniso-ceso di elektro en 14 regioni di la lando, inkluzite Santiago.
- 26ma di februaro - Volker Türk, komisito dil Unionita Nacioni pri homala yuri kondamnas Israel por violaco di homala yuri en Gaza.
- 28ma di februaro - En Réunion, tri personi mortas pos ke ciklono Garance frapas l'insulo.
- 28ma di februaro - La quanto di kazi di morbilo notifikita en Texas, Usa, atingas 146, kun 20 individui enhospitaligita. Morbilo deklaresis extirpita de Usa en 2000.
- 1ma di marto - En Bolivia, du autobusi kolizionas proxim Uyuni produktanta adminime 37 morti e 30 plusa homi vundita.
- 2ma di marto - Diversa incendii en vejetantaro komencas en Sudal Karolina e Nordal Karolina, e multa urbeti mustas evakuesar.
- 4ma di marto - Dogano-taxi impozita da Donald Trump kontre produkturi importacita de Kanada e Mexikia (25% super la preco di la vari) efikeskas. Ye la sama dio, dogano-taxado kontre produkturi de Popul-Republiko Chinia augmentas de 10% til 20%. Kom taliono, Kanada e Mexikia anuncas l'adopto di reciproka dogano-taxo kontre Usana produkturi.
- 7ma di marto - invado di Ukraina da Rusia: unesmafoye, Ukraina uzas avioni Dassault Mirage 2000 por interceptar misili Rusa[30].
- 10ma di marto - Ciklono Jude frapas distrikto Mossuril, provinco Nampula, en Mozambik, produktanta 9 morti, 20 plusa homi vundita, e plua kam 100 mil personi afektita[10].
- 11ma di marto - Rodrigo Duterte, ex-prezidanto di Filipini arestesis dal IKK.
- 16ma di marto - Incendio che noktala klubo en Kočani, Norda Makedonia, produktas adminime 59 morti e 155 plusa homi vundita[31].
- 21ma di marto - Incendio che aeroportuo Heathrow en London afektas flugi en la tota mondo. La domaji dil incendio kalkulesas de 200 til 250 milion pundi[32].
- 28ma di marto - Ter-tremo en Myanmar e Tailando kun forteso 7.7 che skalo di Richter produktas adminime 144 morti[33].
- 4ma di aprilo - Konstitucala korto di Sud-Korea konfirmas akuzo e judicio dil ex-prezidanto Yoon Suk-yeol per 8 voti kontre 0.
- 8ma di aprilo - Tekto di noktala klubo Jet Set krulas en Santo Domingo, Dominikana Republiko, produktanta 232 morti[34].
- 15ma di aprilo - Batelo naviganta fluvio Kongo kulbutas pos incendio proxim urbo Mbandaka, Demokratial Republiko Kongo, produktanta adminime 148 morti.
- 26ma di aprilo - Adminime 25 personi mortas e cirkume 800 plusa homi vundesas pos violentoza explozo che portuo Shahid Rajaee, en Bandar Abbas, Iran[35].
- 26ma di aprilo - En Vancouver, Kanada, individuo jetas automobilo kontre turbo dum festivalo di Filipinana enmigranti por celebrar la Dio di Lapu-Lapu, mortiganta 11 personi e vundanta plua kam 32 plusa homi[36].
- 28ma di aprilo - Portugal, Hispania, Andora e kelka parti di Francia afektesas da manko di elektro. Aeroportui, publika transporto e multa hospitali afektesas[37].
- 29ma di aprilo - Incendio en restorerio che urbo Liaoyang, Popul-Republiko Chinia, produktas 22 morti e 3 plusa homi vundita.
- 30ma di aprilo - Incendii sen kontrolo afektas adminime 100 loki di Israel e Gaza. Israel deklaras urjanteso-stando ed evakuas personi qui rezidas proxim Ierusalem.
- 2ma di mayo - En Goa, India, 7 personi mortas e plua kam 30 plusa homi vundesas dum panika fugo de templo Lairai Devi[38].
