Sydney
Montage of Sydney1.jpg
Kelk imaji pri Sydney.
City of Sydney Flag.svg Sydney - COA.svg
Standardo Blazono
Lando: Flag of Australia.svg Australia
Stato: Nova Sud Wals
Informo:
Fondita ye: 26ma di januaro 1778
Latitudo: 33° S
Longitudo: 151° E
Altitudo: 3 m
Surfaco: 12.367,7 km²
Habitanti: 5 005 358[1] (2016)
Denseso di habitantaro: 404,7 hab./km²
Disto de Canberra: 287 km
Horala zono: UTC+10
(UTC+11 dum la somero)
Urbestro: Clover Moore
Mapo:
Mapo di Sydney
Oficala retosituo:
cityofsydney.nsw.gov.au

Sydney esas chef-urbo di Nova Sud Wals e la maxim populoza urbo de Australia e de Oceania. Segun statistiki de 2016, ol havis 5 005 358 habitanti,[1] to esas plu kam 20% de la habitantaro di la lando. Segun la demografiala kontado di 2011, cirkume 34% de lua habitanti naskis exterlande.[1]

Sydney

Jacanta an l'estala rivo di Australia, lua metropolo cirkondas la maxim granda naturala portuo de la mondo. Lua metropolala regiono havas 12.367,7 km².

Sydney judikesas kom un ek la maxim chera urbi de la mondo por rezidar.

HistorioRedaktar

La regiono di Sydney habitesas adminime de Paleolitiko, cirkume 30 mil yari ante nun. L'unesma kontakto inter lua primitiva habitanti e l'Europani eventis ye la 29ma di aprilo 1770, kande James Cook desembarkis en Botany Bay. Kande Cook arivis ibe, la regiono habitesis da cirkume 4.000 til 8.000 personi, de 29 klani, qui transvivis per chasado e peskado.

La koloniigo komencis ye la 18ma di januaro 1778 kun cirkume 850 karcerani sendita de Anglia en 11 navi, komandita dal kapitano Arthur Phillip. L'unesma nomo di la kolonio esus "Nova-Albion", tamen Phillip decidis nomar ol "Sydney". De 1788 til 1792, entote 3 546 viri e 766 mulieri karcerani sendesis a la kolonio, di qui multi esis "profesionala kriministi", kun poka habileso por laborar en la nova kolonio.

GeografioRedaktar

 
Aeral imajo pri Sydney.

La reliefo di Sydney esas plana e basa sude e weste de lua portuo, en la regiono nomizita Cumberland Plain. Norde del urbo existas platajo, nomizita Hornsby Plateau, dividita per abrupta vali. La roki dil platajo formacesis dum Triasiko. Existas 70 plaji en lua litoro.

La klimato dil urbo esas subtropikala humida (Cfa segun la klimatala klasifikuro da Köppen). La mezavalora temperaturo en februaro (somero) esas 23,1°C, kontre ke la mezavalora temperaturo en julio (vintro) esas 13°C.

La mezavalora yarala pluvo-quanto esas 1222,7 mm, e la maxim pluvoza monato esas aprilo, kun mezavalore 137 mm.

TransportoRedaktar

 
Ferovoyala staciono Macarthur.

Cirkume 350 mil automobili povas okupar la stradi di Sydney dum la hasto-hori. Segun statistiki de 2011, ek la personi qui rezidis exter Sydney e laboris en l'urbo, 58,4% uzis automobili, 9,1% uzis treni, 5,2% uzis autobusi, e 4,1% pediris.[2] Kontraste, nur 25,2% de la habitanti di Sydney uzis automobili por irar a laboreyi, 15,8% uzis treni, 13,3% uzis autobusi, e 25,3% pediris.[3]

Sydney havis la 2ma maxim extensa sistemo di tramveturi de Britanian imperio, kun entote 219 km di linei. Tamen, gradope l'autobusi remplasis la tramveturi, e la lasta linei extingesis en 1961. Nun, 6% ek la transporto urbala facesas per autobusi, qui transportas entote 249,8 milion veheri omnayare. En kelka chosei grantesas prioreso por la transporto per autobusi.

Nun, l'urbo havas 8 linei di suburbala treni, kun 178 stacioni e 815 km. Du linei di metroo kun entote 66 km e 31 stacioni kompleteskos en 2019.

ReferiRedaktar

  1. 1,0 1,1 1,2 (30ma di junio 2016) 3218.0 – Regional Population Growth, Australia, 2015–16. Australian Bureau of Statistics. URL vidita ye la 30ma di marto 2017.
  2. (2013) 2011 Census QuickStats: Greater Sydney. Australian Bureau of Statistics. URL vidita ye la 26ma di julio 2014.
  3. (2014) Method of travel to work. .id. URL vidita ye la 27ma di julio 2014.