- 7ma til la 8ma di mayo - Papala konklavo: kardinali elektas Robert Francis Prevost, Usano, kom papo. Lu adoptas la nomo Leo la 14ma. Ilu havas nacionaneso Usana e Peruana, ed esas l'unesma papo Nord-Amerikana.
- 10ma di mayo - India e Pakistan anuncas pakto pri pafo-ceso en lia konflikto pri Kashmir. Hori pose, India akuzas Pakistan pri violaco di pafo-ceso.
- 12ma di mayo - Partiso di Laboristi di Kurdistan cesas existar, pos deklaro di pafo-ceso kun Turkia.
- 18ma di mayo - En Rumania, Nicușor Dan, urbestro di Bucarest, elektesas prezidanto di la lando en duesma balotado.
- 22ma di mayo - Britaniana chefministro Keir Starmer signatas pakto qua transferas kompleta la suvereneso di arkipelago Chagos a Maurico. Kambie, Unionita Rejio ed Usa mantenos dum 99 yari la kontrolo pri navala bazo che atolo Diego Garcia[39].
- 28ma di mayo - En Suisia, krulo di glaciero efektigas kataklismala terglitado qua destruktas preske komplete urbeto Blatten, en Valais. La habitantaro evakuesis ante la terglitado, ecepte singla individuo, qua desaparis.
- 1ma di junio - invado di Ukraina da Rusia: Ukraina lansas atako per senpilotist aviacili kontra militala bazi Rusa. Adminime 40 avioni destruktesas.
- 6ma di junio - Komencas protesti en Los Angeles, Kalifornia, kontre la politiko pri deportado da Donald Trump e l'agadi di agenterio Immigration and Customs Enforcement kontre enmigranti[40].
- 8ma di junio - Ter-tremo kun forteso 6.5 che skalo di Richter frapas Bogota, Kolumbia, produktanta 4 personi vundita.
- 10ma di junio - En Graz, Austria, 21-yara ex-skolano eniras sekundara skolo Dreierschützengasse pafante hazarde kontre skolani, e produktas 10 morti, de qui 7 skolani. Pose lu suocidas[41].
- 12ma di junio, Israel atakas Iran
Naski
redaktarMorti
redaktar
- 2ma di januaro - Ágnes Keleti, Hungara gimnastikistino, Olimpiala championino (n. 1921)[42]
- 4ma di januaro - Peter Brandes, Dana skultisto (n. 1944)[43]
- 5ma di januaro - Konstantinos Simitis, chefministro di Grekia (n. 1936)[44]
- 6ma di januaro - Henny Eman, chefministro di Aruba (n. 1948)
- 7ma di januaro - Jean-Marie Le Pen, Franca politikisto (n. 1928)
- 7ma di januaro - Walter Martos, chefa ministro di Peru (n. 1957)
- 13ma di januaro - Oliviero Toscani, Italiana fotografisto (n. 1942)
- 15ma di januaro - Rosny Smarth, chefministro di Haiti (n. 1940)
- 16ma di januaro - David Lynch, Usana cinematografisto (n. 1946)
- 17ma di januaro - Punsalmaagiin Ochirbat, prezidanto di Mongolia (n. 1942)
- 21ma di januaro - Carlos Mauricio Funes, prezidanto di Salvador (n. 1959)
- 30ma di januaro - Marianne Faithfull, Britaniana kantisto (n. 1946)
- 30ma di januaro - Julius Chan, chefministro di Papua-Nova-Guinea (n. 1939)
- 31ma di januaro - Carlos Ferrero, chefa ministro di Peru (n. 1941)
- 1ma di februaro - Horst Köhler, prezidanto di Germania (n. 1943)
- 4ma di februaro - Sid Ahmed Ghozali, chefministro di Siria (n. 1937)
- 8ma di februaro - Sam Nujoma, prezidanto di Namibia (n. 1929)[45]
- 14ma di februaro - Geneviève Page, Franc aktorino (n. 1927)[46]
- 17ma di februaro - Frits Bolkestein, Nederlandana politikisto (n. 1933)
- 22ma di februaro - Hans van den Broek, Nederlandana politikisto (n. 1936)
- 24ma di februaro - Roberta Flack, Usana kantisto (n. 1937)
- 26ma di februaro - Gene Hackman, Usan aktoro (n. 1930)[47]
- 26ma di februaro - Michelle Trachtenberg, Usan aktorino (n. 1985)
- 27ma di februaro - Boris Vasilyevich Spasski, Rusa-Sovietiana-Franciana shakoludisto (n. 1937)
- 1ma di marto - Angie Stone, Usana kantisto (n. 1961)
- 4ma di marto - Roy Ayers, Usana jazo-muzikisto, kompozisto e kantisto (n. 1940)
- 16ma di marto- Rob de Nijs, Nederlandan aktoro e kantisto (n. 1942)
.jpg)
- 21ma di marto - George Foreman, Usana boxisto (n. 1949)[48]
- 28ma di marto - Heloísa Teixeira, Braziliana skriptistino (n. 1939)
- 29ma di marto - Richard Chamberlain, Usan aktoro e kantisto (n. 1934)[49]
- 1ma di aprilo - Val Kilmer, Usan aktoro (n. 1959)[50]
- 10ma di aprilo - Leo Beenhakker, Nederlandana futbalisto, futbal-entrenisto (m. 1942)[51]
- 13ma di aprilo - Mario Vargas Llosa, Peruana skriptisto, Nobel-laureato (n. 1936)[52]
- 14ma di aprilo - Abdullah Ahmad Badawi, chefministro di Malaizia (n. 1939)[53]
.jpg)
- 21ma di aprilo - Papo Franciskus (n. 1936)[54]
- 30ma di aprilo - Jules Wijdenbosch, prezidanto di Surinam (n. 1941)
- 23ma di aprilo - Fouad Mebazaa, Tuniziana politikisto (n. 1933)
- 1ma di mayo - Nana Caymmi, Braziliana kantistino (n. 1941)
- 13ma di mayo - José Alberto Mujica, prezidanto di Uruguay (n. 1935)
- 16ma di mayo - Jan Terlouw, Nederlandana politikisto, skriptisto (n. 1931)
- 20ma di mayo - Trần Đức Lương, prezidanto di Vietnam (n. 1937)
- 20ma di mayo - George Wendt, Usan aktoro (n. 1948)
- 22ma di mayo - Alasdair MacIntyre, Britaniana filozofo (n. 1929)
- 22ma di mayo - Sebastião Salgado, Braziliana fotografisto e jurnalisto (n. 1944)
- 29ma di mayo - George Elwood Smith, Usana fizikisto, Nobel-laureato (n. 1930)[55]
- 29ma di mayo - Alf Clausen, Usana kompozisto (n. 1941)
- 3ma di junio - Krisztina de Châtel, Hungarian-Nederlandana dans-artisto (n. 1943)
- 4ma di junio - Niède Guidon, Braziliana arkeologiistino (n. 1933)
- 5ma di junio - Edgar Lungu, prezidanto di Zambia (n. 1956)[56]
- 9ma di junio - Frederick Forsyth, Angla novelisto e jurnalisto (n. 1938)
.jpg)
- 9ma di junio - Sly Stone, Usana muzikisto, kompozisto e kantisto (Sly & The Family Stone) (n. 1943)[57]
- 10ma di junio - Günther Uecker, Germana piktisto e skultisto (n. 1930)
- 11ma di junio - Brian Wilson, Usana kantisto, kompozisto e muzikisto (Beach Boys) (n. 1942)[58]
- 14ma di junio - Henk van Os, Nederlandana historiisto di arto (n. 1938)
Nobel-premiiziti
redaktar- Fiziko: [[
- Kemio: [[
- Fiziologio o Medicino: [[
- Literaturo: [[
- Paco: [[
- Ekonomiko: [[
Referi
redaktar- ↑ 1,0 1,1 LA fires live updates: ‘Extremely critical conditions’ in California as 72 mph wind gusts slam city - Publikigita da The Independent. Dato di publikigo: 14ma di januaro 2025. Idiomo: Angla.
- ↑ What we know about the victims killed in the California wildfires - Publikigita da MSN. Dato di publikigo: 10ma di januaro 2025. Idiomo: Angla.
- ↑ Autoro: Catherine A. Sayer, Eresha Fernando, Randall R. Jiminez, Micholas B. W. Macfarlane. One-quarter of freshwater fauna threatened with extinction. Publikigita da Nature. Dato di publikigo: 8ma di januaro 2025.
- ↑ Chuva castiga região Sudeste do Brasil em janeiro - Publikigita da Climatempo. Dato di publikigo: 13ma di januaro 2025.
- ↑ Chuva orográfica causou alagamentos em Peruíbe (SP); entenda fenômeno - Publikigita da CNN. Dato di publikigo: 10ma di januaro 2025. Idiomo: Portugalana.
- ↑ Landslides and flash floods on Indonesia’s Java island leave 17 dead and 8 missing - Publikigita da ABC News. Dato di publikigo: 21ma di januaro 2025. Idiomo: Angla.
- ↑ Residents rescued from ‘worst flooding in 40 years’ as Herminia hits France - Publikigita da The Age. Dato di publikigo: 28ma di januaro 2025.
- ↑ Ano começa com janeiro mais quente já registrado, 1,75°C acima da era pré-industrial, aponta Copernicus - Publikigita da Globo.com. Dato di publikigo: 6ma di februaro 2025. Idiomo: Portugalana.
- ↑ Temporal en Bahía Blanca: la intendencia confirmó al menos 16 muertos y dijo que la reconstrucción de la ciudad saldrá $400.000 millones - Publikigita da La Nación. Dato di publikigo: 9ma di marto 2025. Idiomo: Hispana.
- ↑ 10,0 10,1 Mozambique, Malawi, Madagascar - Tropical Cyclone JUDE, update (INGD/National Institute for Disaster Management in Mozambique, GDACS, Meteo France La Reunion, media) (ECHO Daily Flash of 13 March 2025) - Publikigita da Relief Web. Dato di publikigo: 13ma di marto 2025. Idiomo: Angla.
- ↑ Bolivia declares emergency after floods kill over 50 - Publikigita da Reuters. Dato di publikigo: 26ma di marto 2025. Idiomo: Angla.
- ↑ NSW flooding as it happened: Mid North Coast, Hunter regions battered by heavy rainfall; Evacuation orders issued as Manning River levels break almost 100-year record - Publikigita da The Sydney Morning Herald. Dato di publikigo: 21ma di mayo 2025.
- ↑ At least 30 killed in India’s northeast as rains trigger floods, landslides - Publikigita da Al Jazeera. Dato di publikigo: 1ma di junio 2025. Idiomo: Angla.
- ↑ t least 49 people dead in South Africa flooding, with toll expected to rise - Publikigita da Anchorage Daily News. Dato di publikigo: 11ma di junio 2025. Idiomo: Angla.
- ↑ 15,0 15,1 15,2 All the European countries with heatwave weather warnings right now - Publikigita da Conde Nest Traveller. Dato di publikigo: 2ma di julio 2025. Idiomo: Angla.
- ↑ The Eiffel Tower is closed to tourists due to searing heat. Here’s why it’s happening - Publikigita da CNN. Dato di publikigo: 1ma di julio 2025. Idiomo: Angla.
- ↑ Death toll rises to 95 in Texas floods - Publikigita da CNN. Dato di publikigo: 7ma di julio 2025.
- ↑ Veículo atropela multidão, mata ao menos 10 e fere 35 pessoas nos EUA - Publikigita da UOL. Dato di publikigo: 1ma di januaro 2025. Idiomo: Portugalana.
- ↑ Liechtenstein legalizes same-sex marriage in near-unanimous vote - Publikigita da Politico. Dato di publikigo: 1ma di januaro 2025. Idiomo: Angla.
- ↑ Un terremoto en una ciudad sagrada del Tíbet deja al menos 126 muertos y 188 heridos - Publikigita da BBC News Mundo. Dato di publikigo: 7ma di januaro 2025. Idiomo: Hispana.
- ↑ At least 40 killed in Myanmar military air attack in Rakhine State, UN says - Publikigita da Al Jazeera. Dato di publikigo: 11ma di januaro 2025. Idiomo: Angla.
- ↑ Simmering anger as Turkey buries ski hotel fire victims - Publikigita da CBS 19 News. Dato di publikigo: 26ma di januaro 2025. Idiomo: Angla.
- ↑ Same-Sex Marriage Legalized in Thailand, Beginning January 2025 - Publikigita da TIME. Dato di publikigo: 25ma di septembro 2024. Idiomo: Angla.
- ↑ Caixa-preta é encontrada; o que se sabe sobre acidente fatal entre helicóptero e avião da American Airlines - Publikigita da BBC Brasil. Dato di publikigo: 30ma di januaro 2025. Idiomo: Portugalana.
- ↑ Car bomb blast in northern Syria kills at least 20 - Publikigita da BBC. Dato di publikigo: 3ma di februaro 2025. Idiomo: Angla.
- ↑ School campus attack is 'Sweden's worst mass shooting', PM says, as around 10 people killed - Publikigita da BBC News. Dato di publikigo: 4ma di februaro 2025. Idiomo: Angla.
- ↑ House impeaches VP Sara Duterte - Publikigita da ABS-CBN News. Dato di publikigo: 5ma di februaro 2025. Idiomo: Angla.
- ↑ Konstantinos Tasoulas elected new president of Greece - Publikigita da ekhatimerini.com. Dato di publikigo: 12ma di februaro 2025. Idiomo: Angla.
- ↑ US, Russia agree to restore diplomatic missions as first step in Ukraine war talks Publikigita da Reuters. Dato di publikigo: 18ma di februaro 2025. URL vidita ye 20ma di februaro 2025. Idiomo: Angla.
- ↑ Ukraine uses French Mirage jets for first time in repelling massive Russian attack - Publikigita da Politico. Dato di publikigo: 7ma di marto 2025. Idiomo: Angla.
- ↑ Fifteen detained after North Macedonia nightclub fire kills 59 - Publikigita da BBC. Dato di publikigo: 17ma di marto 2025. Idiomo: Angla.
- ↑ Heathrow, todo lo que sabemos sobre el incendio en el aeropuerto de Londres que causó caos global - Publikigita da Wired. Dato di publikigo: 21ma di marto 2025. Idiomo: Hispana.
- ↑ 'We're digging people out with our bare hands': Hunt for survivors as Myanmar quake kills dozens - Publikigita da BBC. Dato di publikigo: 28ma di marto 2023. Idiomo: Angla.
- ↑ Jhonatan Natera Rosario, la víctima 232 de la tragedia ocurrida en el Jet Set - Publikigita da El Caribe. Dato di publikigo: 17ma di aprilo 2025. Idiomo: Hispana.
- ↑ A massive explosion at an Iranian port possibly linked to missile fuel kills 25, injures some 800 - Publikigita da AP. Dato di publikigo: 27ma di aprilo 2025. Idiomo: Angla.
- ↑ Suspect charged with eight counts of second degree murder after Vancouver car ramming - Publikigita da BBC News. Dato di publikigo: 27ma di aprilo 2025. Idiomo: Angla.
- ↑ Un gran apagón general afecta a toda España: aún faltan "horas" para que el sistema se recupere por completo - Publikigita da El Mundo. Dato di publikigo: 28ma di aprilo 2025. Idiomo: Hispana.
- ↑ 7 killed, over 30 injured in stampede at Goa's Lairai Devi temple - Publikigita da India Today. Dato di publikigo: 2ma di mayo 2025. Idiomo: Angla.
- ↑ UK signs deal to hand over Chagos Islands and lease back military base for £101m a year - Publikigita da BBC News. Dato di publikigo: 22ma di mayo 2025. Idiomo: Angla.
- ↑ What are the protests in LA about? Trump's controversial immigration crackdown explained - Publikigita da ABC News. Dato di publikigo: 9ma di junio 2025. Idiomo: Angla.
- ↑ Ataque a tiros em escola deixa ao menos 10 mortos na Áustria - Publikigita da Poder 360. Dato di publikigo: 10ma di junio 2025. Idiomo: Portugalana.
- ↑ Elhunyt Keleti Ágnes ötszörös olimpiai bajnok tornász, a Nemzet Sportolója - Publikigita da Hirado.hu. Dato di publikigo: 2ma di januaro 2025. Idiomo: Hungara.
- ↑ Kirkekunster Peter Brandes er død - Publikigita da DR. Dato di publikigo: 4ma di januaro 2025. Idiomo: Dana.
- ↑ Muere a los 88 años el ex primer ministro griego Costas Simitis - Publikigita da La Vanguardia. Dato di publikigo: 5ma di januaro 2025. Idiomo: Hispana.
- ↑ Namibia’s founding president, Sam Nujoma, dies aged 95 - Publikigita da The Namibian. Dato di publikigo: 9ma di februaro 2025. Idiomo: Angla.
- ↑ Décès de Geneviève Page, gloire du théâtre, à l’âge de 97 ans - Publikigita da Le Figaro. Dato di publikigo: 14ma di februaro 2025. Idiomo: Franca.
- ↑ Moreau, Jordan:Gene Hackman and Wife's Death Ruled 'Suspicious' in Search Warrant: 'No Obvious Signs of a Gas Leak' and 'Thorough Investigation' Required Publikigita da Variety. Dato di publikigo: 27ma di februaro 2025. URL vidita ye 27ma di februaro 2025. Idiomo: Angla.
- ↑ Boxing Legend George Foreman Dead at 76 - Publikigita da TMZ Sports. Dato di publikigo: 21ma di februaro 2025. Idiomo: Angla.
- ↑ Autoro: Redacción Clarin. Murió el actor Richard Chamberlain, el famoso “Dr. Kildare” de la TV y estrella de “El pájaro canta hasta morir” y “Shogun” Publikigita da Clarin.
- ↑ Muere Val Kilmer, carismático actor de 'Top Gun' que interpretó a Batman y Jim Morrison, a los 65 años - Autoro: Astrid Meseguer. Publikigita da La Vanguardia. Idiomo: Hispana.
- ↑ Autoro: José Manuel Martín. Ha muerto Leo Beenhakker, exentrenador y campeón de Liga con el Real Madrid Publikigita da La Razón. Loko di publikigo: Madrid. Dato di publikigo: 10ma di aprilo 2025. URL vidita ye 10ma di aprilo 2025. Idiomo: Hispana.
- ↑ https://elpais.com/cultura/2025-04-14/muere-mario-vargas-llosa-gigante-de-las-letras-universales.html
- ↑ Malaysia's former Prime Minister Abdullah Ahmad Badawi dies, aged 85 - Autoro: CNA/Agencies/. Publikigita da CNA (Channel News Asia). Idiomo: Angla.
- ↑ Morre Francisco, o papa de hábitos simples que lutou para mudar a Igreja - Publikigita da g1 Globo. Dato di publikigo: 21ma di aprilo 2025. URL vidita ye 21ma di aprilo 2025. Idiomo: Portugalana.
- ↑ «George E. Smith Dead: Nobel Prize Winner Was 95» - Publikigita da The New York Times. URL vidita ye 1ma di junio 2025. Idiomo: Angla.
- ↑ Former Zambian President Lungu dies aged 68 - Publikigita da BBC. Dato di publikigo: 5ma di junio 2025. Idiomo: Angla.
- ↑ Sly Stone, lenda do funk, morre aos 82 anos - Publikigita da UOL. Dato di publikigo: 9ma di junio 2025. URL vidita ye 9ma di junio 2025. Idiomo: Portugalana.
- ↑ Muere Brian Wilson, ícono de la música y fuerza creativa detrás de los Beach Boys - Publikigita da CNN Español. Dato di publikigo: 11ma di junio 2025. Idiomo: Hispana.